પાકિસ્તાનમાં ચૂંટણીઃ PM પદ માટે ઈમરાન ખાન પ્રબળ દાવેદાર

ઈસ્લામાબાદ: પાકિસ્તાનમાં આજે યોજાનારી સામાન્ય ચૂંટણી માટે સોમવારે મધરાતે પ્રચાર પર પરદો પડી ગયો છે. આજે યોજાનારી ચૂંટણી પૂર્વે હાથ ધરવામાં આવેલા સર્વેક્ષણમાં ક્રિકેટરમાંથી નેતા બનેલા ઈમરાન ખાન સૌથી આગળ છે. ભારતના પાડોશી દેશ પાકિસ્તાનમાં આજે આમ ચૂંટણી માટે મતદાન યોજાશે. આમ ચૂંટણીમાં 272 બેઠક માટે અંદાજે 100 રાજનૈતિક પાર્ટીઓ ચૂંટણી મેદાનમાં છે. ઉલ્લેખનીય છે આ સમયે ભ્રષ્ટાચારના આરોપ હેઠળ પૂર્વ વડાપ્રધાન નવાઝ શરીફ અને તેની દીકરી અને જમાઇ જેલમાં બંધ છે.

ઈમરાન ખાન પૂર્વ વડા પ્રધાન નવાઝ શરીફની પાર્ટી પર હાવિ થઈ ગયા હોવાનું દેખાય છે. તેમના પક્ષના યુવાન મતદારોમાં શાખ અને પ્રતિષ્ઠા વધી છે. આ જોતા ઈમરાન ખાન માટે પાકિસ્તાનના આગમી વડા પ્રધાન બનવાની તક વધી ગઈ છે.

વિવિધ રાજકીય પક્ષોના નેતાઓ અને ઉમેદવારો છેલ્લી ઘડી સુધી જાહેરસભાઓ, શેરી સભાઓ અને ઘરે ઘરે જોઈને મતદારોને રિઝવવામાં વ્યસ્ત છે. જોકે પાકિસ્તાનમાં સામાન્ય ચૂંટણીને લઈને મતદારોમાં ભારે ઉત્સાહ જોવા મળતો નથી અને સુરક્ષાની સ્થિતિ પણ તંગ છે.

પાકિસ્તાનના કેટલાય કટ્ટર મૌલવીઓ સહિત ૧૨,૫૭૦થી વધુ ઉમેદવારો સંસદ અને ચાર પ્રાંતીય વિધાનસભા માટે ચૂંટણી મેદાનમાં છે. નેશનલ એસેમ્બલી માટે ૩,૬૭૫ અને પ્રાંતીય વિધાનસભા માટે ૮,૮૯૫ ઉમેદવાર ચૂંટણી મેદાનમાં પોતાનું નસીબ અજમાવી રહ્યા છે.

પાકિસ્તાનમાં સામાન્ય ચૂંટણીમાં વિજય તરફ આગેકૂચ કરી રહેલ પાકિસ્તાન તહરિક-એ-ઈન્સાફ (પીટીઆઈ)ના નેતા ઈમરાન ખાનને કદાચ પોતાની જીત પર વિશ્વાસ નથી અને એટલે તેઓ એક નહીં, પરંતુ પાંચ બેઠક પરથી ચૂંટણી લડી રહ્યા છે.

ઈમરાન ખાન પંજાબ પ્રાંતની ત્રણ બેઠક ઉપરાંત ખૈબર પખ્તુનખ્વા અને સિંધ પ્રાંતમાં પણ તેઓ ચૂંટણી લડી રહ્યા છે. ઈમરાન ખાન કરાચી, લાહોર, રાવલપિંડી, બન્નુ અને મિયાંવાલી બેઠકો પરથી ચૂંટણી લડી રહ્યા છે.

અખબાર ‘ડોન’ના અહેવાલ અનુસાર પાકિસ્તાનમાં આ વખતે સંપૂર્ણ ચૂંટણી પ્રક્રિયામાં રૂ. ૨,૩૬૪ કરોડ ખર્ચ થવાનું અનુમાન છે, જે ૨૦૧૩ની સામાન્ય ચૂંટણીથી ૧૦ ટકા વધુ છે. આ પાકિસ્તાનમાં અત્યાર સુધીની સૌથી મોંઘી ચૂંટણી પુરવાર થશે.

ચૂંટણી પૂર્વેનાં સર્વેક્ષણ અનુસાર ઈમરાન ખાનની પાર્ટી ૧૮થી ૧૯ વર્ષની વય જૂથના યુવાન મતદારોમાં વધુ લોકપ્રિય છે. આ વય જૂથના ૭૦ ટકા મતદારો ઈમરાનની પાર્ટીની તરફેણમાં છે. આમ ઈમરાન ખાન વડા પ્રધાન પદ માટે પ્રબળ દાવેદાર માનવામાં આવી રહ્યા છે.

divyesh

Recent Posts

…તો મારી પાસે ટોપ બેનરની ફિલ્મો ન હોતઃ સોનમ કપૂર

સોનમ કપૂરે બોલિવૂડમાં ૧૦ વર્ષ પૂરાં કરી લીધાં છે તેમ છતાં પણ તે ટોપ ફાઇવ અભિનેત્રીઓમાં ક્યારેય સામેલ થઇ શકી…

4 mins ago

રૂ.11 લાખની ઉઘરાણી કરતાં વેવાઈ પક્ષના સંબંધીની બે ભાઈએ હત્યા કરી

અમદાવાદ; શહેરમાં નવા વર્ષથી હત્યાનો સિલસિલો શરૂ થઇ ગયો છે. દર એકાદ-બે દિવસે અલગ અલગ કારણોસર હત્યાના બનાવ બની રહ્યા…

21 mins ago

નર્મદાનાં પાણીમાં પેસ્ટિસાઈડ્સનું પ્રમાણ ચકાસવા મશીન મુકાશે

અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા શહેરીજનોને ખુલ્લી નર્મદા કેનાલમાંથી પીવાનું પાણી પૂરું પડાતું હોઇ આ પાણીમાં ભળતાં પેસ્ટિસાઇડ્સ(જંતુનાશક દવાઓ)ના પૃથક્કરણ…

29 mins ago

એક તરફી પ્રેમમાં પાગલ યુવાને સિવિલનાં મહિલા ડોક્ટરની ઊંઘ હરામ કરી

અમદાવાદ: સિવિલ હોસ્પિટલના રે‌િડયોલોજી વિભાગમાં ફરજ બજાવતી એક રે‌િસડન્ટ ડોક્ટર યુવતીએ શાહીબાગમાં રહેતા એક યુવક વિરુદ્ધમાં અશ્લીલ ચેનચાળા કરવા અંગેની…

29 mins ago

ઓસ્ટ્રેલિયા પ્રવાસઃ કરો ‘નવા યુગ’ની શરૂઆત

નવી દિલ્હીઃ ભારતીય ક્રિકેટ ટીમ ઓસ્ટ્રેલિયા પહોંચી ચૂકી છે અને તા. ૨૧ ને બુધવારથી શરૂ થઈ રહેલી ત્રણ મેચની ટી-૨૦…

34 mins ago

રાજ્યની તમામ સરકારી શાળાઓમાં આજથી બાયોમેટ્રિક સિસ્ટમથી હાજરી ફર‌િજયાત

અમદાવાદ: આજથી અમદાવાદ સહિતની રાજ્યની તમામ સરકારી પ્રાથમિક શાળાઓમાં બાયોમેટ્રિક સિસ્ટમથી હાજરી ફર‌િજયાત કરાઈ છે. સેન્ટ્રલ અટેન્ડન્સ સિસ્ટમ આજથી લાગુ…

38 mins ago