Categories: India Top Stories

જે સરકાર તમારું ‘વેલફેર’ ન કરે, તેમનું ‘ફેરવેલ’ કરી દેવું જોઇએ: PM મોદી

કર્ણાટકના ચિત્રદુર્ગ ચૂટંણી રેલીને સંબોધિત કરવા માટે પહોંચેલા પ્રધાનમંત્રી નરેન્દ્ર મોદીએ કોંગ્રેસ પર નિશાન સાધ્યુ હતુ. મોદીએ જણાવ્યુ કે, ”કોંગ્રેસ પાર્ટીએ સ્થાનિક વીરો અને વીરાંગનાઓનું સન્માન કરવાની જગ્યાએ સુલ્તાનોનું સન્માન કર્યુ છે.” PM મોદીએ કોંગ્રેસ પાર્ટી પર દલિતો અને બાબા સાહેબ આંબેડકરનું અપમાન કરવાના આરોપ લગાવ્યા. PM મોદીએ કહ્યુ કે, ”જે પાર્ટી ગરીબોનું વેલફેર ન કરી શકે, અહીંયા લોકોએ તેને ફેરવેલ આપી દેવી જોઇએ.” આ ઉપરાંત મોદીએ કોંગ્રેસ પર પ્રહાર કરતાં કહ્યું હતું કે, ‘ ન દિલવાળી, ન દલિતવાળી, આ ડીલવાળી કોંગ્રેસ પાર્ટી છે’

દલિત વીરોનું થયું અપમાન:

PM મોદીએ કહ્યુ કે, ”હું દલિત માની કોખમાંથી પેદા થયેલી તે વીરાંગના વીરા મરકડીને નમન કરું છું, જેણે દુશ્મનોને જડબાતોડ જવાબ આપ્યો હતો. સાહસ અને શૌર્ય શું છે, આપણે તે દલિત વીરાંગનાઓ પાસેથી શીખી શકીએ છીએ.” તેમણે કહ્યુ કે, તે એક એવી પાર્ટી છે, જે વોટ બેંકની રાજનીતિનો ઇતિહાસ અને ભાવનાઓને કચડીને આગળ વધવાની આદત થઇ છે. PM મોદીએ કહ્યુ કે, ”કોંગ્રેસનું ચરિત્ર જુઓ કે જેની જયંતિ મનાવવી જોઇએ તેની જયંતી મનાવતા નથી. વીરા મરકડીને ભૂલાવી દીધી પરંતુ વોટ માટે સુલ્તાનોની જયંતી મનાવી રહ્યા છે. આ જયંતી થી કોંગ્રેસ કર્ણાટકના લોકો અને ખાસ તો ચિત્રદુર્ગા લોકોનું અપમાન કર્યુ છે.” PM મોદીએ કહ્યુ કે, ”ચિત્રદુર્ગના નાયકોએ ઝેર આપી અને દલિત વીરાંગનાનો હત્યા કરનારની જયંતિ મનાવીને કોંગ્રેસે ઈતિહાસનું અપમાન કર્યું છે.”

‘ડીલ’વાળી કોંગ્રેસ:

PM મોદીએ કહ્યું કે કોંગ્રેસના નેતાઓને લોકો તેની ડીલની નામથી પણ જાણે છે. તેમણે કહ્યું કે, ”કોંગ્રેસ પાર્ટી ન તો દિલવાળી છે અને ન તો દલિતવાળી છે. તે માત્ર ડીલવાળી છે. અહિના મુખ્યમંત્રી તો એવા છે કે પોતાની સુટકેસમાં કેરેક્ટર સર્ટિફિકેટ તૈયાર રાખે છે. કોઈ મંત્રી પર સવાલ ઉઠે છે તો તરત જ સાઈન કરીને આપી દે છે.” PMએ જણાવ્યું હતું કે જે કોંગ્રેસ પાર્ટી તમારા વેલ્ફેર વિશે ન વિચારે તેને ફેરવેલ આપી દેવાનો સમય આવી ગયો છે.

કોંગ્રેસમાં ભરપૂર ભ્રષ્ટાચાર:

PM મોદીએ કહ્યુ કે, ”દલિત કલ્યાણના નામ પર અહીંયા એક મંત્રીએ પોતાના કલ્યાણની યોજના કેવી રીતે બનાવી, ચિત્રદુર્ગના લોકો જાણે છે. ગંગા કલ્યાણનવા નામ પર તેમણે પોતે કલ્યાણ કર્યુ છે. આ સરકાર તમારા પાણીના રૂપિયા પણ ખાઈ ગઈ. આદિવાસીઓના હોસ્ટેલમાં પથારીના પણ રૂપિયા ખાઈ ગઈ. ચાદર, તકિયાના પણ રૂપિયા ખાધાં. ક્યાંક એવું ન થાય કે તમારા ઘરની પથારીના રૂપિયા પણ ખાઈ જાય.”

બાબા સાહેબને પણ કર્યા અપમાનિત:

PM મોદીએ કોંગ્રેસ પર બાબા સાહેબ ભીમ રાવ આંબડેકરને અપમાનિત કરવાનો પણ આરોપ લગાવ્યો છે. PM મોદીએ કહ્યુ કે, ”બાબા સાહેબની દેશની જમીન સાથે જોડાયેલા છે, પરંતુ કોંગ્રેસ ક્યારેય તેમણો સ્વીકાર કર્યો નથી. એવું લાગી રહ્યુ કે કોંગ્રેસના જમાનામાં ભારત રત્નનો ખિતાબ એક જ પરિવાર માટે રિઝર્વ કરે છે, પરંતુ બાબા સાહેબને પરિનિર્વાણ પછી પણ ભારત રત્ન ન હતો આપ્યો.” PM મોદીએ કહ્યુ કે, ”અટલ જીના સર્મથનમાં બનેલી સરકારમાં બાબા સાહેબને ભારત રત્ન આપવામાં આવ્યો. હજારો યોજના એક જ પરિવારના નામ પર છે. દિલ્હીના તમામ સ્મારક પણ એક જ પરિવારના નામ પર છે, મકાન અને જમીન પર પણ એક જ પરિવારનો કબ્જો છો, પરંતુ બાબા સાહેબ માટે સ્મારક બનાવવા માટે કોંગ્રેસ ક્યારેય આગળ નથી આવી.”

PM મોદીએ આગળ કહ્યુ કે, ”અમે બાબા સાહેબની જ્યંતી દુનિયાભરમાં મનાવી, મઉમાં બાબા સાહેબની જન્મભૂમિ, નાગપુરમાં દીક્ષા ભૂમિ, મુંબઇમાં ચૈત્ય ભૂમિ અને દિલ્હીમાં કર્મ ભૂમિ પર અમારી સરકારે કામ કર્યુ.”

વોટ બેંક માટે મોટા નેતાઓનું અપમાન:

PM મોદીએ જણાવ્યું કે ”વોટ બેંક માટે લોકોનું અપમાન અક્ષમ્ય અપરાધ છે.” તેમણે કહ્યું કે, ”જો તમે કોંગ્રેસના ઈતિહાસ તરફ જોશો તો તમને જણાશે કે મોટા મોટા નેતાઓનું અપમાન કરવું તેમના ચરિત્રમાં જ છે. એક પરિવાર માટે સેંકડો દિગ્ગજ નેતાઓને હાશિયામાં ધકેલવામાં આવે છે.અહિના આધુનિક કર્ણાટકના નિર્માતા કોંગ્રેસના રાષ્ટ્રિય અધ્યક્ષ અને કર્ણાટકના પૂર્વ મુખ્યમંત્રી એસ નિજલિંગપ્પાને અપમાનિત કરવાની કોઈ જ તક કોંગ્રેસે છોડી નથી.”

Juhi Parikh

Recent Posts

એશિયા કપઃ પાકિસ્તાન સામે ભારતનો ભવ્ય વિજય, 8 વિકેટે આપ્યો પરાજય

દુબઇઃ એશિયા કપમાં આજે ટીમ ઇન્ડીયા અને પાકિસ્તાન વચ્ચે પાંચમી એવી ભવ્ય મેચનો દુબઇમાં મુકાબલો થયો. જેમાં પાકિસ્તાનની ટીમે 43…

11 hours ago

જિજ્ઞેશ મેવાણીનો બેવડો ચહેરો, કહ્યું,”ધારાસભ્યોની સાથે મારો પણ પગાર વધ્યો, સારી વાત છે”

અમદાવાદઃ ધારાસભ્યોનાં પગાર વધારા મામલે કોંગ્રેસનાં ધારાસભ્ય જીજ્ઞેશ મેવાણીએ વિશેષ પ્રતિક્રિયા આપી છે. જીજ્ઞેશ મેવાણીએ સોશિયલ મીડિયા પર પોસ્ટ કરીને…

13 hours ago

વિધાનસભા ગૃહમાં હોબાળો, નીતિન પટેલે કહ્યું,”કોંગ્રેસની અવિશ્વાસની દરખાસ્ત નિયમ વિરૂદ્ધ”

ગાંધીનગરઃ વિધાનસભા ગૃહમાં કોંગ્રેસનાં સભ્યોએ આજે ફરી વાર હોબાળો કર્યો હતો. ભાજપ વિરોધી સૂત્રોચ્ચાર કરીને હોબાળો કર્યો હતો. કોંગ્રેસનાં ધારાસભ્યો…

13 hours ago

સુરતઃ 3 વર્ષની માસૂમ બાળકીનું બિસ્કિટ અપાવવા બહાને કરાયું અપહરણ

સુરતઃ આપણી નજર સમક્ષ અવારનવાર નાની બાળકીઓ પર દુષ્કર્મ અને અપહરણ થયા હોવાનાં કિસ્સાઓ સામે આવતા હોય છે. ત્યારે આવો…

14 hours ago

નવાઝ પુત્રી-જમાઇ સહિત થશે જેલમુક્ત, ઇસ્લામાબાદ HCનો સજા પર પ્રતિબંધ

ઇસ્લામાબાદ હાઇકોર્ટે પાકિસ્તાનનાં પૂર્વ પ્રધાનમંત્રી નવાઝ શરીફની સજા પર પ્રતિબંધ લગાવી દીધો છે.નવાઝની દીકરી મરિયમ નવાઝ અને જમાઇ મોહમ્મદ સફદરની…

15 hours ago

રાજકોટઃ વાસફોડ સમાજે ઉચ્ચારી આત્મવિલોપનની ચીમકી, તંત્ર એલર્ટ

રાજકોટઃ શહેરમાં સરકાર દ્વારા ફાળવવામાં આવેલા પ્લોટની અધિકારીઓ દ્વારા માપણી ન કરવામાં આવતા વાસફોડ સમાજે આત્મવિલોપનની ચીમકી ઉચ્ચારી હતી. જો…

17 hours ago