Categories: Ahmedabad Gujarat

ઇ-મેઇલ હેક કરીને ફેક્ટરી માલિકના ૩૮.૫૦ લાખ બારોબાર ટ્રાન્સફર કરવાનાં કૌભાંડમાં એકની ધરપકડ

અમદાવાદ: શહેરના કઠવાડા રોડ પર આવેલી બ્રહ્મા ઇન્ડસ્ટ્રીઝના માલિકે NEFT (નેશનલ ઇલેટ્રોનિક ફંડ ટ્રાન્સફર) દ્રારા મોકલેલા ૩૮.૫૦ લાખ રૂપિયા કોઇ અન્ય ખાતામાં જમા થઇ જવાના ચકચારી કિસ્સામાં પોલીસે બિહારથી અંજની પાંડે નામના યુવકની ધરપકડ કરી છે.

બ્રહ્મા ઇન્ડસ્ટ્રીઝના એકાઉન્ટટે ત્રણ કંપનીઓને ૩૮.૫૦ લાખ રુપિયા ટ્રાન્સફર કરવા માટે NEFTનું ફોર્મ ભરીને તમામ વિગતો દ્રારા મોકલવા માટે બેન્કને ઇ-મેઇલ કર્યા હતા. સાયબર એકસ્પર્ટે બ્રહ્મા ઇન્ડસ્ટ્રીઝનું ઇ-મેઇલ એકાઉન્ટ હેક કરીને બેન્કને મોકલેલ ડીટેઇલમાં ચેડાં કરીને અંજની પાંડેના ખાતામાં ૩૮.૫૦ લાખ રૂપિયા ટ્રાન્સફર કરાવી દીધા હતા. ઇ-મેઇલ એકાઉન્ટ હેક કરનાર માસ્ટરમાઇન્ડે અંજની પાંડેનું એકાઉન્ટ ભાડેથી લીધું હતું.

નિકોલ વિસ્તારમાં આવેલ શ્રીધર ફ્લોરામાં રહેતા ભરતભાઇ ભુરાભાઇ લુહારે નિકોલ પોલીસ સ્ટેશનમાં છેતરપિંડીની ફરિયાદ કરી હતી. ભરતભાઇ કઠવાડા વિસ્તારમાં આવેલ ઝવેરી ઇન્ડસ્ટ્રીયલ એસ્ટેટમાં બ્રહ્મા ઇન્ડસ્ટ્રીઝ નામની પ્લાસ્ટિક મોલ્ડ મેકિંગ બનાવવાની ફેક્ટરી ધરાવે છે. ભરતભાઇનું કરૂર વૈશ્ય બેન્કમાં ખાતું આવેલું છે. જેમાંથી તે ધંધા માટે નાણાકીય લેવડદવેડ કરે છે. ભરતભાઇને ૩૮.૫૦ લાખ રૂપિયા ધંધાર્થે ચુકવવાના હોવાથી તેમની એકાઉન્ટન્ટ મેધાબહેન પરિનભાઇ પટેલ (રહે વસ્ત્રાલ)ને જવાબદારી સોંપી હતી.

ઓ.આર.જી.એન્જિટેક પ્રાઇવેટ લિમિટેડને ૩.૫૦ લાખ રૂપિયા તેમજ નટરાજ ઇન્ડસ્ટ્રીઝને ૧૭.૮૧ લાખ તથા ઓમ એન્જિનિયરિંગને ૧૭.૧૮ લાખ રૂપિયા ચુકવવાના હતા. રૂપિયા ટ્રાન્સફર કરવા માટે મેધાબહેને તેમની ઓફિસમાં ઓનલાઇન બેન્કનાં ફોર્મમાં ત્રણેય કંપનીની બેન્ક ડીટેઇલ આઇએફસી કોડ સાથે ભરીને કરૂર વૈશ્ય બેન્કને ઇ-મેઇલ કરી દીધો હતો.

મેધાબહેને આ મામલે બેન્કના કર્મચારી મલ્લીભાઇને રૂપિયા ટ્રાન્સફર કરવા માટે ઇ-મેઇલ મળી ગયો છે કે નહીં તે મામલે પૂછ્યું હતું. મલ્લીભાઇએ મેઇલ મળ્યો નથી તેમ જણાવતાં મેધાબહેને ફરીથી ત્રણ ચાર વખત મેઇલ કર્યો હતો. જોકે મલ્લીભાઇને મેઇલ મળ્યો હતો નહીં. બીજા દિવસે સવારે મેધાબહેને મલ્લીભાઇને ફોન કરીને રૂપિયા ટ્રાન્સફર થયા છે કે નહીં તે મામલે પૂછ્યું હતું.

મલ્લીભાઇએ રૂપિયા ટ્રાન્સફર થઇ ગયા હોવાનું કહેતાં મેધાબહેન તેમના કામ ઉપર લાગ્યા હતાં. દરમિયાનમાં બપોરે તેમના મોબાઇલ પર રૂપિયા ટ્રાન્સફર થઇ ગયા હોવાનો એક એસએમએસ આવ્યો હતો. મેધાબહેને મોબાઇલમાં આવેલો મેસેજ વાંચતા જે કંપનીમાં રૂપિયા ટ્રાન્સફર કરવાના હતા તેની જગ્યાએ કોઇ અન્ય જગ્યાએ રૂપિયા ટ્રાન્સફર થઇ ગયા હતા. આ મામલે નિકોલ પોલીસે ભરતભાઇની ફરિયાદના આધારે ગુનો દાખલ કરીને તપાસ શરૂ છે.

આ મામલે નિકોલ પોલીસ સ્ટેશનના પોલીસ ઇન્સ્પેક્ટર એન.એન. પારધીએ જણાવ્યું છે કે ભરતભાઇના રૂપિયા બિહારના એક બેન્ક એકાઉન્ટમાં ટ્રાન્સફર થયા હતા. જેના આધારે બેન્ક એકાઉન્ટ ધરાવનાર અંજની નરદેશ્વર પાંડેની બિહારથી ધરપકડ કરી છે. ઇ-મેઇલ હેક કરીને રૂપિયા ટ્રાન્સફર કરનાર અંજની નહીં પરંતુ અન્ય કોઇ ગઠિયો છે. આ ગઠિયાએ અંજનીનાં બેન્કનું એકાઉન્ટ ભાડે લીધું હતું. જેમાં તે દર મહિને ૧૨ હજાર રૂપિયા આપતો હતો.

divyesh

Recent Posts

આજ કલ તેરે મેરે પ્યાર કે ચર્ચે હર જબાન પર

વાત ભલે શહેરમાં તેમના લંચની હોય કે સોશિયલ મીડિયા પર તેમની પોસ્ટની. આપણા બોલિવૂડ સ્ટાર્સ ક્યારેય ખૂલીને વાત કરતા નથી.…

21 hours ago

નવા બાપુનગરમાં ગેરકાયદે ચાલતા ડબ્બા ટ્રેડિંગનો પર્દાફાશઃ ત્રણ ઝડપાયા

અમદાવાદ: શહેરના નવા બાપુનગર વિસ્તારમાં આવેલા એક ફ્લેટમાં ગેરકાયદે ચાલી રહેલ ડબ્બા ટ્રે‌િડંગનો પર્દાફાશ ક્રાઇમ બ્રાંચે કરતાં ત્રણ લોકોની ધરપકડ…

21 hours ago

ધો.12ની પરીક્ષાનાં ફોર્મ ભરવાની છેલ્લી તારીખ, 21મીથી લેટ ફી ભરવી પડશે

અમદાવાદ: આગામી માર્ચ મહિનામાં લેવાનારી ધો.૧ર કોમર્સ, સાયન્સ અને સામાન્ય પ્રવાહની પરીક્ષા માટે હાલ વિદ્યાર્થીઓનાં આવેદનપત્રો ભરવાની કામગીરી ચાલી રહી…

21 hours ago

સાબરમતીના કિનારે બુદ્ધની 80 ફૂટની પ્રતિમાનું નિર્માણ કરશે

ગાંધીનગર:  દેશના સૌથી સ્ટેચ્યૂ ઓફ યુનિટીના રાજ્યમાં નિર્માણ થયા બાદ હવે અમદાવાદ શહેરની નજીક સાબરમતી નદીના કિનારે વિરાટ ૮૦ ફૂટની…

21 hours ago

ગાંધીનગર જતાં હવે હેલ્મેટ પહેરજો આજથી ઈ-મેમો આપવાનું શરૂ

અમદાવાદ: અમદાવાદથી ગાંધીનગર જતા હજારો નાગરિકોએ હવે આજથી ટ્રાફિકના નિયમોનું ચુસ્ત પાલન કરવું પડશે. ગાંધીનગરની હદમાં પ્રવેશતાં જ વાહનચાલક સીસીટીવી…

21 hours ago

મ્યુનિ. કોર્પોરેશનના લાભાર્થીના ઘૂંટણ- થાપાના રિપ્લેશમેન્ટની સહાયમાં ઘટાડો

અમદાવાદ: મ્યુનિસિપલ કોર્પોરેશન સંચાલિત હોસ્પિટલોમાં તંત્રના અધિકારીઓ, કર્મચારીઓ, પેન્શનરો, કોર્પોરેટરો અને તેમના આશ્રિતોની સારવાર દરમ્યાન અપાતી ઘૂંટણ અને થાપાની ઇમ્પ્લાન્ટ…

21 hours ago