Categories: Entertainment

ખાસ વાતચીત: બોર્ડના નિર્ણયો રાજકીય પાર્ટીની ખુશામતભર્યા

એર હોસ્ટેસની સાહસિક વાર્તા આધારિત ફિલ્મ ‘નીરજા’માં નીરજાની માતા રમા ભનોટની ભૂમિકા ભજવનાર બોલિવૂડની પીઢ અભિનેત્રી શબાના આઝમી સાથે ફિલ્મ સંદર્ભે ખાસ વાતચીત…

‘નીરજા’ની કહાની અંગે તમારી પ્રથમ પ્રતિક્રિયા શું હતી?
આ કહાની સાંભળતાં જ હું ચોંકી ગઈ હતી. હકીકતમાં મને આ ફિલ્મ ઓફર થઈ તેના એક વર્ષ પહેલાં જ હું નીરજા ભનોટની સ્મૃતિમાં અપાતાં ઍવોર્ડમાં ચીફ ગેસ્ટ તરીકે ગઈ હતી જ્યાં મારી મુલાકાત નીરજાની માતા રમા ભનોટ સાથે થઈ હતી. બાદમાં ફિલ્મમાં રમા ભનોટની ભૂમિકા માટે મને ઑફર કરવામાં આવી ત્યારે હું આશ્ચર્ય પામી હતી.

‘નીરજા’ની કહાની લોકો સુધી પહોંચે તેમ ઈચ્છતાં હતાં ?
આ ફિલ્મની વાર્તા મને ખૂબ જ પસંદ આવી છે. હું માનું છું કે રિઅલ ઈન્ડિયન્સને અને ખાસ કરીને યુવતીઓને લઈને ફિલ્મ બનાવીએ તો ખૂબ જ પોઝિટિવ ઈમોશન્સ આવે છે. આજે સમાજમાં યુવતીઓ પ્રત્યે નેગેટિવ ઇમેજ છે એટલે આવી ફિલ્મોની જરૂર છે. નીરજા એક સામાન્ય યુવતી હતી જેણે અસાધારણ પરિસ્થિતિમાં બહાદુરીભર્યું કામ કર્યું હતું.

ફિલ્મના ટ્રેલરને કેવો રિસ્પોન્સ મળ્યો છે?
ખૂબ જ સારો, કારણ કે ટ્રેલરમાં ફિલ્મનુું મુખ્ય દૃશ્ય બતાવાયું છે. આ માત્ર એક એક્શન થ્રિલર જ નહીં પરંતુ ઈમોશનલ કહાની છે તેથી જ આટલો સારો રિસ્પોન્સ મળ્યો છે.

નીરજાની માતાની ભૂમિકા માટે ખાસ તૈયારી કરી હતી?
નીરજાની માતાએ તેને સ્વરક્ષણ કરવાનું શિખવ્યું હતું, આમ છતાં નીરજાએ બહાદુરીભર્યું પગલું ભર્યું. ફિલ્મમાં માતાની ભૂમિકા સામાન્ય છે, પોતાની દીકરીએ કરેલા સાહસપૂર્ણ કાર્યની જાણ થાય છે ત્યારે તેની બદલાતી લાગણીઓ રજૂ કરવી મુશ્કેલ છે. સ્ક્રીનપ્લે યોગ્ય રીતે લખાયો હોવાથી આ રોલ નિભાવવાની મજા આવી.

તમારા જીવનમાં કોણ પ્રેરણાદાયક છે?
મારી પરવરીશ. મારા પિતા કૈફી આઝમી કમ્યુનિસ્ટ હતા અને મારી ૯ વર્ષની ઉંમર સુધી અમે ૯ કુટુંબના સંયુક્ત પરિવારમાં રહેતાં હતાં. જોકે ત્યાં મહિલાઓને બરાબરીનો હક હતો. મારી માતા શૌકત શૂટિંગ માટે જાય ત્યારે મારા પિતાજી અમને તૈયાર કરતાં અને વાળ પણ ઓળતા. આમ, અમારા પરિવારમાં મહિલાઓને આઝાદી હતી. ૭૦ વર્ષ પહેલાં જ્યારે લોકો મહિલાઓને ઘર અને રસોડું સંભાળનાર ગણાવતાં ત્યારે કૈફી સાહેબે ‘ઔરત’ અને ‘ઉઠ, મેરી જાન મેરે સાથ હી ચલના હૈ તૂઝે’ નઝમ લખી હતી. હાલ પણ અમારે ત્યાં આ પ્રકારનું જ વાતાવરણ છે.

માતા-પિતામાંથી વધુ કોની નજીક હતાં?
મારો મારી માતા સાથે એક અસાધારણ સંબંધ હતો. મારા અને મારા પિતાના જીવનમાં મારી માતાની ભૂમિકા મહત્ત્વની હતી. તેનું સમગ્ર જીવન વર્કિંગવુમન તરીકે વિત્યું હોવા છતાં તે એક મહાન મા અને પત્ની રહી છે. મારી માતા મારા માટે આદર્શ છે. તેણે ઘણાં લોકોને પ્રોત્સાહિત કર્યા છે.

સૌ પ્રથમ શૂટિંગ વખતની કોઈ પળ યાદ છે?
ફિલ્મ ઈન્સ્ટિટ્યૂટમાંથી પ્રથમ વાર શૂટિંગ માટે દિલ્હી જઈ રહ્યાં હતાં ત્યારે મારો ભાઈ બાબા પણ મારી સાથે આવેલો. તે સમયે દિલ્હીની લકઝુરિયસ હોટેલમાં અમે રોકાયાં હતાં. પ્રખ્યાત હોટલના એક મોટા શ્યૂટમાં ઉતારાથી અમે અભિભૂત થઈ ગયા હતા. ત્યારે આવી નાની બાબત પણ અમારા માટે ખૂબ જ મોટી હતી અને આનંદદાયી હતી.

‘નીરજા’ ભય પર જીતની કહાની છે. તમને કઈ બાબતનો ડર લાગે છે?
મને મૃત્યુથી ડર નથી લાગતો. આપણી આસપાસનાં લોકો સલામત રહે તેમ હું ઈચ્છું છું. પરિવારની હૂંફ અને માતાનો ખોળો મારા માટે સૌથી વધુ સુરક્ષિત જગ્યા છે.

તમારા જીવન પર આધારિત ફિલ્મ બને તેમ ઈચ્છો છો?
ફિલ્મ ચાલશે કે નહીં તે અલગ બાબત છે, પરંતુ રિઅલ ઘટના આધારિત વાર્તા લોકોને ખૂબ પસંદ પડે છે. મને લાગે છે કે મારા પિતાના જીવન પર ફિલ્મ બનવી જોઈએ. મારા જીવનમાં પણ એટલી ઘટનાઓ ઘટી છે કે તેના આધારે એક સારી ફિલ્મ ચોક્કસ બની શકે. જોકે જીવનમાં હજુ ઘણું કરવાનું બાકી છે અને ફિલ્મમાં કોઈ ખોટી વસ્તુ રજૂ કરે તો તકલીફ અનુભવાય છે.

આટલાં વર્ષોમાં ઈન્ડસ્ટ્રીઝમાં કયો બદલાવ જોયો છે?
આજે એક્ટ્રેસ માટે ફિલ્મનો માહોલ ખૂબ જ સારો છે. પહેલાં પ્રિ-પ્રોડક્શન નામની કોઈ વસ્તુ જ નહોતી એટલે ફિલ્મ બન્યા બાદ બે વર્ષ સુધી તેનું એડીટિંગ ચાલતું. તેથી એક જ વર્ષમાં ૧ર ફિલ્મોમાં કામ કરવું પડતુ્ં. આજની જનરેશન એક સમયે એક જ ફિલ્મમાં કામ કરે છે જે સૌથી સારી બાબત છે. પહેલાં ૩૦ વર્ષની ઉંમરે એક્ટ્રેસની કારકિર્દી સમાપ્ત થઈ જતી અને પછી આધેડ વયનાં પાત્રો ભજવવાં પડતાં. આજે મેઈનસ્ટ્રીમ ફિલ્મોની સાથે કમર્શિયલ ફિલ્મોમાં અનેક રોલ મળી રહ્યાં છે. આજના સિનેમાનો માહોલ જુદો છે.

છેલ્લે, સેન્સર બૉર્ડ અંગે સમયાંતરે વિવાદ ઊઠી રહ્યો છે. શું કહેવું છે?
તે બૉર્ડ ઓફ સર્ટિફિકેશન છે, સેન્સર નહીં. તેનું કામ સર્ટિફિકેશન કરવાનું છે. પરંતુ બ્રિટિશ જમાનાની પદ્ધતિ ચલાવાઈ રહી છે. બૉર્ડમાં ચૂંટાતા લોકો ઈન્ડિપેન્ડન્ટ હોવા જોઈએ, પરંતુ રાજકીય દખલને કારણે એવું થતું નથી. રાજકીય પાર્ટીને ખુશ કરવાના નિર્ણયો લેવાય છે. અમેરિકામાં સેલ્ફ રેગ્યુલેટરી સિસ્ટમ છે જેમાં માત્ર ફિલ્મના લોકો જ હોય છે. તમામ નિર્ણયો તેમની પર છોડાય છે. ભારતમાં પણ સેલ્ફ રેગ્યુલેટરી સિસ્ટમ હોવી જોઈએ. કંઈક રસ્તો ચોક્કસ નીકળશે તેવી આશા છે.

હીના કુમાવત

admin

Recent Posts

ક્રૂડ ઓઈલ 11 મહિનાની નીચી સપાટીએઃ 6.5 ટકાનો જંગી ઘટાડો

વોશિંગ્ટન: વૈશ્વિક બજારમાં બ્રેન્ટ ક્રૂડનો ભાવ ૧૧ મહિનાની સૌથી નીચી સપાટીએ આવી ગયો છે. ગ્લોબલ આર્થિક મંદી અને સપ્લાય વધવાની…

3 hours ago

CBI વિવાદમાં NSA અ‌જિત ડોભાલનો ફોન ટેપ થયાની આશંકા

નવી દિલ્હી: સીબીઆઇના આંતરિક ગજગ્રાહ વચ્ચે એક ચોંકાવનારી હકીકત બહાર આવી છે. સરકારને એવી આશંકા છે કે કેટલાય સંવેદનશીલ નંબરો…

3 hours ago

મેઘાણીનગરના કેટરરના દસ વર્ષના અપહૃત બાળકનો હેમખેમ છુટકારો

અમદાવાદ: મેઘાણીનગર વિસ્તારના ભાર્ગવ રોડ પરથી ગઇ કાલે મોડી રાતે એક દસ વર્ષના બાળકનું અપહરણ થતાં ચકચાર મચી ગઇ હતી.…

3 hours ago

સાયન્સ સિટીમાં દેશની પહેલી રોબોટિક ગેલેરી ખુલ્લી મુકાશે

અમદાવાદ: આપણે અત્યાર સુધી રોબોટની સ્ટોરી ફિલ્મો જોઈ હશે પણ આવી કાલ્પનિક કથા વાસ્તલવિક રૂપમાં હવે અમદાવાદ અને દેશમાં પહેલી…

3 hours ago

મ્યુનિસિપલ કોર્પોરેશનમાં બાવીસ વર્ષ પછી ક્લાર્ક કક્ષાએ બઢતી અપાઈ

અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા ગઈ કાલે બાવીસ વર્ષ બાદ કલાર્ક કક્ષાના કર્મચારીઓને સિનિયોરિટીના આધારે બઢતી અપાતાં કર્મચારીઓમાં ભારે આનંદની…

3 hours ago

Ahmedabadમાંથી વધુ એક કોલ સેન્ટર પકડાયુંઃ રૂ.84 લાખ જપ્ત

અમદાવાદ: ગેરકાયદે ચાલતા કોલ સેન્ટરમાં પોલીસની ધોંસ વધતાં હવે લોકો તેમના ઘરમાં નાના નાના પાયે કોલ સેન્ટર ચલાવી રહ્યા છે.…

3 hours ago