ઇમરાન સત્તા પર આવવાથી પાકિસ્તાન હવે વધુ ખતરનાક બની જશેઃ બ્રુસ રીડેલ

વોશિંગ્ટન: દ‌િક્ષણ એશિયા બાબતોના નિષ્ણાત અને અમેરિકન ગુપ્તચર એજન્સી સીઆઇએના પૂર્વ એનાલિસ્ટે પાકિસ્તાનની ચૂંટણીનાં પરિણામોને લઇ સમગ્ર વિશ્વ સમુદાયને ચેતવણી આપી છે. બ્રુસ રીડેલે એવી ચેતવણી આપી છે કે દુનિયાનો સૌથી ખતરનાક દેશ પાકિસ્તાન હવે વધુ ખતરનાક થઇ જશે, કારણ કે પૂર્વ ક્રિકેટર ઇમરાનખાન સત્તા પર આવી ગયો છે. બીજી બાજુ ટ્રમ્પ પ્રશાસને પણ જણાવ્યું છે કે તેઓ પાકિસ્તાનની નવી સરકાર સાથે કામ કરવાની પ્રતીક્ષા કરી રહ્યા છે.

ઇમરાનખાનને સામાન્યતઃ પાકિસ્તાન સેનાની કઠપૂતળી તરીકે જોવામાં આવી રહ્યો છે. સીઆઇએના પૂર્વ એનાલિસ્ટ બ્રુસ રીડેલના જણાવ્યા અનુસાર ઇમરાન એવા શખ્સ છે, જે પાકિસ્તાનની સમસ્યાઓ માટે અમેરિકાને દોષી ઠરાવે છે. બ્રુસ રીડેલે ઇમરાનને દ‌િક્ષણ એશિયાના સૌથી મોટા અમેરિકા વિરોધી નેતા ગણાવ્યા હતા.

તેમણે જણાવ્યું હતું કે ઇમરાનખાન પાકિસ્તાની સેનાના સૌથી વધુુ સમર્થક છે અને પાકિસ્તાની જાસૂસી સંસ્થા આઇએસઆઇના આશ્રય હેઠળ ઇસ્લામી મૂવમેન્ટ સાથે મળીને કામ કરી રહ્યા છે. તેઓ અવારનવાર અમેરિકાની આલોચના કરે છે.

બ્રુસ રીડેલે એક આર્ટિકલમાં લખ્યું છે કે પાકિસ્તાની સેના ઇમરાનખાનને સમર્થન આપી રહી છે તેવા પાકા પુરાવા છે. ઇમરાનખાન સત્તા પર આવે એટલા માટે સેના તેમના હરીફોને ડરાવતી અને ધમકાવતી હતી અને પ્રેસનો અવાજ કચડી નાખતી હતી, જોકે બ્રુસ રીડેલે જણાવ્યું છે કે પાકિસ્તાની સેના અને ઇમરાનખાનનું ગઠબંધન બહુ લાંબો સમય નહીં ટકે.

અમેરિકાના વિદેશ વિભાગે પાકિસ્તાનમાં સત્તા પરિવર્તનની પ્રક્રિયાનું સાવધાની સાથે સ્વાગત કર્યું છે. વિદેશ વિભાગે એક નિવેદનમાં જણાવ્યું હતું કે અમેરિકા દ‌િક્ષણ એશિયાની સમૃદ્ધિ, સુરક્ષા અને સ્થાયીત્વના લક્ષ્ય હેઠળ પાકિસ્તાનની નવી સરકાર સાથે મળીને કામ કરવા તૈયાર છે.

divyesh

Recent Posts

સુરતઃ ગણેશ વિસર્જન દરમ્યાન ચાલુ બોટે મૂર્તિએ ખાધી પલ્ટી, બોટસવારો કુદ્યાં નદીમાં

સુરતઃ શહેરમાં ગણેશ વિસર્જન દરમ્યાન બોટમાં રાખેલી ગણપતિની એક વિશાળ મૂર્તિ અચાનક ઢળી પડી હતી. મગદલ્લા ઓવારા પર વિસર્જન દરમ્યાન…

5 mins ago

IT રિટર્ન ભરવાની તારીખમાં કરાયો વધારો, 15 ઓક્ટોમ્બર સુધી ભરી શકાશે

સરકારે સોમવારનાં રોજ નાણાંકીય વર્ષ 2017-18ને માટે આયકર રિટર્ન અને ઓડિટ રિપોર્ટ દાખલ કરવાની તારીખ 15 દિવસ વધારીને 15 ઓક્ટોમ્બર…

19 mins ago

ખેડૂતો આનંદો…, ગુજરાતની જીવાદોરી સમાન નર્મદા ડેમની પાણીની સપાટીમાં વધારો

નર્મદા: મધ્યપ્રદેશનાં ઉપરવાસમાંથી પાણીની આવક વધતા સરદાર સરોવર નર્મદા ડેમની સપાટીમાં એકાએક વધારો થયો છે. ઉપરવાસમાંથી 33249 ક્યુસેક પાણીની આવક…

2 hours ago

ઇન્દ્રનીલ રાજ્યગુરૂનું નિવેદન,”મને ભાજપમાં જોડાવાની મળી છે ઓફર”, પક્ષે વાતને નકારી

રાજકોટઃ કોંગ્રેસ નેતા ઈન્દ્રનિલ રાજ્યગુરુનું ખૂબ મોટું નિવેદન સામે આવ્યું છે. ઈન્દ્રનિલ રાજ્યગુરુને ભાજપ તરફથી ઓફર મળી હોવાનું જણાવ્યું હતું.…

3 hours ago

ભાજપમાં જોડાવા મામલે અલ્પેશ ઠાકોરનો ખુલાસો,”હું કોંગ્રેસ સાથે જોડાયેલો છું અને રહીશ”

અલ્પેશ ઠાકોરનાં ભાજપમાં જોડાવા મામલે ખુલાસા કરવા મામલે કોંગ્રેસ નેતાઓએ સંયુક્ત પ્રેસ યોજી. અમિત ચાવડા, પરેશ ધાનાણી અને અલ્પેશ ઠાકોરે…

5 hours ago

હાર્દિક ફરી આંદોલનનાં મૂડમાં, ગાંધી જયંતિથી સમગ્ર ગુજરાતમાં કરશે પ્રતિક ઉપવાસ

અમદાવાદઃ પાટીદાર અનામત આંદોલન સમિતિ દ્વારા છેલ્લાં કેટલાંય સમયથી અનામતની માંગને લઈને આંદોલન કરવામાં આવી રહ્યું છે. ત્યારે હજી પણ…

6 hours ago