નિર્ભયા કેસના અપરાધીઓની રિવ્યૂ પિટિશન સુપ્રીમે ફગાવી

નવી દિલ્હી: ૧૬ ડિસેમ્બર, ર૦૧રના રોજ સમગ્ર દેશને હચમચાવી નાખનાર નિર્ભયા ગેંગ રેપ કેસમાં સુપ્રીમ કોર્ટ આજે અપરાધીઓની રિવ્યૂ પિટિશન પર પોતાનો ચુકાદો આપ્યો છે. જેમાં અપરાધીઓની રિવ્યુ પિટિશનની અરજી નામંજૂર કરી છે ફાંસીની સજા યથાવત રાખી છે.

અત્રે ઉલ્લેખનીય છે કે તા.પ-ર-ર૦૧૭ના રોજ સુનાવણી દરમિયાન સુપ્રીમ કોર્ટના મુખ્ય ન્યાયમૂર્તિ દીપક મિશ્રાના વડપણ હેઠળની બેન્ચે ચાર અપરાધીઓની મોતની સજાને યથાવત્ રાખી હતી. ત્યારબાદ અપરાધીઓએ સુપ્રીમ કોર્ટમાં રિવ્યૂ પિટિશન દાખલ કરી હતી.

મુખ્ય ન્યાયમૂર્તિ દીપક મિશ્રા, ન્યાયમૂર્તિ આર. ભાનુમતી અને ન્યાયમૂર્તિ અશોક ભૂષણની બેન્ચ આજે ચાર અપરાધીઓ મૂકેશસિંહ, વિનય શર્મા, પવન ગુપ્તા અને અક્ષય ઠાકુરની રિવ્યૂ પિટિશન પર ચુકાદો સંભળાવ્યો હતો . આ ચાર અપરાધીઓ પૈકી મૂકેશ, પવન અને વિનયની રિવ્યૂ પિટિશન પર દલીલો સમાપ્ત થઇ ચૂકી છે, પરંતુ અક્ષય તરફથી દાખલ કરવામાં આવેલ રિવ્યૂ પિટિશન પર હજુ દલીલો થઇ શકી નથી, કારણ કે આ અરજી પાછળથી દાખલ કરવામાં આવી હતી. ત્રણ અપરાધીઓની રિવ્યૂ પિટિશન પર સુપ્રીમ કોર્ટની બેન્ચે પોતાનો ચુકાદો અનામત રાખ્યો હતો અને આજે પોતાનો ચુકાદો આપ્યો છે.

આ કેસના તમામ છ આરોપીઓ વિરુદ્ધ બળાત્કાર, અપહરણ અને હત્યાના કેસ દાખલ થયા હતા. ફાસ્ટટ્રેક કોર્ટમાં તેનો ખટલો ચાલ્યો હતો અને ૧૩ ‌ડિસેમ્બર, ર૦૧૩ના રોજ ચાર અપરાધીઓને ફાંસીની સજા સંભળાવવામાં આવી હતી. સગીર આરોપીને ત્રણ વર્ષની મહત્તમ સજા સાથે સુધાર કેન્દ્રમાં મોકલી આપવામાં આવ્યો હતો.

જ્યારે એક આરોપી રામસિંહે તા.૧૧ માર્ચ, ર૦૧૩ના રોજ તિહાર જેલમાં આત્મહત્યા કરી લીધી હતી. તા. ૧૩ માર્ચ, ર૦૧૪ના રોજ દિલ્હી હાઇકોર્ટે ફાંસીની સજા પર મંજૂરીની મહોર મારી હતી. ત્યાર બાદ તા.પ માર્ચ, ર૦૧૭ના રોજ સુપ્રીમ કોર્ટે અપરાધીઓની ફાંસીની સજા જાહેર કરી હતી. અપરાધીઓ દ્વારા દાખલ કરવામાં આવેલ રિવ્યૂ પિટિશન પર સુપ્રીમ કોર્ટ આજે પોતાનો ચુકાદો જાહેર કરશે.

અત્રે ઉલ્લેખનીય છે કે નિર્ભયા સાથે દ‌ક્ષિણ દિલ્હી તા.૧૬ ડિસેમ્બર, ર૦૧રની રાત્રીએ ચાલુ બસમાં છ નરાધમોએ સામૂહિક બળાત્કાર કર્યો હતો અને ત્યાર બાદ આ નરાધમોએ નિર્ભયાને ગંભીર ઇજાઓ પહોંચાડીને રસ્તા પર ફેંકી દીધી હતી.

divyesh

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

1 day ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

1 day ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

1 day ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

1 day ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

1 day ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

1 day ago