PM મોદીએ પટણા વિશ્વવિદ્યાલયથી વિદ્યાર્થીઓને સંબોધ્યા

વડાપ્રધાન નરેન્દ્ર મોદી આજે પટણા વિશ્વ વિદ્યાલયના શતાબ્દી સમારોહમાં પહોંચ્યા છે. બિહારના મુખ્યમંત્રી નીતિશ કુમાર, રાજ્યપાલ સતપાલ મલિક અને ઉપમુખ્યમંત્રી સુશીલ કુમાર મોદી પણ સભામાં પહોંચ્યા છે. વિદ્યાલયમાં મોદીનું ભાવભીનું સ્વાગત કરવામાં આવ્યું હતું. મોદીના આગમનથી વિદ્યાર્થીઓમાં ખુશી જોવા મળી હતી. શતાબ્દી સમારોહના કાર્યક્રમમાં યુનિવર્સિટીના કુલપતિ રાસ બિહારી પ્રસાદ સિંહે મોદીનું સ્વાગત કર્યું હતું. જાણો મોદીએ પોતાના પ્રવચનમાં શું કહ્યું.

  • IIMનું ઉદાહરણ આપીને વડાપ્રધાને કહ્યું કે, નવી યોજના હેઠળ 10 પ્રાઈવેટ યુનિવર્સિટી અને 10 પબ્લિક યુનિવર્સિટીને વર્લ્ડ સ્ટાન્ડર્ડ બનાવવા માટે સરકારની કાયદામાંથી મુક્તિ આપવાની છે. આગામી પાંચ વર્ષમાં આ યુનિવર્સિટીઓને 10 હજાર કરોડ રૂપિયાનું ફંડ આપવાની યોજના છે. તેમણે પટણા યુનિવર્સિટીને આ યોજનામાં ભાગ લેવા અપીલ કરી હતી.
  • વડાપ્રધાને કહ્યું કે 10 હજાર કરોડના ફંડમાં સામેલ થનાર યુનિવર્સિટીની પસંદગી કોઈ નેતા કરશે નહીં, બલ્કે તેમના વચ્ચે પ્રતિસ્પર્ધા થશે અને પ્રોફેશનલ રીતે પસંદગી થશે.
  • વડાપ્રધાને વિદ્યાર્થીઓને કહ્યું કે, ભારત પાસે ટેલેન્ટની કમી નથી. આજે આપણી પાસે 65 ટકા આબાદી 35 વર્ષથી ઓછી ઉંમરના યુવાનો છે. મારું ભારત જવાન છે અને તેના સપના પણ જવાન છે.
  • તેમણે કહ્યું કે, પહેલા દુનિયા આપણને સાપ મદારીઓનો દેશ માનતી હતી. પહેલા લોકો વિચારતા હતા કે ભારત ભૂત પ્રેત અને અંધવિશ્વાસનો દેશ છે, જ્યારે આઈટી રિવોલ્યૂશનમાં આપણા યુવાનોએ આંગળીઓ પર દુનિયા બતાવી દીધી ત્યારે લોકોની આંખો ખૂલી ગઈ.
You might also like