Categories: Business Trending

ભારત બંધની ઐસી કી તૈસીઃ ફરી પેટ્રોલ-ડીઝલના ભાવમાં ભડકો

નવી દિલ્હી: ગઇ કાલે ભારત બંધને વ્યાપક પ્રતિસાદ મળ્યો હોવા છતાં પેટ્રોલ અને ડીઝલની વધતી જતી કિંમતમાં હાલ તરત રાહત મળવાના કોઇ અણસાર નથી. ભારત બંધના બીજા દિવસે પણ પેટ્રોલ અને ડીઝલ બંનેમાં પ્રતિ લિટર ૧૪ પૈસાનો વધારો ઝીંકવામાં આવ્યો છે. આ વધારાના પગલે મહારાષ્ટ્રમાં પેટ્રોલની પ્રતિલિટર કિંમત રૂ. ૯૦ની સપાટીને વટાવી ગઇ છે.

આજે પાટનગર નવી દિલ્હીમાં પેટ્રોલનો ભાવ વધીને પ્રતિ લિટર રૂ.૮૦.૮૭ અને ડીઝલ રૂ. ૯૨.૯૭ થઇ ગયો હતો. દેશની આર્થિક રાજધાની મુંબઇમાં પ્રતિ લિટર પેટ્રોલનો ભાવ ૧૫ પૈસા વધીને રૂ. ૮૮.૨૬ અને ડીઝલનો ભાવ પણ રૂ. ૭૭.૪૭ પર પહોંચી ગયો હતો.

આ ઉપરાંત નાનાં શહેરોમાં પણ પેટ્રોલના ભાવમાં ભડકો જોવા મળ્યો છે. મહારાષ્ટ્રના પરભાની શહેરમાં પેટ્રોલનો ભાવ પ્રતિ લિટર રૂ. ૯૦ની સપાટીને વટાવીને રૂ. ૯૦.૦૫ પર પહોંચી ગયો છે, જ્યારે ડીઝલનો ભાવ રૂ. ૭૭.૯૨ છે. મહારાષ્ટ્ર એવું રાજ્ય છે કે જ્યાં પેટ્રોલ-ડીઝલ પર સૌથી વધુ વેટ વસૂલવામાં આવે છે.

અહેવાલો અનુસાર હવે માત્ર મહારાષ્ટ્રમાં જ નહીં, પરંતુ સમગ્ર દેશમાં પ્રતિલિટર રૂ. ૯૦ની સપાટીને વટાવી શકે છે. વૈશ્વિક બજારમાં ક્રૂડ ઓઇલના ભાવમાં સતત ઉછાળો જોવા મળ્યો છે, જેના પરિણામે પેટ્રોલ અને ડીઝલના ભાવ સતત વધી રહ્યા છે.

આજે આંતરરાષ્ટ્રીય ક્રૂડના ભાવમાં નજીવો વધારો જોવા મળ્યો છે. બ્રેન્ટ ક્રૂડ પ્રતિ બેરલ ૭૭.૫ ડોલરની સપાટીએ ટ્રેડ કરી રહ્યું છે જ્યારે નાયમેક્સ પર ડબ્લ્યુટીઆઇ ક્રૂડ ૬૭.૧૭ ડોલરની સપાટી પર ટ્રેડ કરી રહ્યું છે. દરમિયાન એસોચેમના જણાવ્યા અનુસાર પેટ્રોલ ડીઝલની વધતી કિંમત માટે આંતરરાષ્ટ્રીય પરિબળો જવાબદાર છે તેથી તેને જીએસટીના દાયરામાં લાવવું જોઇએ.

divyesh

Recent Posts

મ્યાનમારમાં ઉગ્રવાદી કેમ્પ પર ‘સર્જિકલ સ્ટ્રાઈક’ની તૈયારી

નવી દિલ્હીઃ મ્યાનમારમાં ત્રાસવાદીઓની છાવણીઓ પર સર્જિકલ સ્ટ્રાઈક કરવાની તૈયારી ચાલી રહી હોવાનું જાણવા મળે છે. ઈન્ટેલિજન્સ એજન્સી સૂત્રોનાં જણાવ્યાં…

9 hours ago

પ્રથમ ટ્રાયલમાં જ T-18 ટ્રેન ફેલ, કેટલાંય પાર્ટ્સ સળગીને થયાં ખાખ

ચેન્નઈઃ ભારતીય રેલ્વેની મહત્ત્વાકાંક્ષી ઈન્ટરસિટી ટ્રેન પ્રોજેક્ટ ટી-૧૮ ટ્રેન તેની પ્રથમ ટ્રાયલમાં જ ફેલ ગઈ છે. ચેન્નઈનાં જે ઈન્ટીગ્રલ કોચ…

9 hours ago

બે પ્રેગ્નન્સી વચ્ચેનો ગાળો ૧૨થી ૧૮ મહિનાનો હોવો જરૂરી

બાળકને ગર્ભમાં ઉછેરવાનાં કારણે માના શરીરમાં કેટલાક બદલાવ આવે છે. આવા સમયે બે બાળકો વચ્ચેનો ગાળો કેટલો હોવો જોઈએ એ…

10 hours ago

લાકડાનો ધુમાડો પુરુષો અને સ્ત્રીઓ બંને પર કરે છે જુદી-જુદી અસર

લાકડાનાં ધુમાડાથી સ્ત્રીઓ અને પુરુષોનાં શરીરમાં અલગ-અલગ પ્રકારની પ્રતિક્રિયાઓ ઊઠે છે. અભ્યાસર્ક્તાઓએ સ્ત્રી-પુરુષ વોલન્ટિયર્સનાં એક ગ્રૂપને પહેલાં લાકડાનો ધુમાડો ખવડાવ્યો…

10 hours ago

વાઇબ્રન્ટ સમિટ: સ્થાનિક-વિદેશી ઇન્વેસ્ટર્સ વીડિયો કોન્ફરન્સ કરશે

ગુજરાત સરકાર દ્વારા વાઇબ્રન્ટ ગુજરાત ગ્લોબલ સમિટનું આયોજન જાન્યુઆરી માસમાં યોજવામાં આવી રહ્યું છે. આ વર્ષે પહેલી વાર સરકાર વાઇબ્રન્ટ…

11 hours ago

કારમાં આવેલાં અજાણ્યાં શખ્સોએ છરી બતાવી યુવકને લૂંટી લીધો

અમદાવાદઃ શહેરનાં શાહીબાગ વિસ્તારમાં બે દિવસ પહેલાં મોડી રાતે એક વિદ્યાર્થીને છરી બતાવીને ૮પ હજારની લૂંટ ચલાવતા ત્રણ શખ્સો વિરુદ્ધમાં…

11 hours ago