Categories: Gujarat

શાળાઓમાં વસૂલાતી કમરતોડ ફી સામે વાલીઓની ગાંધીગીરી

રાજ્ય સરકારે કરેલા ખાનગી શાળાઓ માટેના ફી નિર્ધારણ કાયદાની ઐસીતૈસી કરી મનફાવે તેવી ફી વસૂલાતી કેટલીક ખાનગી શાળાઓ સામે આજે ગાંધીજયંતી નિમિત્તે વાલીઓએ ગાંધીગીરી સાથે વિરોધનો મોરચો માંડ્યો હતો. સરકારે ફી નિર્ધારણ કાયદો અમલમાં મૂક્યો હોવા છતાં હજુ પણ કોઇ ને કોઇ કારણસર તેનો અમલ થઇ શક્યો નથી, જેના કારણે કેટલીક ખાનગી શાળાઓ આજે પણ મનફાવે તેમ ફીની વસૂલાત કરી રહી છે.

બીજા સત્રની શરૂઆતની સાથે જ નિકોલ અને નરોડાની કેટલીક શાળાઓએ જૂની ટર્મ પ્રમાણે પપ હજાર સુધીની ફી વસૂલ કરવાનું શરૂ કરતાં જ નરોડા-નિકોલના પેરન્ટ્સ દ્વારા આજે શાળા સંચાલકો સામે ફીના ધોરણના વિરોધમાં બેનરો સાથે મૌન રેલી કાઢવામાં આવી હતી. ફી નિર્ધારણ કાયદો અમલી બન્યાને ચાર મહિના જેટલો સમય વીતી ગયો હોવા છતાં વાલીઓની ફીના મુદ્દે દશા હજુ એવી ને એવી જ છે. ચાર મહિના પછી પણ હાઇકોર્ટમાં ગયેલી કેટલીક શાળાઓ તેમણે બનાવેલા પોતાના નિયમ મુજબ તગડી ફી વસૂલી રહી
છે.

નરોડા અને નિકોલ ખાતે આવેલ પી. વસાણી ઇન્ટરનેશનલ, ‌ડિવાઇન ઇન્ટરનેશનલ અને દેવસ્ય ઇન્ટરનેશનલ શાળાના સંચાલકોએ બીજા સત્રની અનુક્રમે 55હજાર, 52હજાર અને 48હજાર જેટલી તગડી ફી વસૂલવાનું શરૂ કર્યું હતું, જેની સામે વાલીઓએ સરકારના ફી નિર્ધારણ કાયદા અનુસાર ફી લેવા માટે શાળા સંચાલકોને રજૂઆત કરી હતી. તેના માટે નરોડા અને નિકોલના વાલીઓએ પેરન્ટ્સ એસોસિયેશન બનાવ્યું છે. શાળા સંચાલકો દ્વારા ફી નહીં ઘટાડવામાં આવે, બીજા સત્રની ફી તો ભરવી જ પડશે, જ્યાં કહેવું હોય ત્યાં કહી
દો તેવી ધમકી આપવામાં આવી હોવાનો વાલીમંડળનો આક્ષેપ છે.

શાળા સંચાલકો સાથે વાલીઓએ કરેલી અનેક રજૂઆતો બાદ શાળા સંચાલકો ફીના મુદ્દે ટસના મસ ન થતાં કફોડી હાલતમાં મુકાયેલા વાલીઓએ છેવટે ગાંધી ચિંધ્યા માર્ગે આંદોલન કરવાનો રાહ લીધો હતો, જેના પગલે નરોડા-નિકોલની શાળાઓમાં ભણતા વિદ્યાર્થીઓના વાલીઓએ આજે નિકોલના શુકન ચાર રસ્તાથી મનોહર વીલા સુધી બેનર સાથે વિરોધ પ્રદર્શન કર્યું હતું. રેલીના પગલે શિક્ષણ પ્રધાન ભૂપેન્દ્રસિંહ ચૂડાસમાએ જણાવ્યું હતું કે કોઈને અન્યાય નહીં થવા દેવાય. હાઈકોર્ટના ચુકાદાની રાહ જોવાઈ રહી છે. આ અંગે
નારોલ-નિકોલ વાલીમંડળના પ્રમુખ આશિષભાઇ કંજા‌રિયાએ જણાવ્યું હતું કે નિર્ધારિત કાયદાથી વિરુદ્ધ આ શાળાઓ મનમાની કરીને વાલીઓ પાસેથી તગડી ફી વસૂલવા માટે દબાણ કરી રહી છે, જેના કારણે અમે ગાંધી ચિંધ્યા માર્ગે હવે આંદોલન કરવાનું નક્કી કર્યું છે.

શહેરની અનેક શાળાઓ કાયદાના અમલથી વિરુદ્ધ ફી ઊઘરાવી રહી છે, જેથી અમદાવાદના તમામ વાલીમંડળ એકઠાં થઇ દર ત્રણ દિવસે વિરોધ પ્રદર્શન અને મૌન રેલી કાઢીશું. કાયદાનું પાલન ન કરતા શાળા સંચાલકો સામે છેવટે સુધી લડી લઇશું. કાયદા મુજબ તેઓ ર૭ હજાર સુધી ફી વસૂલી શકે છતાં તેઓ પપ હજાર સુધીની ફી જમા કરવાનો આગ્રહ રાખે છે. અત્રે ઉલ્લેખનીય છે કે મોટા ભાગની ખાનગી શાળાઓ ફી નિર્ધારણ કાયદાની સામે હાઇકોર્ટમાં છે.

Dhruv Brahmbhatt

Recent Posts

આજ કલ તેરે મેરે પ્યાર કે ચર્ચે હર જબાન પર

વાત ભલે શહેરમાં તેમના લંચની હોય કે સોશિયલ મીડિયા પર તેમની પોસ્ટની. આપણા બોલિવૂડ સ્ટાર્સ ક્યારેય ખૂલીને વાત કરતા નથી.…

17 hours ago

નવા બાપુનગરમાં ગેરકાયદે ચાલતા ડબ્બા ટ્રેડિંગનો પર્દાફાશઃ ત્રણ ઝડપાયા

અમદાવાદ: શહેરના નવા બાપુનગર વિસ્તારમાં આવેલા એક ફ્લેટમાં ગેરકાયદે ચાલી રહેલ ડબ્બા ટ્રે‌િડંગનો પર્દાફાશ ક્રાઇમ બ્રાંચે કરતાં ત્રણ લોકોની ધરપકડ…

17 hours ago

ધો.12ની પરીક્ષાનાં ફોર્મ ભરવાની છેલ્લી તારીખ, 21મીથી લેટ ફી ભરવી પડશે

અમદાવાદ: આગામી માર્ચ મહિનામાં લેવાનારી ધો.૧ર કોમર્સ, સાયન્સ અને સામાન્ય પ્રવાહની પરીક્ષા માટે હાલ વિદ્યાર્થીઓનાં આવેદનપત્રો ભરવાની કામગીરી ચાલી રહી…

17 hours ago

સાબરમતીના કિનારે બુદ્ધની 80 ફૂટની પ્રતિમાનું નિર્માણ કરશે

ગાંધીનગર:  દેશના સૌથી સ્ટેચ્યૂ ઓફ યુનિટીના રાજ્યમાં નિર્માણ થયા બાદ હવે અમદાવાદ શહેરની નજીક સાબરમતી નદીના કિનારે વિરાટ ૮૦ ફૂટની…

17 hours ago

ગાંધીનગર જતાં હવે હેલ્મેટ પહેરજો આજથી ઈ-મેમો આપવાનું શરૂ

અમદાવાદ: અમદાવાદથી ગાંધીનગર જતા હજારો નાગરિકોએ હવે આજથી ટ્રાફિકના નિયમોનું ચુસ્ત પાલન કરવું પડશે. ગાંધીનગરની હદમાં પ્રવેશતાં જ વાહનચાલક સીસીટીવી…

18 hours ago

મ્યુનિ. કોર્પોરેશનના લાભાર્થીના ઘૂંટણ- થાપાના રિપ્લેશમેન્ટની સહાયમાં ઘટાડો

અમદાવાદ: મ્યુનિસિપલ કોર્પોરેશન સંચાલિત હોસ્પિટલોમાં તંત્રના અધિકારીઓ, કર્મચારીઓ, પેન્શનરો, કોર્પોરેટરો અને તેમના આશ્રિતોની સારવાર દરમ્યાન અપાતી ઘૂંટણ અને થાપાની ઇમ્પ્લાન્ટ…

18 hours ago