Categories: India

પાકિસ્તાન રેન્જર્સ સાથે સૈનિકોને તહેનાત કરી રહ્યું છે પાકિસ્તાન

નવી દિલ્હી: રાજસ્થાન બોર્ડર પર પાક રેન્જર્સ સાથે સેનાના જવાનોને પણ તહેનાત કરી રહ્યું છે. ગુપ્તચર સંસ્થાઅોઅે સીમા પાર થઈ રહેલી હલચલનો રિપોર્ટ સરકારને અાપ્યો છે. તેમાં જણાવાયું છે કે પાકિસ્તાની સેનાની પાક રેન્જર્સ પાસે સીમા પર શંકાસ્પદ ગતિવિધિઅો જોવા મળી છે. પાકિસ્તાની સેનાના જમાવડાને જોઈને બીએસએફ સંપૂર્ણ રીતે સતર્ક બન્યું છે.

સાથે સાથે સેનાને પણ એવા લોકેશન પર રાખવાનું કહેવાયું છે જ્યાંથી જરૂરી હોય ત્યારે તરત જરૂરી કાર્યવાહી કરી શકાય. ગુપ્તચર સંસ્થાઅોઅે કહ્યું કે ગંગાનગર સાથે જોડાયેલી બોર્ડર પર પાકિસ્તાની સેનિકોની હલચલ જોવા મળી છે. અા ઉપરાંત જેસલમેર અને બાડમેર સીમા પર પણ પાક રેન્જર્સની સાથે પાકિસ્તાની સેનિકો જોવા મળ્યા છે.

સૂત્રોઅે જણાવ્યું કે સૈનિકોની સતત અવરજવરના સ્પષ્ટ સંકેત છે અને સીમા પર પાકિસ્તાન શંકાસ્પદ પ્રવૃત્તિઅોમાં લાગેલું છે. સીમા સુરક્ષાદળના પૂર્વ અેડીજી પી કે મિશ્રઅે જણાવ્યું કે પાક રેન્જર્સની સાથે પાકિસ્તાની સેનાઅોનો જમાવડો થવાના સમાચાર અનાયાસ નથી. પાકિસ્તાન સતત સીમા પર દબાણ વધારવાની કોશિશ કરી રહ્યું છે. જમ્મુ કાશ્મીર બોર્ડર પર પણ સૈનિકોની તહેનાતીમાં વધારો કરી દેવાયો છે.

બીજી તરફ અફઘાન સરહદ પર આતંકવાદીઓનો સામનો કરી રહેલા કેટલાક પાકિસ્તાની સૈનિકોને પણ ત્યાંથી રવાના થઈ જવા જણાવવામાં આવ્યું છે. જ્યારે પાકિસ્તાનના કબજાવાળા કાશ્મીરમાં રહેલા આતંકવાદી કેમ્પ પર ભારતના સ‌િર્જકલ સ્ટ્રાઈક હુમલા બાદ પાકિસ્તાનના કેટલાક નિવૃત્ત સેના અધિકારીઓને પણ કોન્ટેક્ટસ ડિટેઈલ અપડેટ કરવા માટે પત્રથી જાણ કરવામાં આવી છે. સાથોસાથ તેમને રિઝર્વ ડ્યૂટી માટે તૈયાર રહેવા જણાવવામાં આવ્યું છે.

ભારતના સ‌િર્જકલ સ્ટ્રાઈક હુમલાના થોડા દિવસો બાદ જ નિવૃત્ત પાકિસ્તાની ફોજીઓને પત્ર પાઠવાયા છે, જોકે રિઝર્વ ડ્યૂટી માટે કોન્ટેક્ટ ઈન્ફર્મેશનને તંત્રની પ્રક્રિયા ગણાવવામાં આવી રહી છે. અધિકારીઓનું કહેવું છે કે આ રિઝર્વથી કોઈને પણ ડ્યૂટી માટે બોલાવવામાં આવ્યા નથી. ઉત્તર અને પશ્વિમ સરહદ પર ભારત પણ તેની સંરક્ષણ સિસ્ટમને વધુ મજબૂત બનાવવામાં વ્યસ્ત છે.

સરહદ પર પાક. તરફથી હિલચાલ વધુ તેજ
આઈબીના અહેવાલમાં ખુલાસો થયો છે કે સ‌િર્જકલ હુમલા બાદ પાકિસ્તાને એલઓસી નજીક વધારાના સૈનિકોની તહેનાતી કરી છે. સૂત્રોના જણાવ્યા અનુસાર સરહદ પર પાકિસ્તાન તરફથી હિલચાલ વધુ તેજ બનાવવામાં આવી રહી છે અને સૈનિકોને ફોરવર્ડ પોઝિશન પર લગાવવામાં આવી રહ્યા છે, જોકે તેમની તૈયારીનું સ્તર વધુ ઊંચાઈએ નથી.

ભારતીય સુરક્ષાતંત્ર હાઈ એલર્ટ પર
ગત 23 સપ્ટેમ્બરના સ‌િર્જકલ સ્ટ્રાઈક હુમલા બાદ પણ ભારતીય સુરક્ષાતંત્ર હાઈ એલર્ટ પર છે અને સંવેદનશીલ ઉત્તર કમાન્ડમાં ટોપ મિ‌િલટરી કમાન્ડર્સનાં પોસ્ટિંગ અટકાવી દેવામાં આવ્યાં છે. જ્યારે પશ્ચિમ કમાન્ડમાં પણ સંરક્ષણ સિસ્ટમ તૈયાર કરી દેવાઈ છે. પંજાબની સરહદની જવાબદારી વેસ્ટર્ન કમાન્ડ પાસે છે. સૂત્રોના જણાવ્યા અનુસાર પાકિસ્તાનમાં સૈનિકોની તમામ રજા રદ કરી દેવામાં આવી છે.

યુદ્ધવિરામનું ઉલ્લંઘન થયું નથી
સેનાએ પણ ઉત્તરમાં બોર્ડર એલર્ટ જાહેર કરી દીધું છે અને રિઝર્વ ટીમને એલઓસી પાસે મોકલી આપવામાં આવી છે, જેથી હુમલા બાદ કોઈ પણ પ્રકારની કાર્યવાહીને નિષ્ફળ બનાવી શકાય. સેનાના એક સિનિયર અધિકારીએ જણાવ્યું કે હાલ યુદ્ધવિરામને લઈને કોઈ મોટું ઉલ્લંઘન થયું નથી અને પ્રતિક્રિયા તરીકે પારંપરિક હુમલાની આશંકાથી, જોકે અમે કોઈ પણ પ્રકારની આપાતકાલીન સ્થિતિમાં સામનો કરી શકાય તે માટે સજ્જ છીએ.

divyesh

Recent Posts

શહેરમાં ચેઇન સ્નેચરોનો તરખાટઃ મહિલાઓનાં ગળાની ચેઇન આંચકી ગઠીયા રફુચક્કર

અમદાવાદઃ શહેરમાં ચેઇન સ્નેચરોનો આતંક દિવસે ને દિવસે વધી રહ્યો છે. વેજલપુર અને શાહીબાગ વિસ્તારમાં ચેઇન સ્નેચરોએ મહિલાનાં ગળામાંથી સોનાની…

3 mins ago

ભિલોડામાં વેપારી પર ફાયરીંગ કરીને ચલાવાઇ લૂંટ, સારવાર દરમ્યાન મોત

અરવલ્લીઃ નવા વર્ષની શરૂઆતમાં રાજ્યમાં લૂંટ ‌વિથ મર્ડરની બીજી ઘટના સામે આવી છે. જેનાં પગલે પોલીસબેડામાં ચર્ચાનો વિષય બની ગયો…

44 mins ago

ચીટર દંપતીનો એજન્ટ દાનસિંહ વાળા પણ પત્ની સાથે ફરાર

અમદાવાદઃ થલતેજમાં આવેલ પ્રેસિડેન્ટ પ્લાઝામાં વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની…

57 mins ago

કશ્મીર-બદરીનાથમાં ભારે હિમવર્ષા સાથે કાતિલ ઠંડી, રસ્તાઓ બંધ થતાં એલર્ટ જારી

શ્રીનગરઃ જમ્મુ-કાશ્મીરનાં ઉચ્ચ પર્વતીય વિસ્તારોમાં સતત ત્રીજા દિવસે પણ ભારે હિમવર્ષા અને નીચાણવાળા વિસ્તારોમાં વરસાદ પડવાથી સમગ્ર રાજ્યમાં કાતિલ ઠંડીનું…

1 hour ago

સુપ્રીમ કોર્ટમાં ચકચાર રાફેલ ડીલ કેસની સુનાવણી શરૂ

નવી દિલ્હીઃ સુપ્રીમ કોર્ટમાં રાફેલ ડીલ કેસમાં દાખલ થયેલ ચાર જનહિતની અરજી પર આજથી સુનાવણી શરૂ થઇ ગઇ છે. સુપ્રીમ…

2 hours ago

ભારતમાં નવી આર્થિક ક્રાન્તિ સાથે પોસ્ટઓફિસ પણ બની બેંકઃ PM મોદી

સિંગાપોરઃ વડા પ્રધાન નરેન્દ્ર મોદી બે દિવસનાં પ્રવાસે સિંગાપોર પહોંચી ગયાં છે. આ દરમિયાન તેઓ પૂર્વ એશિયા સંમેલન, આસિયાન-ભારત અનૌપચારિક…

2 hours ago