Categories: India

પાક. પર બાહ્ય હુમલા બાદ હવે તેને અંદરથી ખોખલું કરવું પડશે

કાશ્મીરમાં છેલ્લા કેટલાયે દિવસોથી જે પરિસ્થિતિનું નિર્માણ થયું છે તેની પાછળનું મૂળ કારણ પાકિસ્તાન છે. આપણને શીતયુદ્ધ પરથી સબક મળ્યો છે કે દુશ્મન દેશોની આંતરિક હિલચાલને બહારની તાકાતથી સફળતાપૂર્વક પ્રાયોજીત કરી શકાય છે. આવી પશ્વિમી નીતિનું પરિણામ અે આવ્યું કે પરમાણુ શકિત સંપન્ન સોવિયેત સંઘ પણ તૂટી ગયું હતું ત્યારે હવે ભારતે પણ પાકિસ્તાનને અંદરથી જ તોડી પાડવાની કોશિશ કરવી જોઈઅે અને કાશ્મીરમાં ઉદાર વિચારસરણી ધરાવતા નેતાઓને મજબૂત બનાવવા આગળ વધવુ જોઈએ.

૧૩ સપ્ટેમ્બરે બકરી ઈદના દિવસે કાશ્મીરમાં મોટાભાગની મુખ્ય મસ્જિદો બંધ કરી દેવામાં આવી હતી. કાશ્મીર ખીણમાં છેલ્લાં બે માસથી જારી રહેલી હિંસામાં ૮૦ થી વધુ લોકોનાં મોત થયા છે અને અનેક લોકો ઘાયલ થયાં છે ત્યારે વર્તમાન સમયમાં રાષ્ટ્રો પર આંતરિક અને બાહ્ય સ્રોત્રોએ પેદા થયેલા વિચારોના કારણે હુમલા થઈ રહ્યા છે. આ સંદર્ભમાં બે ઉદાહરણ મોજૂદ છે. પહેલું યુરોપમાં આવેલા સિરીયાઈ શરણાર્થીઓએ સ્થાનિક સંસ્કૃતિઓ પર હુમલો કર્યો છે. તેઓ યુરોપીય દેશોમાં કાનૂનના તંત્રને પ્રભાવિત કરી રહ્યા છે. બીજું ભારતીય મીડિયામાં છેડાયેલી એક ચર્ચામાં પેલેટ ગનને ગોળી કરતાં પણ વધુ ઘાતક ગણાવવામાં આવી છે. જેના કારણે કાશ્મીરમાં શાંતિ પર સતત ખતરો ઝળુંબી રહ્યો છે. ભારતીયોની સમસ્યા એ છે કે તેઓ પાકિસ્તાની જેહાદી માનસિકતાથી સતત ઘેરાયેલા રહે છે.

૧૯૪૭માં ભારત અને પાકિસ્તાનના ભાગલા વખતે જ્મ્મુ-કાશ્મીર મહારાજા હરિસિંહ દ્વારા શાસિત એક સ્વાયત રાજ્ય હતું ત્યારે નવનિર્મિત પાકિસ્તાને ઓકટોબર ૧૯૪૭માં આ વિસ્તાર પર આક્રમણ કર્યુ હતુ. ત્યારે હરિસિંહ તેમનો સામનો કરી શક્યા ન હતા. અને તેમણે ભારતને સેનાની મદદ કરવા વિનવણી કરી હતી. ત્યારે આઝાદ ભારતના તત્કાલિન ગવર્નર જનરલ લોર્ડ માઉન્ટબેટને શરૂઆતમાં સેનાની મદદ કરવા ઈનકાર કરી દીધો હતો. જોકે હરિસિંહ દ્વારા તેમના રાજ્યને ભારતમાં સામેલ કરવા માટેના વિલયપત્ર પર હસ્તાક્ષર કરવામા આવ્યા બાદ ભારતીય સેના કાશ્મીર પહોંચી હતી. ત્યાં સુધીમાં તો પાકિસ્તાનીઓએ જેમાં પાકિસ્તાનના કબાલી વિસ્તારના જેહાદી પણ સામેલ હતા.તે લોકોએ કાશ્મીર પર હુમલો કરી દીધો હતો. જોકે સ્થાનિક કાશ્મીરીઓએ ભારતીય સેના સાથે મળીને પાકિસ્તાનનો સામનો કર્યો હતો.

ત્યારબાદ તત્કાલિન વડા પ્રધાન જવાહરલાલ નહેરુ ભારતીય સેનાની સલાહ વિરુદ્ધ કાશ્મીર મુદાને સંયુકત રાષ્ટ્ર સુરક્ષા પરિષદમાં લઈ ગયા હતા. જેણે ૨૧ અેપ્રિલ ૧૯૪૮ના રોજ આ સંબંધમાં પ્રસ્તાવ-૪૭ પસાર કરી દીધો હતો. પ્રસ્તાવ અનુસાર સૌથી પહેલા પાકિસ્તાનને જમ્મુ-કાશ્મીરમાથી તેમનાં તમામ સુરક્ષાદળોને પરત બોલાવવાનો હતો. બીજુ પગલું ભારતે ઉઠાવવાનું હતું. જે મુજબ તેણે ધીરેધીરે આ વિસ્તારમાંથી તેનાં તમામ સુરક્ષાદળોને ઓછાં કરવાનું હતું ભારતને આ કામ સંયુકત રાષ્ટ્ર દ્વારા પાકિસ્તાની સેના સંપૂર્ણપણે પરત ફરે તેની સાબિતી કર્યા બાદ કરવાનું હતું.

જ્યારે ત્રીજું પગલું જમ્મુ-કાશ્મીરમાં જનમત સંગ્રહ કરાવવાનું હતું કારણ ત્યારે કાશ્મીરીઓ દ્વારા પાકિસ્તાનને અેક હુમલાખોર દેશ તરીકે ગણવામાં આવ્યો હતો. તેથી તેણે જનમત સંગ્રહના વિચારને પસંદ કર્યો ન હતો. અને કાશ્મીરમાથી તેના સુરક્ષા કર્મચારીઓને બોલાવવા અંગેની શરત પૂરી કરી ન હતી. પરિણામે આ દિશામાં બીજું અને ત્રીજું પગલું યથાર્થ સાબિત થઈ ન શક્યું. તાજેતરમાં પાકિસ્તાન પર બહારથી હુમલો કરાયા બાદ હવે તેને આંતરરાષ્ટ્રીય સહાય પણ મળતી બંધ થઇ જાય તે માટેના પ્રયાસો ભારતે શરૂ કરીને તેને અંદરથી ખોખલું કરવાના પ્રયાસો કરવા પડશે. જેથી તે કયારેય ભારતને પરેશાન જ ન કરે.

Navin Sharma

Recent Posts

અહીં મળશે બેસ્ટ ક્વોલિટીવાળા જેકેટ એ પણ માત્ર રૂ.180માં, આ છે દુનિયાનું સૌથી સસ્તું માર્કેટ

હવે સમગ્ર દેશભરમાં ઠંડીની ઋતુ એવી શિયાળાની શરૂઆત થઇ ગઇ છે. ત્યારે ધીમે-ધીમે સવાર-સાંજનાં તાપમાનમાં પણ ઘટાડો થવા લાગ્યો છે.…

9 hours ago

PM મોદીએ વારાણસીને અર્પણ કરી કરોડોની ભેટ, કહ્યું,”દેશે જે સપનું જોયું તે સાકાર થયું”

પ્રધાનમંત્રી નરેન્દ્ર મોદી આજે વારાણસીની મુલાકાતે છે. ત્યારે પ્રધાનમંત્રી નરેન્દ્ર મોદીએ પોતાનાં સંસદીય ક્ષેત્રમાં 2413 કરોડ રૂપિયાની પરિયોજનાઓનું લોકાર્પણ-શિલાન્યાસ કર્યો.…

10 hours ago

આ છે એવાં શાનદાર કપલ ટેટૂ, જે બન્યાં છે એકબીજાનાં પ્રેમની નિશાની માટે

ન્યૂ દિલ્હીઃ "કપલ ટેટૂ" ખાસ તરીકે તેવાં લોકો માટે છે કે જે કાં તો કોઇ રિલેશનશિપમાં હોય અથવા તો પૂરી…

11 hours ago

અરે આ શું! જાડેજાનો મેન ઓફ ધ મેચ પુરસ્કાર મળી આવ્યો કચરામાંથી!

ક્રિકેટ મેચ નિહાળતી વખતે તમે જોયું હશે કે મેચ પૂરી થયા બાદ જ્યારે પણ કોઈ ખેલાડીને કોઈ પુરસ્કાર આપવામાં આવે…

12 hours ago

રિવરફ્રન્ટનાં પૂર્વ છેડા પરનાં દધિચી બ્રિજની નીચે બનાવાશે ફૂડ કોર્ટ

અમદાવાદઃ મ્યુનિસિપલ સત્તાવાળાઓ દ્વારા કરોડો રૂપિયાના ખર્ચે સાબરમતી રિવરફ્રન્ટને નયનરમ્ય બનાવાયા બાદ સહેલાઈઓ માટે એક પછી એક નવી સુવિધાઓ ઉભી…

12 hours ago

રૂ.1.50 લાખમાં મકાન વેચાણ નહીં આપતાં પાડોશીએ આધેડનું ઢીમ ઢાળ્યું

વડોદરાઃ આજવા રોડ પર આવેલ એકતાનગરમાં મકાન વેચાણમાં લેવાના મામલે એક આધેડને પાઇપના ફટકા મારીને મોતને ઘાટ ઉતારી દેતાં સમગ્ર…

12 hours ago