IPL: કોલકાતા બહાર, ફાઇનલમાં SRH ની CSK સામે ટક્કર

સનરાઇજર્સ હૈદરાબાદની ટીમે રાશિદ ખાનની શાનદાર બોલિંગના કારણે નિર્ણાયક મેચમાં કોલકાતા નાઇટરાઇડર્સને 14 રને પરાજય આપ્યો છે. આ પરાજય સાથે જ આઇપીએલ-2018માં કોલકાતાના સફરનો અંત આવ્યો છે.

જ્યારે સનરાજર્સ હૈદરાબાદની ટક્કર રવિવારે પહેલાથી ફાઇનલમાં પોતાનું સ્થાન નક્કી કરનાર ચેન્નાઇ સુપરકિંગ્સ સામે થશે. કોલકાતાના ઇડન ગાર્ડન્સ મેદાનમાં રમાયેલ બીજા ક્વોલિફાયર રાઉન્ડમાં હૈદરાબાદે ટોસ હારીને પ્રથમ બેટિંગ કરતાં 20 ઓરમાં 7 વિકેના નુકસાન પર 174 રન બનાવ્યા હતા.

હૈદરાબાદની જીતનો હીરો અફઘાનિસ્તાનના લેગ સ્પિનર રાશિદ ખાન રહ્યો હતો. હૈદરાબાદ તરફથી રાશિદ ખાને શાનદાર બોલિંગ કરતા 4 ઓવરમાં 19 રન આપી 3 વિકેટ ઝડપી હતી. જ્યારે તે પહેલાં તેણે 10 બોલમાં 34 રન ફટકાર્યા હતા.

જેના જવાબમાં કોલકાતા નાઇટરાઇડર્સની ટીમ 20 ઓવરમાં 9 વિકેટના નુકસાન પર 160 રન જ બનાવી શકી હતી. રાશિદ ખાને આ મેચમાં ઓલરાઉન્ડર પ્રદર્શન કર્યું હતું. રાશિદ ખાને બેટિંગ તેમજ બોલિંગ બંને સારુ પ્રદર્શન કરતાં તેને મેન ઓફ મેચ જાહેર કરવામાં આવ્યો હતો.

રાશિદ ખાને બેટિંગમાં 10 બોલમાં 2 બાઉન્ડ્રી તેમજ 4 સિકસરની મદદથી અણનમ 34 રન બનાવ્યા હતા જ્યારે બોલિંગમાં 4 ઓવરમાં 19 રન આપી ત્રણ વિકેટ ઝડપી હતી. હૈદરાબાદ આપેલા 174 રનના લક્ષ્યનો પીછો કરી રહેલી કોલકાતાની ટીમની શરૂઆત ઝડપી અને સારી થઇ હતી. કોલકાતાનો મીડલ ઓર્ડર લડખડાતા પરાજયનો સામનો કરવો પડ્યો હતો.

આમ હવે આઇપીએલ-2018નું ટાઇટલ જીતવા માટે રવિવારે ચેન્નાઇ સુપર કિંગ્સ અને સનરાજર્સ હૈદરાબાદ વચ્ચે કાંટાની ટક્કર જોવા મળશે.

You might also like