Categories: Business Trending

પેટ્રોલમાં પ્રતિલિટર 48 પૈસા અને ડીઝલમાં 52 પૈસાનો ભાવવધારો

નવી દિલ્હી: પેટ્રોલ અને ડીઝલના ભાવવધારા સામે રાષ્ટ્રવ્યાપી વિરોધ થવા છતાં અને વિપક્ષોએ પેટ્રોલ-ડીઝલના ભાવવધારા સામે ૧૦ સપ્ટેમ્બરે રાષ્ટ્રવ્યાપી ભારત બંધનું એલાન આપ્યું હોવા છતાં આજે ફરીથી પેટ્રોલ-ડીઝલની કિંમતમાં છેલ્લા ૧૦ દિવસમાં સૌથી વધુ ભાવવધારો ઝીંકાયો હતો.

પાટનગર દિલ્હીમાં પેટ્રોલમાં પ્રતિ લિટર ૪૮ પૈસાનો અને ડીઝલમાં પ્રતિ લિટર ૫૨ પૈસાનો વધારો ઝીંકાયો છે. આ વધારાના પગલે દિલ્હીમાં પેટ્રોલની નવી કિંમત પ્રતિલિટર રૂ. ૭૯.૯૯ અને ડીઝલની પ્રતિલિટર કિંમત રૂ. ૭૨.૦૭ થઇ ગઇ છે. એ જ રીતે મુંબઇમાં પેટ્રોલની નવી કિંમત પ્રતિલિટર રૂ. ૮૭.૯૯ અને ડીઝલની નવી કિંમત રૂ. ૭૬.૫૧ થઇ ગઇ છે.

ચેન્નઇમાં પણ પેટ્રોલના ભાવ વધીને પ્રતિલિટર રૂ. ૮૩.૧૩ અને ડીઝલ રૂ. ૭૬.૧૭ થઇ ગયા છે. કોલકાતામાં પણ પેટ્રોલનો ભાવ વધીને પ્રતિલિટર રૂ. ૮૨.૮૮ અને ડીઝલ પ્રતિ લિટર રૂ. ૭૪.૯૨ પર પહોંચી ગયો છે. પેટ્રોલ ડીઝલના ભાવવધારાના મામલે રાષ્ટ્રવ્યાપી ઊહાપોહ થવા છતાં સરકાર તરફથી કોઇ રાહત મળવાનો સંકેત દેખાતા નથી.

પેટ્રોલની આગના કારણે આવશ્યક ચીજવસ્તુઓના ભાવમાં ભડકો
પેટ્રોલમાં ભાવવધારાની આગ હવે સામાન્ય માનવીને પ્રભાવિત કરી રહી છે. પેટ્રોલના ભાવવધારાના પગલે સાબુ, ડીટર્જન્ટ, બિસ્કિટ, હેર ઓઇલ, ટૂથપેસ્ટ અને એરફ્રેશનર જેવી આઇટમો મોંઘી થઇ છે. શાકભાજીની કિંમતમાં પણ પેટ્રોલ ડીઝલના ભાવવધારાની અસર જોવાઇ છે.

રોજબરોજના ઉપયોગની પ્રોડક્ટમાં પેટ્રોલના ભાવવધારાના કારણે પાંચથી આઠ ટકાનો વધારો થઇ શકે છે. કેટલીક મોટી કંપનીઓએ તો પહેલેથી જ ભાવવધારો કરી દીધો છે. એફએમસીજી કંપનીઓની પ્રોડક્ટ પર પણ ભાવવધારાની અસર જોવા મળી રહી છે.

કન્ઝ્યુમર ગુડ્સ સેક્ટરની દિગ્ગજ કંપની હિંદુસ્તાન યુનિલિવરે ડિટર્જન્ટ, સ્કીન કેર અને કેટલાક સાબુની બ્રાન્ડની કિંમતોમાં ગયા મહિનાથી જ પાંચથી સાત ટકાનો વધારો ઝીંકી દીધો છે. પેરાશૂટ અને મેરિકોએ હેરઓઇલ પોર્ટફોલિયોમાં સાત ટકાનો વધારો કર્યો છે, જ્યારે ઓરલ કેર ફર્મ કોલગેટ પામોલિવે પોતાની કેટલીક બ્રાન્ડના ભાવમાં ચાર ટકાનો વધારો કરી દીધો છે.

સ્નેક્સ અને કન્ફેક્શનરી બનાવતી કંપની પારલે પ્રોડક્ટના વડા બી.કૃષ્ણરાવે જણાવ્યું હતું કે અમે પણ અમારી પ્રોડક્ટમાં સાતથી આઠ ટકાનો ભાવવધારો કરવા જઇ રહ્યા છે. માત્ર એમએસપીમાં વધારાના કારણે અમારો ખર્ચ ૧૦થી ૧૨ ટકા વધી ગયો છે.

દિલ્હીમાં સબ્જીમંડી પર પણ ભાવવધારાની અસર જોવા મળી રહી છે. મહારાષ્ટ્રથી આવતી ડુંગળીની ગુણનાે પરિવહન ચાર્જ અગાઉ રૂ. ૬૦ હતા તે વધીને હવે રૂ. ૬૪થી ૬૫ થઇ ગયા છે.

divyesh

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

13 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

13 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

14 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

14 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

14 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

14 hours ago