PMના ‘મનની વાત’: સ્ત્રી સશક્તિકરણ એ જ ન્યૂ ઈન્ડિયા છે

વડાપ્રધાન નરેન્દ્ર મોદીએ આજે 41મી વાર ‘મનની વાત’ કરી હતી. વડાપ્રધાને આ વખતે સ્વચ્છતા પર ભાર આપવાની સાથે અન્ય મુદ્દાઓ પર પણ ચર્ચા કરી. તેમણે પોતાના કાર્યક્રમની શરૂઆતમાં મહાન વૈજ્ઞાનિકોનો ઉલ્લેખ કર્યો હતો. તેમણે લોકોને રાષ્ટ્રીય વિજ્ઞાન દિવસની શુભેચ્છા પણ આપી હતી.

વડાપ્રધાને મનકી વાતમાં 8 માર્ચ મહિલા દિવસની ઉજવણી કરી હતી અને કહ્યું હતું કે, નારીનો સમગ્ર વિકાસ અને સ્ત્રી સશક્તિકરણ જ ન્યૂ ઈન્ડિયા છે. તેમણે કહ્યું કે, ‘આર્થિક, સામાજિક ક્ષેત્રમાં મહિલાઓની ભાગીદારી આપણા સૌની જવાબદારી છે. સ્વચ્છતા પર લોકો તરફથી લેવામાં આવતા પગલાં પ્રશંસનીય છે.’

તેમણે મનની વાતમાં ઝારખંડની એ 15 મહિલાઓનો ઉલ્લેખ કર્યો, જેમણે સતત 1 મહિના સુધી સ્વચ્છતા અભિયાન ચલાવ્યું હતું. ગોબરધન યોજના માટે વડાપ્રધાને કહ્યું કે, ‘મવેશીઓએ છાણનો ખાદ્ય બનાવવામાં ઉપયોગ કરવો જોઈએ. છાણને કચરો ન સમજતાં તેને આવકનો સ્ત્રોત બનાવો.’

સેફ્ટી માટે તેમણે કહ્યું કે, ‘લોકોને પોતાની સુરક્ષાનું ધ્યાન રાખવું પડશે, કારણ કે આપણી સુરક્ષા જ સમાજની સુરક્ષા છે. કુદરતી આફતોથી દુર્ઘટનાઓ થાય છે, પણ પોતાનું જીવન જોખમમાં મૂકવા માટે લોકો પોતે જ જવાબદાર હોય છે.’

You might also like