OMG! હવે માત્ર આઠ મિનિટમાં ચાર્જ થઈને 200 KM ચાલશે કાર

નવી દિલ્હી: ઊર્જા ક્ષેત્ર સાથે જોડાયેલી કંપની એબીબીએ ગ્લોબલ મોબિલિટી સમિટ દરમિયાન ગઇ કાલે ઝડપથી કાર ચાર્જ કરતી સિસ્ટમ રજૂ કરી. તે કારની બેટરીને માત્ર આઠ મિનિટમાં જ ચાર્જ કરી શકે છે, જે ર૦૦ કિમી સુધી ચાલી શકે છે.

સરકારે આ પ્રકારનાં વાહનોને પ્રોત્સાહન આપવા માટે મોટા પ્રમાણમાં કામ કરવું જોઇએ. તેનાથી પેટ્રોલનો વપરાશ ઘટશે અને પર્યાવરણ માટે પણ લાભદાયી પુરવાર થશે. એબીબીએ એક નિવેદનમાં જણાવ્યું કે દેશમાં પહેલી વાર એબીબીએ ટેરા એચપી ફાસ્ટ ચાર્જિંગ સિસ્ટમ રજૂ કરી છે. આ સિસ્ટમ આઠ મિનિટમાં જ કાર ચાર્જ કરી શકે છે, જેના કારણે કાર ર૦૦ કિમી સુધી ચાલશે. તે હાઇવેની સાઇડમાં અને પેટ્રોલ પંપ પર લગાવવા માટે યોગ્ય છે.

અહીં ચાર્જિંગમાં લાગતો સમય ઓછો કરવા માટે વધુ વીજળીની જરૂર પડશે. એબીબીના સીઇઓ ઉલરીચ સ્પિસશોફર મૂૂવ ગ્લોબલ મોબિલિટી સમિટ દરમિયાન ત્યાં હાજર હતા.

સંમેલન દરમિયાન ત્યાં તેમણે ઉલરીચની ઇલેક્ટ્રિક કાર સાથે જોડાયેલી ભારત સરકારની મહત્ત્વાકાંક્ષી યોજના અને લક્ષ્યની પ્રશંસા કરી.

ઉલ્લેખનીય છે કે ભારત સરકારે ર૦૩૦ સુધી પોતાનાં કુલ વાહનોમાં લગભગ એક તૃતીયાંશ ઇલેક્ટ્રિક વાહન સામેલ કરવાનું લક્ષ્ય રાખ્યું છે. વાયુ પ્રદૂષણને ઘટાડવા અને પેટ્રોલ-ડીઝલ પર નિર્ભરતા ઘટાડવાના હેતુથી મોદી સરકારે ર૦૩૦ સુધી વીજળીથી ચાલતાં વાહનોની સંખ્યા વધારીને ૩૦ ટકાથી વધુ કરવાનું લક્ષ્ય રાખ્યું છે.

You might also like