Categories: Gujarat

જુગારધામ પર દરોડા બાદ પીઆઈ વિરુદ્ધ ડિપાર્ટમેન્ટલ ઇન્કવાયરી શરૂ

અમદાવાદ: શહેરના ઇસનપુર વિસ્તારમાં આવેલા સિરાજનગરના છાપરામાં મોડી રાતે ચાલતી જુગારની ક્લબમાં સ્પેશિયલ ટીમે કરેલી રેડ બાદ ઇસનપુર પોલીસ સ્ટેશનના પોલીસ ઇન્સ્પેક્ટર જે. આર. ઝાલા વિરુદ્ધમાં ‌િડપાર્ટમેન્ટલ ઇન્કવાયરી શરૂ કરવામાં આવી છે.

એફ ડિવિઝનના એસીપી મં‌જિતા વણઝારાએ સંવેદનશીલ જુગારની ક્લબમાં રેડ કરવા માટે ઇસનપુર પોલીસને જાણ કર્યા વગર બુરખો પહેરીને તેમની ટીમ સાથે દરોડા પાડ્યા હતા, જેમાં 28 જુગારીઓની ધરપકડ કરવામાં આવી હતી. દરોડા બાદ ઇસનપુર પોલીસને જાણ થતાં ભારે દોડધામ મચી ગઇ હતી.

ઇસનપુર વિસ્તારમાં આવેલા સિરાજનગરના છાપરામાં ધમધમતા જુગારધામ અંગે અનેક ફરિયાદો સ્થાનિકોમાં ઊઠી હતી. ઇસનપુર પોલીસને સ્થાનિકોએ અવારનવાર જાણ કરી હોવા છતાંય જુગારધામ બંધ નહીં થતાં તેમણે સેક્ટર-2ના જેસીપી ડી. બી. વાઘેલા પાસે રજૂઆત કરી હતી. જેસીપીએ ઇસનપુરની હદમાં આવતાં પોલીસ સ્ટેશન, જે ‌િડ‌િવઝનના એસીપી તેમજ ઝોન-6ના ડીસીપીને નહીં, પરંતુ એફ ડિવિઝનના એસીપી મં‌િજતા વણઝારાને કાર્યવાહી કરવાની સૂચના આપી હતી. એસીપી મં‌જિતા વણઝારાએ બુરખો પહેરીને દરોડા પાડવા પહોંચી ગયા હતા.
રામોલ પોલીસ સ્ટેશનના પીએસઆઇ તેમજ એફ ડિવિઝનની સ્કવોડ અને જેસીપીની ટીમે ઇસનપુર પોલીસની જાણ બહાર જુગારધામ પર દરોડા પાડ્યા હતા, જેમાં શેરમહંમદ ઉફે શેરુ મેવાતી તથા નાસીરખાન પઠાણ સહિત 28 જુગારીઓની ધરપકડ કરી હતી. ક્લબમાં આરોપીઓ તીનપત્તી, ગંજીફા તેમજ કોઇન રમાડતા હતા.

પોલીસની સફળ રેડ બાદ ઇસનપુર પોલીસ સ્ટેશનના પોલીસકર્મીઓ પર અનેક સવાલ ઊભા થયા છે. આ મામલે સેક્ટર-2ના જેસીપી ડી. બી. વાઘેલાએ જણાવ્યું છે કે ઇસનપુર પોલીસ સ્ટેશનના પોલીસ ઇન્સ્પેક્ટર વિરુદ્ધમાં ‌ડિપાર્ટમેન્ટલ ઇન્કવાયરી શરૂ કરવામાં આવશે.
http://sambhaavnews.com/

divyesh

Recent Posts

રાજ્યમાં નાસતા-ફરતા આરોપીઓને ઝડપવા ઝુંબેશ હાથ ધરાશે, CMએ ગૃહવિભાને આપ્યાં આદેશ

અમદાવાદઃ રાજ્યમાં નાસતા-ફરતા આરોપીઓને ઝડપવા માટે એક ઝૂંબેશ હાથ ધરવામાં આવશે. 21 હજાર જેટલાં આરોપીઓને પકડવા માટે ગૃહવિભાગે કવાયત હાથ…

8 hours ago

PNBને ડિંગો બતાવનાર નીરવ મોદી વિદેશી બેંકોને કરોડો ચૂકવવા તૈયાર

નવી દિલ્હીઃ પંજાબ નેશનલ બેન્ક કૌભાંડનાં મુખ્ય આરોપી નીરવ મોદીની હજુ શોધખોળ જારી છે. નીરવ મોદી ભારતીય બેન્કોના કરોડો રૂપિયા…

8 hours ago

ગુજરાત સરકારનો મહત્વનો નિર્ણય, પ્રાથમિક શાળાઓમાં કન્યાઓને અપાશે માસિક ધર્મનું શિક્ષણ

ગાંધીનગરઃ રાજ્ય સરકાર દ્વારા એક મહત્વનો નિર્ણય લેવામાં આવ્યો છે. હવેથી પ્રાથમિક સ્કૂલોમાં માસિક ધર્મ અંગેનું માર્ગદર્શન આપવામાં આવશે. પ્રાથમિક…

8 hours ago

DeepVeer Wedding: દીપિકા-રણવીર કોંકણી રીતિ રિવાજથી બંધાયા લગ્નનાં બંધનમાં

બોલીવૂડની સૌથી સુંદર જોડીઓમાંની એક જોડી એટલે દીપિકા પાદુકોણ અને રણવીર સિંહ. જેઓ હવે પતિ-પત્ની બની ચૂક્યાં છે. ઘણાં લાંબા…

9 hours ago

ઇસરોને અંતરિક્ષમાં મળશે મોટી સફળતા, લોન્ચ કર્યો સંચાર ઉપગ્રહ “GSAT-29”

અંતરિક્ષમાં સતત પોતાની ધાક જમાવી રહેલ ભારતે આજે ફરી વાર એક મોટી સફળતાનો નવો કીર્તિમાન રચ્યો છે. ઇસરોએ બુધવારનાં રોજ…

10 hours ago

RBI લિક્વિડિટી વધારવા ફાળવશે રૂ.૧૫ હજાર કરોડ

મુંબઇઃ રિઝર્વ બેન્ક ઓફ ઇન્ડિયાએ દેશની ઇકોનોમીમાં લિક્વિડિટી વધારવાની સરકારની માગણી સ્વીકારી લીધી છે. આરબીઆઇએ સરકારી સિક્યોરિટીઝની ખરીદી દ્વારા ઇકોનોમિક…

10 hours ago