Categories: Gujarat

પાટીદાર પાવરથી ભાજપને ઝટકોઃ કોંગ્રેસની બેટરી ચાર્જ

અમદાવાદ: અમદાવાદ મ્યુનિ. કોર્પોરેશન સહિતની છ કોર્પોરેશન, ૩૧ જિલ્લા પંચાયત, ર૩૦ તાલુકા પંચાયત અને પ૬ નગરપાલિકાની બે તબક્કામાં યોજાયેલા ચૂંટણી જંગની આજે સવારથી ભારે ઉત્સુકતાભર્યા માહોલમાં મતગણતરી હાથ ધરાઇ હતી.

મોદી મેજિકનો અભાવ, એન્ટી ઇન્કમબન્સી, પાટીદાર આંદોલન વગેરે કારણોથી ભાજપ માટે આ ચૂંટણી અગ્નિપરીક્ષા સમાન હતી, પરંતુ એલ.ડી. કોલેજ અને ગુજરાત કોલેજના મતગણતરી કેન્દ્રોના ઇવીએમમાં જેમ જેમ મત ગણતરી આગળ વધતી ગઇ તેમ તેમ કમળની છાવણીમાં ઉત્સાહનો સંચાર થતો ગયો.

આજે સવારના ૧૧-૩૦ વાગ્યા સુધીનાે ટ્રેન્ડ જોતાં રાજ્યના કોર્પોરેશનની ચૂંટણીમાં ભાજપની પ્રતિષ્ઠા જળવાઇ રહી છે, પરંતુ આની સાથે સાથે સત્તા પરિવર્તન કરવાના પ્રયાસમાં રાચતી કોંગ્રેસનો પનો ટૂંકો પડયો છે. આ લખાય છે ત્યારે વડોદરા અને સુરતમાં ભાજપ અને કોંગ્રેસ વચ્ચે કશ્મકશભર્યો જંગ છે. જ્યારે અમદાવાદ, રાજકોટ, જામનગર અને ભાવનગરમાં ભાજપની સત્તાનું પુનરાવર્તન થાય તેમ લાગે છે.

મુખ્યપ્રધાન આનંદીબહેન પટેલના નેતૃત્વના લિટમસ ટેસ્ટ સમાન ચૂંટણીના પરિણામ અગાઉ અકેન પ્રકારના તર્કવિતર્ક ઉઠયા હતા, પરંતુ આનંદીબહેને એકલા હાથે અનેક પડકારોને ઝીલીને સંપૂર્ણ ચૂૂટણી પ્રચાર પોતાના ખભા પર ઉપાડી લીધો હતો. અમદાવાદ સહિત ઠેર ઠેર રોડ શો, જાહેરસભાઓ, આગેવાનો સાથે સ્નેહમિલનનો ઝંઝાવાતી પ્રચાર કર્યો હતો.

છેલ્લા એક દાયકામાં સૌથી વધુ પડકારજનક ચૂંટણીમાં ભાજપનો સફાયો કરવાનું કોંગ્રેસનું સ્વપ્ન રોળાયું છે. ભાજપ શાસિત ભાવનગર કોર્પોરેશનના મેયર બાબુભાઇ સોલંકીની હારના સમાચાર જો ભાજપ માટે આંચકારૂપ હતા તો અમદાવાદના મેયર મીનાક્ષી પટેલ ૭,૦૦૦ મતથી પોતાના જોધપુર વોર્ડમાંથી જીતી જતાં ભાજપના કાર્યકરોમાં ઉત્સાહનો સંચાર થઇ ગયો હતો.

સુરત કોર્પોરેશનમાં ૧૧૬ બેઠક પૈકી પ૦માં ભાજપ અને ૩પમાં કોંગ્રેસ, વડોદરા કોર્પોરેશનમાં ૭૬ બેઠક પૈકી ૧૯માં ભાજપ અને ૧પમાં કોંગ્રેસ, રાજકોટ કોર્પોરેશનમાં ૭ર બેઠક પૈકી ર૪માં ભાજપ અને ૧૬માં કોંગ્રેસ, જામનગર કોર્પોરેશનની ૬૪ બેઠક પૈકી ૩૦માં ભાજપ અને ચારમાં કોંગ્રેસ, ભાવનગર કોર્પોરેશનની પર બેઠક પૈકી રપમાં ભાજપ અને ૧૩માં કોંગ્રેસ આગળ ચાલી રહી છે.

admin

Recent Posts

કોશિશ ચાલુ રહેશે, હાર નહીં માનું: નેહા શર્મા

અભિનેત્રી નેહા શર્માએ ૨૦૦૭માં તેલુગુ ફિલ્મ 'ચિરુથા'થી એક્ટિંગ કરિયરની શરૂઆત કરી હતી અને ત્રણ વર્ષ બાદ ૨૦૧૦માં મોહિત સુરીની ફિલ્મ…

10 hours ago

બેઠાડું નોકરી કરો છો? તો હવે હેલ્ધી રહેવા માટે વસાવી લો પેડલિંગ ડેસ્ક

આજકાલ ડેસ્ક પર બેસીને કરવાની નોકરીઓનું પ્રમાણે વધી ગયું છે. લાંબા કલાકો બેસી રહેવાની ઓબેસિટી, ડાયાબિટીસ અને હાર્ટ ડિસીઝનું જોખમ…

10 hours ago

શહેરમાં ૧૮ ફાયર ઓફિસરની સીધી ભરતી સામે સર્જાયો વિવાદ

અમદાવાદઃ મ્યુનિસિપલ કોર્પોરેશન સંચાલિત ફાયર બ્રિગેડની તંત્ર દ્વારા કરાતી ઉપેક્ષાનું સામાન્ય ઉદાહરણ વર્ષોથી સ્ટેશન ઓફિસર વગરના ફાયર સ્ટેશનનું ગણી શકાય…

10 hours ago

૨૬૦ કરોડનું ફૂલેકું ફેરવનાર ચીટર દંપતી વિદેશ નાસી છૂટ્યાંની આશંકા

અમદાવાદઃ થલતેજમાં આવેલ પ્રેસિડેન્ટ પ્લાઝામાં વર્લ્ડ ક્લેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની…

11 hours ago

રાજ્ય સરકારનો મહત્વનો નિર્ણય, વિવિધ યોજનાઓમાં દિવ્યાંગોને અપાશે અગ્રિમતા

ગાંધીનગરઃ ગુજરાત સરકારે એક મહત્વનો નિર્ણય કર્યો છે. જેમાં દિવ્યાંગોને વિવિધ યોજનામાં અગ્રિમતા આપવામાં આવશે. ભરતીમાં 4 ટકાનાં ધોરણે લાભ…

11 hours ago

ન્યૂઝીલેન્ડનાં ખેલાડી IPLનાં અંત સુધી રહેશે ઉપલબ્ધ

મુંબઈઃ ન્યૂઝીલેન્ડ ક્રિકેટ (NZC)એ આઇપીએલની આગામી સિઝનમાં પોતાના ખેલાડીઓને આખી ટૂર્નામેન્ટ રમવાની મંજૂરી આપી દીધી છે. NZCના અધિકારી જેમ્સ વિયરે…

12 hours ago