Categories: Gujarat

એક કોલ સેન્ટરની બાતમી મળતાં પોલીસે રેડ કરી તો બીજું પણ મળ્યું!

અમદાવાદ: મુંબઇના થાણે વિસ્તારમાં ઝડપાયેલા કોલ સેન્ટર કૌભાંડના પગલે અમદાવાદ શહેરમાં ચાલતાં અનેક કોલ સેન્ટર બંધ થઇ ગયાં હતાં. ઉપરાંત પોલીસ કમિશનર એ. કે. સિંઘે તમામ ગેરકાયદે ચાલતાં કોલ સેન્ટરને બંધ કરવાના આદેશ આપ્યા હતા, પરંતુ ફરીથી કોલ સેન્ટર ધમધમવાનાં શરૂ થઇ ગયાં છે.

આંબાવાડી વિસ્તારમાંથી થોડા દિવસ અગાઉ એલિસબ્રિજ પોલીસે કોલ સેન્ટર ઝડપ્યું હતું ત્યારે ગત મોડી રાતે સાયબર ક્રાઇમ બ્રાંચે સરખેજ-સાણંદ ચોકડી પાસે મકરબા ખાતે આવેલા એક કોમ્પ્લેક્સમાંથી બે ગેરકાયદે ચાલતાં કોલ સેન્ટર ઝડપી પાડ્યાં છે. પોલીસે એક યુવતી સહિત ૧૩ લોકોની ધરપકડ કરી છે જ્યારે મે‌િજક જેક અને કમ્પ્યૂટર સહિતનો મુદ્દામાલ જપ્ત કર્યો છે. આરોપીઓ અમેરિકન નાગરિકો પાસેથી લોન ભરપાઇ કરવાના બહાને પૈસા પડાવતા હોવાનું પ્રાથમિક તપાસમાં બહાર આવ્યું છે. પોલીસે હાલ આ તમામની પૂછપરછ શરૂ કરી છે.

મળતી માહિતી મુજબ સાયબર ક્રાઇમ બ્રાંચના ઇન્ચાર્જ એસીપી રાજદીપસિંહ ઝાલાની આગેવાની હેઠળ પીઆઇ જે. એસ. ગેડમ અને તેમની ટીમે બાતમીના આધારે મકરબા ખાતે આવેલા સિગ્નેચર કોમ્પ્લેકસ-રના પાંચમા માળે ચાલતા કોલ સેન્ટર પર રેડ કરી હતી. પોલીસને રેડ દરમ્યાન એક નહીં, પરંતુ બે કોલ સેન્ટર મળી આવ્યાં હતાં. એક કોલ સેન્ટરમાં એક યુવતી સહિત છ અને અન્ય કોલ સેન્ટરમાં ૭ યુવકો કામ કરી રહ્યા હતા. પોલીસે મે‌િજક જેક ડિવાઇસ અને ૧પથી વધુ કમ્પ્યૂટર સેટ સહિતનો મુદ્દામાલ જપ્ત કર્યો હતો.

આરોપીઓની પૂછપરછ દરમ્યાન અમેરિકન નાગરિકો પાસેથી લોન ભરપાઇના બહાને ડરાવી-ધમકાવી પૈસા પડાવતા હતા. એકાદ મહિનાથી આ કોલ સેન્ટર તેઓએ શરૂ કર્યું હતું. જેકી શેખ અને તારીક હાશ્મી નામની બે વ્યક્તિ અા કોલ સેન્ટર ચલાવતી હતી. બંને કોલ સેન્ટરોના દરવાજા અંદરથી બંધ રાખવામાં અાવતા હતા. દરેક કર્મચારીને એક કોડવર્ડ અાપ્યો હતો. ફોન કરીને એ કોડવર્ડ અાપે તો જ કોલ સેન્ટરનો દરવાજો ખોલવામાં અાવતો હતો. પોલીસે જ્યારે દરોડો પાડ્યો ત્યારે દરવાજો તોડીને અંદર પ્રવેશ કરવો પડ્યો હતો. પોલીસે હાલ આરોપીઓએ લીડ ક્યાંથી મેળવી હતી તેમજ વોઇપ કોની પાસેથી મેળવ્યું હતું તેની તપાસ આરંભી છે.

http://sambhaavnews.com/

divyesh

Recent Posts

શેરબજાર સામાન્યઃ સેન્સેક્સ અને નિફ્ટી ફ્લેટ, રૂપિયો ૨૫ પૈસાનાં વધારા સાથે ખૂલ્યો ૭૨.૦૬ની સપાટીએ

શેરબજારમાં આજે શરૂઆત સામાન્ય રહી હતી. સેન્સેક્સ ૩.૭૬ પોઇન્ટ વધીને ૩૫,૧૪૫ પર ખૂલ્યો હતો, જ્યારે નિફ્ટી ૪.૩ પોઇન્ટ વધીને ૧૦,૫૮૦…

13 mins ago

નોટબંધી બાદ પણ રિટર્ન નહીં ભરનાર ૮૦ હજાર લોકો પર બાજ નજર

નવી દિલ્હીઃ ઇન્કમટેક્સ વિભાગ એવાં ૮૦ હજાર લોકોની તલાશમાં છે કે જેમણે નોટબંધી બાદ મોટી રકમ જમા કરાવી હતી અને…

27 mins ago

તામિલનાડુનાં કિનારે ૧૦૦ કિ.મી.ની ઝડપે ટકરાયું ‘ગાજા’ તોફાન, સ્કૂલ-કોલેજો બંધ-નૌસેના એલર્ટ

ચેન્નઈઃ હવામાન વિભાગનાં જણાવ્યાં અનુસાર ચક્રવાતી તોફાન ‘ગાજા’ આજે સવારે તામિલનાડુનાં સમુદ્ર કિનારે ટકરાયું છે. આ દરમ્યાન ૧૦૦ કિલોમીટર પ્રતિકલાકની…

41 mins ago

રાજ્યમાં નાસતા-ફરતા આરોપીઓને ઝડપવા ઝુંબેશ હાથ ધરાશે, CMએ ગૃહવિભાને આપ્યાં આદેશ

અમદાવાદઃ રાજ્યમાં નાસતા-ફરતા આરોપીઓને ઝડપવા માટે એક ઝૂંબેશ હાથ ધરવામાં આવશે. 21 હજાર જેટલાં આરોપીઓને પકડવા માટે ગૃહવિભાગે કવાયત હાથ…

18 hours ago

PNBને ડિંગો બતાવનાર નીરવ મોદી વિદેશી બેંકોને કરોડો ચૂકવવા તૈયાર

નવી દિલ્હીઃ પંજાબ નેશનલ બેન્ક કૌભાંડનાં મુખ્ય આરોપી નીરવ મોદીની હજુ શોધખોળ જારી છે. નીરવ મોદી ભારતીય બેન્કોના કરોડો રૂપિયા…

19 hours ago

ગુજરાત સરકારનો મહત્વનો નિર્ણય, પ્રાથમિક શાળાઓમાં કન્યાઓને અપાશે માસિક ધર્મનું શિક્ષણ

ગાંધીનગરઃ રાજ્ય સરકાર દ્વારા એક મહત્વનો નિર્ણય લેવામાં આવ્યો છે. હવેથી પ્રાથમિક સ્કૂલોમાં માસિક ધર્મ અંગેનું માર્ગદર્શન આપવામાં આવશે. પ્રાથમિક…

19 hours ago