VIDEO: પહેલા હાવર્ડવાળા PM હતા, હું હાર્ડ વર્કવાળો PM: પીએમ મોદી

રાજકોટઃ પીએમ મોદીએ નાના મૌવા સર્કલ પાસે વિકાસ રેલીનું આયોજન કરીને જાહેરસભાને સંબોધી હતી. પીએમ મોદીએ “કેમ છો”કહીને સંબોધનની શરૂઆત કરી હતી. રાજકોટની મહેરબાની કે મને પહેલી વાર ધારાસભ્ય બનાવ્યો હતો. રાજકોટ બાદ હજુ સુધી જીતની વિકાસયાત્રા મારે ચાલુ રહી છે. જેથી હું રાજકોટની પ્રજાનો જેટલો આભાર માનું એટલો ઓછો પડે.

30 વર્ષ પછી જનતાએ બહુમતની સરકાર બનાવી. પુર્ણ બહુમતની સરકારને કારણે આજે વિશ્વમાં ભારતનો ડંકો વાગે છે. પીએમ મોદીએ આડકતરી રીતે મનમોહનસિંહ પર પ્રહાર કર્યા હતાં. આ દેશે બહુ ડિગ્રીવાળા પ્રધાનમંત્રી જોયાં છે. પહેલા હાવર્ડનાં પ્રધાનમંત્રી આવતા, ને હવે હાર્ડ વર્કવાળા.

14 વર્ષ પછી મુડિઝનાં રેન્કિંગમાં સુધારો જોવાં મળ્યો. વિપક્ષે મુડિઝની રેન્કિંગ ન સ્વીકારી. કોંગ્રેસ વર્ષો જુની પાર્ટી છે તો આજે કેમ દેશમાં કોઇ સ્વીકાર કરતું નથી. કોંગ્રેસે આત્મચિંતન કરવાની જરૂર છે. 2 દિવસ પહેલા યુપીમાં જનતાએ કોંગ્રેસનો કચ્ચરધાણ કાઢી નાખ્યો.

પીએમ મોદીએ રાહુલ ગાંધીનાં સવાલ પર પણ પ્રહાર કર્યાં. કોંગ્રેસે જેના ભરોસે પોતાની નાવડી મુકી એમાં જ ગત ભાજપ પર 48 હજાર કરોડ એકર જમીન આપી હોવાનો આરોપ કર્યો. કોંગ્રેસનાં નેતાઓને જુઠ્ઠાણું ચલાવતા પણ નથી આવડતું. કોંગ્રેસે જેનાં ભરોસે પોતાની નાવડી મુકી એમાં બિલકુલ ગતાગમ જ નહીં.

ભાજપની સત્તા પહેલા અને પછીનાં ગુજરાતની સરખામણી કરો. હમણાં હમણાંથી સારા સારા સમાચારો આવી રહ્યાં છે. આજે 15 લાખ કરતા વધુ લોકો ખનીજક્ષેત્રમાં કામ કરતા થયાં. વીજળી બિલમાં 14 હજાર કરોડ રૂપિયા બચાવ્યાં. LED બલ્બ લાવીને અમે 14 હજાર કરોડ રૂપિયા પણ બચાવ્યાં.

આજે ગુજરાતનું 1 લાખ 71 હજારનું બજેટ છે. અમે વ્યવસ્થાનાં માધ્યમથી 40 હજાર કરોડ બચાવ્યાં છે. મધ્યમ વર્ગનાં માનવીને ઘર બનાવવા માટે અમે રાહત આપી. મોદીની રક્ષા જનતા જનાર્દન કરી રહી છે. કોંગ્રેસનાં રાજમાં જે વસ્તુ 2 લાખમાં મળતી, તે વસ્તુનાં અમે 30 હજાર કર્યાં.

આજે 12 મહિના પછી પણ કોંગ્રેસનાં લોકો નોટબંધીનાં આંસુ સારે છે. જેની તિજોરી લુંટાઇ એવા લોકો જ આંસુ સારે છે. નોટબંધીને લીધે અઢી લાખ કંપનીઓને તાળા લાગ્યાં. જેમણે ગરીબોને લૂંટ્યાં છે, એમણે ગરીબોને પાછા આપવા જ પડશે. આખા દેશને ઇર્ષ્યા થાય એવી હાલ ગુજરાતની સ્થિતી છે. સીએમ અને પીએમ બંને રાજકોટ સાથે સંબંધ ધરાવે છે. સીએમ રાજકોટનાં અને હું રાજકોટથી ચૂંટાયેલ તો હવે મોકો ચૂકતા નહીં.

You might also like