Categories: Business Trending

પેટ્રોલ-ડીઝલના ભાવ ફરી વધ્યા, મુંબઈમાં ભાવ પ્રતિલિટર રૂ. 86.91

નવી દિલ્હી: પેટ્રોલ અને ડીઝલના ભાવમાં સતત વધારાનો સિલસિલો અટકવાનું નામ લેતો નથી. આજે ગુરુવારે પણ દિલ્હીમાં પેટ્રોલમાં પ્રતિલિટર.૨૦ પૈસાનો અને ડીઝલમાં પ્રતિલિટર ૨૧ પૈસાનો વધારો ઝીંકાયો છે. હવે આ વધારાના પગલે ચારે મેટ્રો શહેરમાં પેટ્રોલની કિંમત પ્રતિલિટર રૂ. ૮૦ પર પહોંચી ગઇ છે, જ્યારે મહારાષ્ટ્રમાં પેટ્રોલની કિંમત સૌથી વધુ રૂ. ૮૬.૯૧ પર પ્રતિલિટર થઇ ગઇ છે.

રૂપિયામાં સતત ઘટાડો અને ક્રૂડ ઓઇલના આંતરરાષ્ટ્રીય ભાવમાં વધારો જોતા નિષ્ણાતોનું કહેવું છે કે પેટ્રોલ અને ડીઝલમાં હજુ પણ છ ટકાનો વધારો ઝીંકાઇ શકે છે. આંધ્રપ્રદેશના મુખ્યપ્રધાન ચંદ્રાબાબુ નાયડુએ એવું નિવેદન કર્યું છે કે દેશમાં પેટ્રોલ પ્રતિલિટર રૂ. ૧૦૦ થઇ જશે એવા એંધાણ વરતાઇ રહ્યાં છે.

ડીઝલના ભાવમાં પણ સતત વધારો જારી છે. આજે દિલ્હીમાં ડીઝલ પ્રતિલિટર ૨૧ પૈસા મોંઘું થયું છે. દિલ્હી, ચેન્નઇ, કોલકાતા અને મુંબઇમાં ડીઝલની કિંમત પ્રતિલિટર રૂ. ૭૧ને વટાવી ગઇ છે. મહારાષ્ટ્રમાં એક લિટર ડીઝલના ભાવ સૌથી વધુ છે અને રૂ. ૭૫.૯૬ની સપાટીએ પહોંચી ગયા છે.

એક બાજુ ભારત દુનિયાના કેટલાય દેશોને અડધા ભાવે પેટ્રોલ-ડીઝલ વેચે છે, જ્યારે બીજી બાજુ પેટ્રોલ-ડીઝલના ઘરેલુ ભાવમાં સતત વધારો થઇ રહ્યો છે. કેન્દ્ર સરકાર પેટ્રોલ-ડીઝલ પરની એક્સાઇઝ ડ્યુટી ઘટાડવાનો પણ ઇનકાર કરી રહી છે, જેના પગલે પેટ્રોલ-ડીઝલના ભાવ નજીકના ભવિષ્યમાં ઘટે તેવી કોઇ શક્યતા જણાતી નથી.

નિષ્ણાતોનું કહેવું છે કે લિબિયા અને ઇરાન જેવા મોટા ક્રૂડ ઉત્પાદક દેશોમાં સપ્લાયને લઇને ચિંતા છે અને તેના પરિણામે અમેરિકામાં ઇન્વેન્ટરી ઘટી શકે છે. જો ઇન્વેન્ટરી ઘટશે તો બ્રેન્ટ ક્રૂડ પ્રતિ બેરલ ૮૦ ડોલરની સપાટી વટાવી જશે, જેની અસર ભારતમાં પેટ્રોલ ડીઝલના ભાવમાં વધારા તરીકે જોવા મળશે.

divyesh

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

3 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

3 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

3 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

3 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

4 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

4 hours ago