NRI ક્વોટામાં હવે NRIનાં સંતાનોને જ પ્રવેશ

ગાંધીનગર: આજે વિધાનસભાગૃહમાં ખાનગી મેડિકલ કોલેજોના પ્રવેશ નિયમન અને ફી નિર્ધારણ અંગેનું બિલ બહુમતીથી પસાર કરાયું હતું. આ વિધેયક ગૃહમાં રજૂ કરતાં આરોગ્યપ્રધાન શંકરભાઇ ચૌધરીએ જણાવ્યું હતું કે એનઆરઆઇ બેઠકોને સંબંધ છે ત્યાં સુધી આ બેઠકનો પૂરો લાભ એનઆરઆઇ દ્વારા સંપૂર્ણપણે લેવાતો નથી. આવી મોટા ભાગની બેઠકો એનઆરઆઇના આશ્રિત હોય તેવા વિદ્યાર્થીઓથી જ ભરવામાં આવે છે.

આ હેતુ સંપૂર્ણપણે પાર પડતો નથી તેને ધ્યાનમાં રાખીને રાજ્યપાલ દ્વારા મેડિકલ કોલેજોમાં પ્રવેશ નિયમન અને ફી નિર્ધારણ બાબતનો વટહુકમ ર૦૧૬માં પ્રસ્થાપિત કરાયો હતો, જેને ગુજરાત હાઇકોર્ટમાં એસસીએ ૯૯૧પ અને અન્ય દ્વારા પડકારવામાં આવ્યો હતો. હાઇકોર્ટે એનઆરઆઇનાં સાચાં સંતાનો અને પાલ્યોને લાગુ પડતો હોય તેટલે સુધી
સદરહુ વટહુકમને રદ કરીને સ્પષ્ટ કર્યું હતું.

હાઇકોર્ટના ચુકાદાને ધ્યાનમાં રાખીને સરકારે એનઆરઆઇની બેઠકોને લગતી જોગવાઇ સાચા અને યોગ્ય એનઆરઆઇનાં સંતાનોને માટે ચાલુ રાખવાનો અને તેના આશ્રિતોને પ્રવેશ માટે વિચારણામાં નહીં લેવાનો નિર્ણય કર્યો છે તે મુજબ ‘બિનનિવાસી ભારતીયો માટેની બેઠકો’ શબ્દની વ્યાખ્યા યોગ્ય રીતે સુધારવાનું નક્કી કર્યું છે. તે મુજબ નિયમન સમિતિની સત્તામાં ફેરફાર કરવાની તક અપાઇ છે. તે મુજબ ત્રણ સળંગ શૈક્ષણિક વર્ષ માટે એક જ સમયે જુદી જુદી ફી નક્કી કરવાની તેમજ વિદ્યાર્થીને જેમાં પ્રવેશ અપાયો હોય તે વ્યાવસાયિક અભ્યાસક્રમના ગાળા દરમિયાનના દરેક વર્ષ માટે જુુદી જુદી ફી નક્કી કરવાની સત્તા મળે છે. આ બિલ પર ચર્ચા બાદ ઉપરોકત બિલ ગૃહમાં બહુમતીથી પસાર કરાયું હતું.

You might also like