પેન્શનર્સ માટે માઠા સમાચારઃ ૮૦ વર્ષ બાદ ડીએનો લાભ નહિ મળે

નવી દિલ્હી: કેન્દ્ર સરકારે દાવો કર્યો છે કે સાતમા પગાર પંચમાં 80 વર્ષના પેન્શનર્સને પેન્શનનો મોટો ફાયદો મળશે. પરંતુ હકીકત કઈંક અલગ છે. જુલાઈ માસથી આવા પેન્શનર્સનું ડીએ જીરો થઈ ગયું છે. જેને કારણે પેન્શનરોને વિશેષ લાભ નહિ મળે. પહેલાં 80 વર્ષનું વય પૂરું થતાં 20 ટકા વધારાનું પેન્શન મળતું હતું. અને હજુ પણ બેઝિક પેન્શન પર 20 ટકા વધારાનું પેન્શન મળશે. પરંતુ હવે વધારાનાં પેન્શન પર 125 ટકા ડીએનો લાભ નહિ મળે. કારણ આવો લાભ જુલાઈથી બંધ કરવામાં આવ્યો છે.

તેથી હવે સાતમા પગાર પંચનો અમલ થવા છતાં વધારાની પેન્શનની રકમમાં કોઈ ખાસ વધારો નહિ થાય. દાખલા તરીકે છઠ્ઠા પગાર પંચમાં કોઈ મૂળ પેન્શનની રકમ 10000 હતી તો સાતમા પગાર પંચમાં ફિટમેન્ટ ફોર્મ્યુલા 2.57 થવાથી અને 125 ટકા ડીએ તેમાં મર્જ થયા બાદ મૂળ પેન્શન 25,700 રૂપિયા થઈ ગયું છે. પરંતુ 80 વર્ષનું વય પૂરું થતા 20 ટકા વધારાનું પેન્શન મળે છે. છઠ્ઠા પગાર પંચમાં 80 વર્ષનું વય પૂરું થતાં 10000 રૂપિયાના 20 ટકા એટલે બે હજાર વધારાની રકમ મળતી થશે.તેની સાથે ડીએ 125 ટકા હતું. તેથી 2000 રૂપિયા પર 125 ટકા ડીએ 2500 થાય છે. અને આ રીતે વધારાની પેન્શનની રકમમાં કુલ 4500 રૂપિયાના વધારાનો લાભ મળી રહેશે.

આમ એકંદરે તમામ ગણતરી કરતાં વધારાની રકમમાં માંડ 640 રૂપિયાનો જ લાભ થશે. ઓલ ઈન્ડિયા ઓડિટ એન્ડ એકાઉન્ટ એસો.ના પૂર્વ સહાયક મહાસચિવ હરિશંકર તિવારીનું કહેવું છે કે સરકાર આંકડાની માયાજાળ રચી સાતમા પગાર પંચને વધુ સારું ગણાવવા પ્રયાસ કરી રહી છે. પરંતુ વાસ્તવિકતા કંઈક અલગ જ છે.

You might also like