VIDEO: અમદાવાદમાં હવેથી સ્કૂલમાં જ થશે હેર કટિંગ, વિદ્યાર્થીઓને નિ:શુલ્ક મળશે સેવા

અમદાવાદ મ્યુનિસિપલ કોર્પોરેશનની સ્કૂલનાં વિદ્યાર્થીઓનાં હવેથી સ્કૂલમાં જ હેર કટિંગ કરાવી શકશે. AMC સ્કૂલ બોર્ડ અને ઈન્ટરનેશનલ હેર કટ એકેડમી વચ્ચે કરાર કરવામાં આવ્યો છે. હાલમાં શહેરની 51 શાળાઓમાં પ્રાયોગિક પ્રોજેક્ટ હાથ ધરવામાં આવશે. જેમાં વિદ્યાર્થી-વિદ્યાર્થિનીઓ સ્વૈચ્છિક રીતે હેર કટ કરાવી શકશે. હેર કટ એકેડમીનાં વોલિયન્ટર્સ સ્કૂલ પર જઈને જ હેર કટ કરશે. આ સેવા શાળાનાં વિદ્યાર્થીઓને નિઃશુલ્ક રીતે આપવામાં આવશે.

ઉલ્લેખનિય છે કે અમદાવાદ કોર્પોરેશન સંચાલિત સ્કૂલ બોર્ડ દ્વારા મહત્વનો નિર્ણય લેવામાં આવ્યો છે. જેમાં હવેથી શાળામાં જ બાળકોનાં વાળ કપાવવાનો પ્રોજેક્ટ હાથ ધરવામાં આવશે. મહત્વનું છે કે વાળ કાપવાનાં આ કામને લઇને AMC સ્કૂલ બોર્ડ અને ઈન્ટરનેશનલ હેર કટ એકેડમી વચ્ચે કરાર કરવામાં આવ્યો છે. સમગ્ર દેશમાં પ્રથમ અમદાવાદ શહેરમાંથી આની શરૂઆત કરાશે.

આનો ફાયદો સ્કૂલ બોર્ડની શાળાઓમાં ભણતા 1 લાખ 24 હજાર વિદ્યાર્થીઓને સીધી રીતે જ થશે. વિદ્યાર્થીઓ પોતાની મનગમતી હેર સ્ટાઇલ પણ કરાવી શકશે. જેનાં માટે પૂનાની એક એજન્સી રાખવામાં આવી છે. જો કે આને માટે સ્કૂલ બોર્ડ હેર કટિંગ પાછળ 1 રૂપિયાનો પણ ખર્ચ નહીં કરે.

You might also like