Categories: Gujarat

ટ્રેનની અડફેટે કોઈ મૃત્યુ પામે ત્યારે દોડી જતા સેવાભાવી ખુદ ટ્રેનની ટક્કરથી મોતને ભેટ્યા

અમદાવાદ: મણિનગર-વટવા રેલવે લાઈન પર છેલ્લા એક દાયકાથી ટ્રેનની અડફેટમાં આવતા લોકોને બચાવવા માટે અથવા તો મોતને ભેટેલા અનેક લોકોના મૃતદેહને હોસ્પિટલમાં પોસ્ટમોર્ટમ માટે મોકલીને સેવાનું કામ કરતા કાળુભાઇ નામની સેવાભાવી વ્યક્તિ ખુદ ટ્રેનની અડફેટમાં આવી મોતને ભેટ્યા હતા. કોઇ પણ વ્યકિત ટ્રેનની અડફેટમાં આવી ગઇ હોય અથવા તો કોઇએ ટ્રેન નીચે પડતું મૂકીને આત્મહત્યા કરી હોય ત્યારે રેલવે પોલીસ કે સ્થાનિક પોલીસ પહોંચે તે પહેલાં મ‌િણનગર વિસ્તારમાં રહેતા કાળુભાઇ દેવીપૂજક પહોંચી જતા અને મૃતકના કપાયેલા અંગોને ભેગા કરીને સેવાનું કામ કરતા હતા. ફ્રૂટની લારી ચલાવીને પોતાનું અને પરિવારનું ગુજરાન ચલાવતા કાળુભાઇ ગઇ કાલે ટ્રેનની અડફેટમાં આવીને મોતને ભેટ્યા છે.

કાળુભાઇ છેલ્લા એક દાયકાથી ટ્રેનની અડફેટે આવેલા એક હજાર કરતાં વધુ વ્યકિતઓના મૃતદેહને પોસ્ટમોર્ટમ માટે મોકલી આપવાની નિઃસ્વાર્થ સેવા કરી રહ્યા હતા. પોલીસસૂત્રોના જણાવ્યા અનુસાર ગઇ કાલે મણિનગર દક્ષિણી રેલવે ટ્રેક પર કોઇ વ્યકિત ટ્રેનની અડફેટમાં આવી ગઇ હોવાની જાણ થતાં તેઓ તાત્કાલિક રેલવે ટ્રેક પર દોડી ગયા હતા એકાએક પુરઝડપે આવેલી ટ્રેનની અડફેટમાં તેઓ આવી જતાં ઊછળીને રેલ્વે ટ્રેક પર પડ્યા હતા, જ્યાં તેમનું મોત નીપજ્યું હતું. આ ઘટનાની જાણ થતાં દક્ષિણી વેપારી એસોસીએશનના અગ્રણીઓ તેમજ સામાજિક કાર્યકતાઓ રેલવે ટ્રેક પર દોડી આવ્યા હતા ત્યારે ખોખરા પોલીસ પણ પહોંચી ગઇ હતી અને કાળુભાઇની લાશને પોસ્ટમોર્ટમ માટે મોકલી આપી હતી. કાળુભાઇના મોતથી પોલીસબેડા તેમજ સ્થાનિકોમાં ભારે શોકની લાગણી છવાઇ હતી. સામા‌િજક કાર્યકર હર્ષદ પટેલે જણાવ્યું હતું કે કાળુભાઇ ટ્રેનની અડફેટમાં આવેલા લોકોના કપાઇ ગયેલાં અંગોને ભેગાં કરતા હતા અને વેપારી એસોસીએશન પાસેથી કફન લાવી ઓઢાડતા હતા.

http://sambhaavnews.com/

Navin Sharma

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

2 hours ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

2 hours ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

3 hours ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

3 hours ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

3 hours ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

3 hours ago