કૈલાસ માનસરોવરમાં ફસાયેલા 150 તીર્થયાત્રીઓ સુરક્ષિત રીતે બહાર, હજી કેટલાંક સંકટમાં

નેપાળનાં માર્ગ દ્વારા કૈલાશ-માનસરોવર યાત્રા પર પહોંચેલ 150 તીર્થયાત્રીઓને કાઠમંડુ સ્થિત ભારતીય દૂતાવાસનાં સહયોગથી સુરક્ષિત રીતે નીકાળી દેવામાં આવેલ છે. આ સાથે જ યાત્રા દરમ્યાન 2 તીર્થયાત્રીઓનાં મૃતદેહને પણ હેલિકોપ્ટર દ્વારા પરત લાવવામાં આવી રહેલ છે.

આ પહેલાં કૈલાશ-માનસરોવરની યાત્રા પર ગયેલ તીર્થયાત્રી ખરાબ વાતાવરણને લઇને નેપાળગંજ-સિમીકોટ-હિલસા રૂટ પર ફસાઇ ગયા હતાં કે જેઓને સુરક્ષિત રીતે નીકાળવાની કોશિશ કરવામાં આવી રહી છે.

કાઠમંડુ સ્થિત ભારતીય દૂતાવાસે નિવેદન રજૂ કરતા કહ્યું કે હિલસાથી સિમીકોટ ગયેલ 150 તીર્થયાત્રીઓને સુરક્ષિત રીતે નીકાળી લેવામાં આવેલ છે. દૂતાવાસે જણાવ્યું કે તેઓને સ્થાનીય ઓથોરિટી અને ફ્લાઇટ ઓપરેટર્સ જોડે સંપર્ક કરીને 9 કોમર્શિયલ ઉડાણોને આધારે 158 યાત્રીઓને સિમિકોટથી લઇને નેપાળગંજ સુધી સુરક્ષિત રીતે નીકાળી દેવામાં આવ્યાં છે.

નેપાળગંજમાં પણ દરેક પ્રકારની ચિકિત્સક સેવાઓ ઉપલબ્ધ કરવામાં આવેલ છે અને 3 કલાકની માર્ગીય યાત્રાને આધારે લખનઉ પહોંચી શકાય છે. ત્યાં જ દૂતાવાસ નેપાળ સેનાની સાથે સંપર્કમાં છે જેથી મોસમમાં સુધાર થતાં જ હેલિકોપ્ટરને આધારે ઉડાણ ભરી શકાય.

ઉલ્લેખનીય છે કે કૈલાશ માનસરોવરની યાત્રા પર નિકળેલા 1500થી પણ અધિક ભારતીય તીર્થયાત્રીઓ ખરાબ વાતાવરણને લઇને તિબ્બતની પાસે નેપાળનાં પહાડી વિસ્તારમાં ફસાયેલા છે.

ભારતે આ તીર્થયાત્રીઓને નિકાળવા માટે નેપાળ પાસે મદદ માંગી છે. ભારતીય શ્રદ્ધાળુઓને રેસ્ક્યુ કરવાની કોશિશ ભારે તેજ થઇ ગઇ છે. કાઠમંડુ સ્થિત ભારતીય દૂતાવાસે નિવેદન રજૂ કરતા કહ્યું કે તેઓ આ રૂટની સ્થિતિ પર નજર રાખીને બેઠેલ છે.

સુષ્માજી દ્વારા કરવામાં આવેલ એક બાદ એક ટ્વિટમાં કહ્યું કે ભારતે તીર્થયાત્રીઓ અને તેઓનાં પરિવારને માટે હૉટલાઇન સ્થાપિત કરી દીધી છે. તેઓને તમિલ, તેલુગુ, કન્નડ અને મલયાલમ ભાષાઓમાં સૂચનાઓ આપવામાં આવશે. તેઓએ વધુમાં એમ પણ જણાવ્યું કે હિલસામાં અમે પોલીસ અધિકારીઓને પણ જરૂરી સહાયતા માટે મદદનો પણ આગ્રહ કર્યો છે.

હિલસામાં ખરાબ વાતાવરણને કારણે 104 કૈલાસ માનસરોવર તીર્થયાત્રીઓને સિમીકોટથી હિલસા ખાતે લાવવામાં આવ્યાં. ત્યાં જ કૈલાશ માનસરોવરનાં દર્શન કરવા આવેલ 2 ભારતીય તીર્થયાત્રીઓનાં મોત પણ થઇ ગયાં છે.

મહત્વનું છે કે હુમ્લા જિલ્લા પોલીસ કાર્યાલયે જણાવ્યું કે કેરલની 56 વર્ષીય નારાયણમ લીલાની સોમવારનાં સિમકોટ સ્થિત એક હોટલમાં જ્યારે આંધ્ર પ્રદેશની સત્યલક્ષ્મીની રવિવારનાં રોજ તિબ્બતનાં તાક્લાકોટમાં મોત થઇ ગયું છે.

આ વર્ષે અત્યાર સુધીમાં માનસરોવર આવેલ 8 ભારતીય તીર્થયાત્રીઓનાં મોત થઇ ચૂક્યાં છે. પોલીસે જણાવ્યું કે હાઇ અલ્ટીચ્યૂડથી ઉત્પન્ન થનાર શારીરિક સમસ્યાઓનાં કારણે આ મોત થયાં છે.

You might also like