નિર્જલા એકાદશી

જેઠ મહિનાની અંદર આવતી અજવાળી અગિયારશને ભીમ અગિયારશ કહેવામાં આવે છે. આ દિવસે ભગવાન વિષ્ણુની પૂજા કરવાથી લાભ મળે છે. ભગવાનને નૈવેધમાં કેરી ધરાવવી અને તેનો પ્રસાદ જમવો. આ અગિયારશને નિર્જલા એકાદશી પણ કહેવામાં આવે છે.

પૂર્વે પાંચ પાંડવમાંથી ભીમસેને આ એકાદશીનું વ્રત કરેલું. ભીમને એમ કહેવાયું કે તમારા તમામ સંકટ દૂર કરવા માટે ભગવાન વિષ્ણુની પૂજા કરી પ્રાર્થના કરો. આ દિવસે આમ્રફળ (આંબામાંથી ઉત્પન્ન થતું ફળ) ભગવાન વિષ્ણુને ધરવું.વિષ્ણુસ્રનો પાઠ કરવો અને બાર અક્ષરનો મંત્ર ‘‘દ્વાદશ અક્ષર મંત્ર ૐ નમો ભગવતે વાસુદેવાય” આ મૂળ મંત્રનો પાઠ કરવો એવુ ભગવાન શ્રી કૃષ્ણએ ભીમને કહેલું ત્યાર બાદ ભીમ નદીમાં સ્નાન કરવા ગયા અને સ્નાન કરતાં ભગવાન વિષ્ણુની આરાધના કરવામાં એવા તો તલ્લીન બન્યા કે આહાર કરવાનું પણ ભૂલી ગયા. પાણી પણ ન પીવાથી આ એકાદશીને નિર્જલા એકાદશી એટલે ભીમ અગિયારશ કહેવામાં આવે છે.

આ અગિયારશના પૂર્ણ સ્વરૂપે પાંડવોને હસ્તીનાપુરનું રાજય સુરક્ષિત ભગવાન શ્રીકૃષ્ણના આશીર્વાદથી મળેલું આ ભીમ અગિયારશના સમયે હજુ પણ આપણા પ્રાંતમાં બહેન કે દીકરી સાસરે હોય તેને માવતર ભીમ અગિયારશ કરવા તેડી લાવે છે. આ પ્રમાણે આ એકાદશીનું મહત્વ તમામ સંપ્રદાયમાં માનીતું છે. તેમાં જૈન સમાજ આ દિવસ પછી કેરી ખાવાનું બંધ કરે છે.

પદ્મપુરાણ મુજબ નિર્જલા એકાદશી વ્રતના પ્રભાવથી જ્યાં મનુષ્યની બધી મનોકામનાઓ પૂર્ણ થાય છે તો બીજી બાજુ અનેક રોગોની નિવૃત્તિ અને સુખ સૌભાગ્યમાં વૃદ્ધિ થાય છે. આ વ્રતના પ્રભાવથી ચતુર્દશીયુક્ત અમાવસ્યાના રોજ સૂર્યગ્રહણના સમયે શ્રાદ્ધ કરીને મનુષ્ય જે ફળને પ્રાપ્ત કરે છે તે ફળ આ વ્રતની મહિમા સાંભળીને મનુષ્ય મેળવી લે છે. કરોડો ગૌ દાન કરવાનું અને સેંકડો અશ્વમેઘ યજ્ઞ કરવા સમાન આ વ્રતનું પુણ્ય ફળ છે. વિવિધ પ્રકારનાં અન્ન અને વસ્ત્રોથી બ્રાહ્મણોને પ્રસન્ન અને સંતુષ્ટ કરનારા પ્રાણીઓ માટે આ વ્રત કોઈ રામબાણથી ઓછું નથી. કારણ કે વ્રતના પ્રભાવથી મનુષ્યની વીતેલી અને આવનારી 100 પેઢીઓને ભગવાન વાસુદેવના પરમ ધામની પ્રાપ્તિ થાય છે. વ્રત મૂકવાની સાથે સાથે દાનનો પણ અત્યાધિક મહત્વ છે.

રાશિ મુજબ કરો દાન
મેષ – સાત અનાજ દાન કરો.
વૃષભ – સફેદ વસ્ત્ર દાન કરો.
મિથુન – લીલા રંગના ફળ, કેરી, શક્કરટેટી દાન કરો
કર્ક – જળની વ્યવસ્થા, વોટર કૂલર, પંખા, કૂલરનું દાન કરો
સિંહ – એર કંડિશનર કે ધર્મ સ્થાનો પર વિદ્યુત ઉપકરણ, જીવનમાં સુખ-સમૃદ્ધિ અને વૃદ્ધિ લાવશે
કન્યા – અનાથાલાય કે લંગરમાં લીલી શાકભાજી અને શક્કરટેટીનું દાન કરો
વૃશ્ચિક – ભગવાન વિષ્ણુનું સ્મરણ અને તરબૂચ
ધનુ – પીળું ઠંડું કેસરવાળું દૂધ
મકર – છત્રી, જળપાત્ર, કળશ, છાયાદાર વૃક્ષારોપણનું નિર્માણ કરી શકો છો.
કુંભ – જળથી ભરેલુ કુંભ, કૂલર, ફ્રીજ, વોટર કૂલર
મીન – ઓમ નમો ભગવતે વાસુદેવાય નમ: નો પાઠ અને ‘સર્વ ભૂત હિતે રતા:’ ની ભાવનાથી સાર્વજનિક સ્થાન પર પીપળના
ઝાડ લગાવવું તમને નીરોગી કાયા આપશે અને અન્યને છાયા આપશે.•

http://sambhaavnews.com/

You might also like