PM મોદીએ વીડિયો શેર કરી કુમારસ્વામી, મનિકા બત્રાને ‘ફિટનેસ ચેલેન્જ’ આપી

નવી દિલ્હી: વડા પ્રધાન નરેન્દ્ર મોદીએ પોતાના જ પ્રધાન રાજ્યવર્ધન સિંહ રાઠોડ દ્વારા સોશિયલ મીડિયા પર શરૂ કરવામાં આવેલ ફિટનેસ ચેલેન્જમાં માત્ર ભાગ જ ન લીધો, પરંતુ રાજકીય વિરોધીઓને પડકાર પણ ફેંક્યો. આજે વડા પ્રધાને એક વીડિયો ટ્વિટર પર શેર કર્યો છે. જેમાં તેમણે રાજકીય વિરોધીઓને પણ ચેલેન્જ આપી છે. આ વીડિયોમાં પીએમ મોદી એક્સર્સાઈઝ અને યોગ કરતા નજરે પડે છે.

અત્રે ઉલ્લેખનીય છે કે ક્રિકેટર વિરાટ કોહલીએ ૨૩મીના રોજ એકસર્સાઈઝનો એક વીડિયો શેર કરીને પોતાની પત્ની અનુષ્કા શર્મા, ક્રિકેટર મહેન્દ્રસિંહ ધોની અને પીએમ નરેન્દ્ર મોદીને ફિટનેસ ચેલેન્જ આપી હતી. પીએમ મોદીએ ફિટનેસ ચેલેન્જ કુમારસ્વામી ઉપરાંત ટેબલ ટેનિસ પ્લેયર મનિકા બત્રાને પણ આપી છે. આ ઉપરાંત પીએમ મોદીએ દેશભરના એ તમામ આઈપીએસ અધિકારીઓને પણ ફિટનેસ ચેલેન્જ આપી છે કે જેમની ઉંમર ૪૦ વર્ષથી વધુ છે.

અત્રે ઉલ્લેખનીય છે કે વિરાટની ચેલેન્જનો સ્વીકાર કરતાં #HumFitTohIndiaFit ટેગની સાથે પીએમ મોદીએ ૨૪ મેના ચેલેન્જના જવાબમાં લખ્યું હતું કે તેઓ જલદી પોતાનો વીડિયો શેર કરશે. ત્યાર બાદ પીએમ મોદીએ આજે ફિટનેસ વીડિયો ટ્વિટર પર શેર કર્યો છે.

આ વીડિયોમાં પીએમ મોદી સવારની એકસર્સાઈઝ અને યોગનો વીડિયો શેર કર્યો છે. તેમણે ટ્વિટમાં લખ્યું છે કે હું ટ્રેક પર ચાલું છું. જેમાં પંચતત્ત્વ છે – પૃથ્વી, જળ, અગ્નિ, વાયુ અને આકાશ. તે વ્યક્તિને તરોતાજા કરે છે અને હું શ્વાસની કસરત પણ કરું છું. આ વીડિયોમાં પીએમ મોદી બુદ્ધની પ્રતિમાની સામે અનુલોમ-વિલોમ કરતા દેખાય છે. આ ઉપરાંત પીએમ આવાસનાં મેદાનમાં તેઓ વિવિધ કસરતો કરતા દેખાય છે.

પીએમ એક એવા ગોળ ટ્રેક પર ચાલતા દેખાય છે જેના પર માટી, લાકડું, કાંકરા, રેતી અને પાણી પણ છે. આને પીએમ પ્રકૃતિનાં પંચ તત્ત્વ પ્રેરિત એકસર્સાઈઝ ગણાવે છે. આ અગાઉ વડા પ્રધાન નરેન્દ્ર મોદીએ વિશ્વ યોગ દિનને ધ્યાનમાં રાખીને યોગાસનોના એનિમેટેડ વીડિયો શેર કર્યા હતા. તેમણે વીડિયો જારી કરતાં ટ્વિટ કર્યું હતું કે નાડી શોધન પ્રાણાયામ પર એક વીડિયો શેર કરી રહ્યો છું. તેનો દરરોજ અભ્યાસ કરવાથી જીવનમાં અનેક ફાયદા થશે.

divyesh

Recent Posts

260 કરોડનાં કૌભાંડ મામલોઃ વિનય શાહ અને સુરેન્દ્ર રાજપુત વચ્ચેની ઓડિયો ક્લિપ વાઇરલ

અમદાવાદઃ એકનાં ડબલ કરી આપવાની પોન્ઝી સ્કીમ લાવીને લોકો પાસેથી 260 કરોડ રૂપિયા ખંખેરીને ફરાર થઈ ગયેલા વિનય શાહની મુશ્કેલીઓ…

3 mins ago

બિનાની સિમેન્ટનાં ટેક ઓવર માટે અલ્ટ્રાટેકનો પ્રસ્તાવ મંજૂર

નવી દિલ્હીઃ નેશનલ કંપની લો એપેલેટ ટ્રિબ્યૂનલ (એનસીએલએટી) દેવામાં ફસાયેલી કંપની બિનાની સિમેન્ટના ટેક ઓવર માટે આદિત્ય બિરલા ગ્રૂપની અલ્ટ્રાટેક…

36 mins ago

શેરબજાર સામાન્યઃ સેન્સેક્સ અને નિફ્ટી ફ્લેટ, રૂપિયો ૨૫ પૈસાનાં વધારા સાથે ખૂલ્યો ૭૨.૦૬ની સપાટીએ

શેરબજારમાં આજે શરૂઆત સામાન્ય રહી હતી. સેન્સેક્સ ૩.૭૬ પોઇન્ટ વધીને ૩૫,૧૪૫ પર ખૂલ્યો હતો, જ્યારે નિફ્ટી ૪.૩ પોઇન્ટ વધીને ૧૦,૫૮૦…

50 mins ago

નોટબંધી બાદ પણ રિટર્ન નહીં ભરનાર ૮૦ હજાર લોકો પર બાજ નજર

નવી દિલ્હીઃ ઇન્કમટેક્સ વિભાગ એવાં ૮૦ હજાર લોકોની તલાશમાં છે કે જેમણે નોટબંધી બાદ મોટી રકમ જમા કરાવી હતી અને…

1 hour ago

તામિલનાડુનાં કિનારે ૧૦૦ કિ.મી.ની ઝડપે ટકરાયું ‘ગાજા’ તોફાન, સ્કૂલ-કોલેજો બંધ-નૌસેના એલર્ટ

ચેન્નઈઃ હવામાન વિભાગનાં જણાવ્યાં અનુસાર ચક્રવાતી તોફાન ‘ગાજા’ આજે સવારે તામિલનાડુનાં સમુદ્ર કિનારે ટકરાયું છે. આ દરમ્યાન ૧૦૦ કિલોમીટર પ્રતિકલાકની…

1 hour ago

રાજ્યમાં નાસતા-ફરતા આરોપીઓને ઝડપવા ઝુંબેશ હાથ ધરાશે, CMએ ગૃહવિભાને આપ્યાં આદેશ

અમદાવાદઃ રાજ્યમાં નાસતા-ફરતા આરોપીઓને ઝડપવા માટે એક ઝૂંબેશ હાથ ધરવામાં આવશે. 21 હજાર જેટલાં આરોપીઓને પકડવા માટે ગૃહવિભાગે કવાયત હાથ…

19 hours ago