Categories: India

નઇમ ખાન સહિત અલગતાવાદીનાં ર૨ સ્થળો પર એનઆઈએના દરોડા

શ્રીનગર: કાશ્મીરમાં ટેરર ફંડિંગને લઇ અલગતાવાદી નેતાઓની પૂછપરછ બાદ નેશનલ ઇન્વેસ્ટિગેશન એજન્સી (એનઆઇએ)એ ર૨ સ્થળોએ દરોડા પાડ્યા છે. એનઆઇએ દ્વારા કાશ્મીરમાં અલગતાવાદીઓના ૧૪ અને દિલ્હીમાં આઠ સ્થળોએ દરોડા પાડ્યા છે. અા મામલામાં એનઆઇએ દ્વારા એફઆઇઆર પણ દાખલ કરવામાં આવી છે. દરોડાની કાર્યવાહી દરમિયાન રૂ. ૧.૨૫ કરોડની જંગી રકમ જપત કરાઈ છે.
ઇન્ડિયા ટુડે દ્વારા હાથ ધરવામાં આવેલ ‌િસ્ટંગ હુર્રિયત ઓપરેશનની અસર જોવા મળી રહી છે. એનઆઇએ દ્વારા હુર્રિયતના જે નેતાઓને ત્યાં દરોડા પાડવામાં આવ્યા છે તેમાં નઇમ ખાન, બિટા કરાટે, જાવેદ ગાજીબાવા વગેરેનો સમાવેશ થાય છે.

આ નેતાઓની એનઆઇએ દ્વારા પૂછપરછ કરવામાં આવી હતી. અમારા દ્વારા પ્રારંભિક તપાસ રિપોર્ટ એફઆઇઆરમાં તબદીલ કરવામાં આવ્યો છે. હવાલા કૌભાંડ અને આતંકીઓને કરવામાં આવતા ફંડિંગ મામલામાંં હાલ એનઆઇએની ટીમ દિલ્હીના ચાંદનીચોક, બલ્લીમારાન સહિત સાત સ્થળોએ હાલ દરોડાની કાર્યવાહી ચાલુુ છે. આ ઉપરાંત જમ્મુ-કાશ્મીરના ૧૪ સ્થળોએ પણ દરોડાની કાર્યવાહી ચાલુ છે.
અલગતાવાદી નેતા સૈયદઅલીશાહ ગિલાની ફરતે પણ એનઆઇએ દ્વારા હવે ગાળિયો મજબૂત કરવામાં આવ્યો છે. તેમની સામે પણ એફઆઇઆર દાખલ કરવામાં આવી છે. ઇન્ડિયા ટુડેએ સ્ટિંગ ઓપરેશન હાથ ધરીને કાશ્મીરમાં પથ્થરબાજી અને અશાંતિ માટે પાકિસ્તાની ફં‌િડંગનો પર્દાફાશ કર્યો હતો, જેમાં પ્રથમ વાર કેમેેરા પર અલગતાવાદી નેતા પાકિસ્તાન પાસેથી રૂપિયા લઇને ખીણમાં હિંસા ભડકાવવાની વાત કબૂલતા દેખાય છે. ત્યારબાદ કેન્દ્ર સરકારે એનઆઇએને આ બાબતમાં તપાસ સોંપી હતી.

ઇન્ડિયા ટુડેની સ્પેશિયલ ઇન્વેસ્ટિગેશન ટીમે પથ્થરબાજના ફાઇનાન્સર્સનો પર્દાફાશ કર્યો હતો. એવું માનવામાં આવે છે કે કાશ્મીર ખીણમાં જે તંગદિલી ભડકાવવામાં આવી રહી છે તેના તાર સીમા પાર બેઠેલા સ્પોન્સરર સાથે જોડાયેલા છે. હુર્રિયતના નેતાએ એવું પણ કબૂલ્યું છે કે કેવી રીતે કાળાં નાણાંને સફેદ કરવામાં આવે છે.

http://sambhaavnews.com/

Krupa

Recent Posts

શેરબજાર સામાન્યઃ સેન્સેક્સ અને નિફ્ટી ફ્લેટ, રૂપિયો ૨૫ પૈસાનાં વધારા સાથે ખૂલ્યો ૭૨.૦૬ની સપાટીએ

શેરબજારમાં આજે શરૂઆત સામાન્ય રહી હતી. સેન્સેક્સ ૩.૭૬ પોઇન્ટ વધીને ૩૫,૧૪૫ પર ખૂલ્યો હતો, જ્યારે નિફ્ટી ૪.૩ પોઇન્ટ વધીને ૧૦,૫૮૦…

10 mins ago

નોટબંધી બાદ પણ રિટર્ન નહીં ભરનાર ૮૦ હજાર લોકો પર બાજ નજર

નવી દિલ્હીઃ ઇન્કમટેક્સ વિભાગ એવાં ૮૦ હજાર લોકોની તલાશમાં છે કે જેમણે નોટબંધી બાદ મોટી રકમ જમા કરાવી હતી અને…

24 mins ago

તામિલનાડુનાં કિનારે ૧૦૦ કિ.મી.ની ઝડપે ટકરાયું ‘ગાજા’ તોફાન, સ્કૂલ-કોલેજો બંધ-નૌસેના એલર્ટ

ચેન્નઈઃ હવામાન વિભાગનાં જણાવ્યાં અનુસાર ચક્રવાતી તોફાન ‘ગાજા’ આજે સવારે તામિલનાડુનાં સમુદ્ર કિનારે ટકરાયું છે. આ દરમ્યાન ૧૦૦ કિલોમીટર પ્રતિકલાકની…

38 mins ago

રાજ્યમાં નાસતા-ફરતા આરોપીઓને ઝડપવા ઝુંબેશ હાથ ધરાશે, CMએ ગૃહવિભાને આપ્યાં આદેશ

અમદાવાદઃ રાજ્યમાં નાસતા-ફરતા આરોપીઓને ઝડપવા માટે એક ઝૂંબેશ હાથ ધરવામાં આવશે. 21 હજાર જેટલાં આરોપીઓને પકડવા માટે ગૃહવિભાગે કવાયત હાથ…

18 hours ago

PNBને ડિંગો બતાવનાર નીરવ મોદી વિદેશી બેંકોને કરોડો ચૂકવવા તૈયાર

નવી દિલ્હીઃ પંજાબ નેશનલ બેન્ક કૌભાંડનાં મુખ્ય આરોપી નીરવ મોદીની હજુ શોધખોળ જારી છે. નીરવ મોદી ભારતીય બેન્કોના કરોડો રૂપિયા…

19 hours ago

ગુજરાત સરકારનો મહત્વનો નિર્ણય, પ્રાથમિક શાળાઓમાં કન્યાઓને અપાશે માસિક ધર્મનું શિક્ષણ

ગાંધીનગરઃ રાજ્ય સરકાર દ્વારા એક મહત્વનો નિર્ણય લેવામાં આવ્યો છે. હવેથી પ્રાથમિક સ્કૂલોમાં માસિક ધર્મ અંગેનું માર્ગદર્શન આપવામાં આવશે. પ્રાથમિક…

19 hours ago