Categories: India

પઠાણકોટમાં આતંકી હુમલા બાદ દેશભરમાં હાઈએલર્ટની જાહેરાત

નવી દિલ્હી: પ્રજાસત્તાક દિવસ આડે ગણતરીના દિવસો રહ્યા છે ત્યારે ત્રાસવાદીઓએ આજે ફરી એકવાર મોટા હુમલાને અંજામ આપ્યો હતો. ત્રાસવાદી હુમલાની ચેતવણી જારી કરવામાં આવેલી છે ત્યારે આ હુમલો કરાયો છે. હાલમાં જ ઇન્ટેલિજન્સ સંસ્થાઓ અને સુરક્ષા  સંસ્થાઓ દ્વારા ચેતવણી આપીને કહેવામાં આવ્યુ હતુ કે વડાપ્રધાન નરેન્દ્ર મોદી, સંસદ, પરમાણુ  સ્થળ અને સંરક્ષણ સંસ્થાઓ ત્રાસવાદીઓના હિટલિસ્ટમાં છે.

આ ચેતવણી આજે યોગ્ય રહી હતી અને ત્રાસવાદીઓએ એરફોર્સ બેઝને ટાર્ગેટ બનાવીને હુમલો કર્યો હતો. આજે પઠાણકોટમાં હુમલો કરવામાં આવ્યા બાદ પંજાબ  સહિત જુદા જુદા ભાગોમાં  હાઈએલર્ટની જાહેરાત કરી દેવામાં આવી છે. પાટનગર દિલ્હી, મુંબઈ અને દેશના અન્ય ભાગોમાં સુરક્ષા વ્યવસ્થા મજબૂત કરવામાં આવી છે. પંજાબમાં પઠાણકોટ  ખાતે હુમલા કરવામાં આવ્યા બાદ સાવચેતીના તમામ પગલા લેવામાં આવ્યા છે. ર્ધામિક સ્થળો, મોટા મોલ, બજારો ખાતે પણ સુરક્ષા વધારી દેવામાં આવી છે.

આતંકવાદી હુમલા બાદ પંજાબમાં સુરક્ષાદળોને મહત્તમ સાવધાની રાખવા માટે કહેવામાં આવ્યું છે. એક સિનિયર પોલીસ અધિકારીએ વિગત આપતા કહ્યું છે કે, સમગ્ર પ્રદેશમાં હાઈએલર્ટ જારી કરવામાં આવ્યું છે. જમ્મુ-કાશ્મીર સાથે સંબંધિત સરહદ ઉપર સુરક્ષા વ્યવસ્થા વધારી દેવામાં આવી છે. અધિકારીઓનું કહેવું છે કે રાજયમાં મહત્વપૂર્ણ સંસ્થાઓ અને અન્ય જાહેર સ્થળો ઉપર વધારાના પોલીસ અને સિકયુરિટી ફોર્સની તૈનાતી કરવામાં આવી ચુકી છે. પોલીસે કહ્યું છે કે, જગ્યા જગ્યાએ વાહનોની ચકાસણી કરવામાં આવી છે.

પંજાબ ઉપરાંત ગુજરાત, ચંદીગઢ, પડોશી રાજય હરિયાણા અને જમ્મુ-કાશ્મીરમાં પણ એલર્ટની જાહેરાત કરવામાં આવી છે. પાટનગર દિલ્હીમાં પણ સુરક્ષા વ્યવસ્થા મજબૂત કરવામાં આવી છે. સંસદ, મેટ્રો અને વીઆઈપી વિસ્તારોની સુરક્ષા વ્યવસ્થા મજબૂત કરવામાં આવી છે. ઉત્તર પ્રદેશ, ઉત્તરાખંડ, મહારાષ્ટ્રના જુદા જુદા ભાગોમાં પણ સુરક્ષા વ્યવસ્થા મજબૂત કરવામાં આવી છે.

ભારત અને પાકિસ્તાનની સરહદ ઉપર બીએસએફને પણ સાવધાન રહેવા માટે કહેવામાં આવ્યું છે. મુંબઈમાં વિશેષ સુરક્ષા વ્યવસ્થા ગોઠવી દેવામાં આવી છે. અત્રે ઉલ્લેખનીય છે કે, મુંબઈ અને દિલ્હી તથા અન્ય મોટા શહેરોમાં અગાઉ ત્રાસવાદી હુમલા થઈ ચુકયા છે. દેશભરમાં સુરક્ષા વ્યવસ્થા લોખંડી બનાવી દેવામાં આવી છે.

મુંબઈ અને પૂણેમાં એલર્ટની જાહેરાત કરવામાં આવી છે. નોર્થ અને સાઉથ બ્લોક ખાતે સુરક્ષા વધારી દેવામાં આવી છે. તમામ સરકારીઈમારતોમાં પણ સુરક્ષા વ્યવસ્થા વધારવામાં આવી છે.પંજાબમાં તાજેતરના ગાળામાં જ બે વખત ત્રાસવાદી હુમલા કરવામાં આવી ચુકયા છે. જે સાબિતી આપે છે કે પંજાબમાં ત્રાસવાદીઓ ફરી ખતરનાક ગતિવિધીને વધારી દેવાના મુડમાં દેખાઇ રહી છે.

આજે હુમલો કરવામાં આવ્યા બાદ પંજાબ અને અને રાજયોમાં પણ સુરક્ષા અધિકારીઓની બેઠક યોજાઇ હતી અને પ્રજાસત્તાક દિવસ પહેલા સુરક્ષા પાસા પર ચર્ચા કરવામાં આવી હતી.

divyesh

Recent Posts

વિશ્વ ફરી એક વખત આર્થિક મંદીના આરે

નવી દિલ્હી: લેહમેન બ્રધર્સ નાદાર થયા બાદ ૧૦ વર્ષ પછી ફરી એક વખત વૈશ્વિક આર્થિક મંદીના સંકટની આશંકા વધી રહી…

5 mins ago

J&K: પુલવામા-શોપિયાંમાં સુરક્ષાબળો દ્વારા 10 ગામડાંઓની નાકાબંધી, ઘેર-ઘેર આતંકીઓની તપાસ

જમ્મુ-કશ્મીરઃ દક્ષિણ કશ્મીરમાં આતંકીઓ દ્વારા શુક્રવારનાં રોજ ત્રણ એસપીઓની હત્યા કરાયા બાદ સુરક્ષાબળોએ આતંકીઓની શોધખોળ કરવા માટે એક મોટું સર્ચ…

11 mins ago

આ યુવતીને જોઈને ભારતીય ચાહકોએ કહ્યુંઃ ભારત-પાક. વચ્ચે વધારે મેચ રમાડવી જોઈએ

દુબઈઃ ભારત-પાકિસ્તાન વચ્ચેની મેચ હંમેશાં હાઈ વોલ્ટેજ હોય છે. એશિયા કપ-૨૦૧૮માં ગત બુધવારે રમાયેલી ભારત-પાક.ની મેચ પણ ઘણી ચર્ચામાં રહી.…

25 mins ago

પાકિસ્તાન સામે ધમાલ મચાવવાની ઇચ્છાઃ સર જાડેજા

દુબઈઃ લગભગ એક વર્ષ કરતાં વધુ સમય બાદ ટીમ ઇન્ડિયામાં સામેલ થઈને ગઈ કાલે બાંગ્લાદેશ સામે ધમાકેદાર પ્રદર્શન કરીને મેન…

31 mins ago

મ્યુનિસિપલ કોર્પોરેશનનાં 20 ક્વાર્ટર્સના રિ-ડેવલપમેન્ટની કવાયત શરૂ

અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા વર્ષોજૂના મ્યુનિસિપલ ક્વાર્ટર્સના રિડેવલપમેન્ટ માટેનાં ચક્રો ગતિમાન કરાયાં છે. આ રિડેવલપમેન્ટ હેઠળ લાભાર્થીને ૪૦ ટકા…

60 mins ago

કર્ણાવતી ક્લબમાં મહિલાની છેડતીનો વિવાદઃ તપાસ કરવા સંચાલકોની ખાતરી

અમદાવાદ: તાજેતરમાં રાજપથ કલબમાં સ્વિમિંગ કોચ દ્વારા બાળકીઓને માર મારવાની ઘટનાનો વીડિયો વાઇરલ થયા બાદ તેના ઘેરા પ્રત્યાઘાતો પડ્યા છે.…

1 hour ago