Categories: Gujarat

નાઈન કિડ્સના સંચાલકોનું જક્કી વલણઃ વાલીઅોને મળવા ઇન્કાર

અમદાવાદઃ સીબીએસઇની માન્યતા તથા ફી વધારાના મુદ્દે બાંય ચઢાવી રહેલા એચબી કાપડિયા સ્કૂલ સંચાલિત મેમનગરની નાઈન કિડ્ઝ સ્કૂલના વાલીઓ સ્કૂલ પરિસરમાં એકત્રિત થયા હતા પરંતુ સ્કૂલના સંચાલકોએ વાલીઓ સાથે મિટિંગ કરવાની ના પાડી દીધી હતી.

આ અંગે વાલીઓનો આક્ષેપ હતો કે, સ્કૂલમાંના ટ્રસ્ટીએ તારીખ 27ફેબ્રુઆરી સાંજે મુલાકાત કરવાનું કીધું પરંતુ ગઈ કાલે જાણવામાં આવ્યું કે સ્કૂલમાં કોઈ મિટિંગ કરવામાં આવશે નહિ અને સ્કૂલ ટ્રસ્ટીએ ઘાટલોડિયા પોલીસ સ્ટેશનમાં અરજી કરી છે કે સ્કૂલ કેમ્પસમાં કોઈ વાલીઓ સાથે મિટિંગ કરવી નથી.

નાઈન કિડ્ઝના બાળકોએ જુનિયર કે.જી.માં પ્રવેશ લીધો ત્યારે ધોરણ-૧થી સીબીએસઇ બોર્ડ લાગશે તેમ કહી ઊંચી ફી વસૂલી હતી અને હવે જ્યારે વિદ્યાર્થીઓ ધોરણ-૧માં આવવાના છે ત્યારે સીબીએસઇ બોર્ડના બદલે ગુજરાત બોર્ડમાં પ્રવેશ આપવાનું કહેવામાં આવી રહ્યું છે.ઉપરાંત ધોરણ-૧ની ફી રૂ. ૫૦ હજાર જેટલી રાખવામાં આવી હોઈ વાલીઓએ આ ફી વધારાનો પણ વિરોધ કર્યો હતો. આ મુદ્દે વાલીઓના હોબાળા બાદ સ્કૂલ સંચાલકોએ બે દિવસનો સમય માગ્યો છે ત્યાર બાદ વાલીઓ સાથે બેઠક કરી પ્રશ્નનો નિરાકરણ લાવવાનો પ્રયાસ કરવામાં આવશે.

અમદાવાદની એચબી કાપડિયા મેમનગર સ્કૂલના સંચાલકો દ્વારા સીબીએસસી માન્યતા ન હોવા છતાં પણ સીબીએસસી પ્રમાણે ફી લેવામાં આવી રહી છે. આ ફીનું ધોરણ ચાલીસ હજારથી લઈને બે લાખ સુધીનું છે. આ સ્કૂલમાં નર્સરી, કે.જી અને સિનિયર કે.જીની ફીમાં વારંવાર દસ ટકાથી પણ વધુ ફી વધારો કરવામાં આવી રહ્યો છે તેવો પણ આક્ષેપ આજે વાલી મંડળે લગાવ્યો હતો. વધારાની ફી પરત કરવામાં નહીં અાવે તો ઉગ્ર અાંદોલનની પણ વાલીઅોઅે ચીમકી ઉચ્ચારી હતી.

છેલ્લાં કેટલા દિવસથી લડત ચલાવતાં વાલીઅો શું કહે છે
સ્કૂલમાં ટ્રસ્ટી અને પ્રિન્સિપાલને ત્રણ-ત્રણ વાર રજૂઆત કરવા ગયા હતા પણ અમોને તેઓએ યોગ્ય જવાબ કયારેય આપ્યો નથી. ટ્રસ્ટીએ કહી દીધું હતું કે ર૭ તારીખે આવજો ત્યારે નિરાકરણ લાવી દઇશું, પરંતુ હજુ સુધી કોઇ નિરાકરણ આવ્યું નથી.
– દેવાંગ પટેલ, મેમનગર
સ્કૂલમાં જે પ્રમાણે સીબીએસઇ બોર્ડ થયેલ નથી. તેમ છતાં એડમિશન લઇને ચિંટીગ કરેલ છે અને સીબીએસઇ માન્ય નથી તેમ છતાં સ્કૂલ સીબીએસઇ પ્રમાણે ચલાવાઇ રહી છે જે ખોટું છે. સ્કૂલમાં ૯૦ ટકા શિક્ષક કવોલિફાઇડ નથી અને ઊંચી ફી ઉઘરાવીને વાલીઓ સાથે છેતરપિંડી કરાઇ છે.
– કિશનભાઇ પરમાર, મેમનગર
સ્કૂલના ટ્રસ્ટીઓને અમે રજૂઆત કરીને જણાવ્યું હતું કે સ્કૂલ સીબીએસઇ માન્ય છે કે નહીં તે જણાવો? જો માન્ય હોય તો સરકારનો લેટર બતાવો, પરંતુ યોગ્ય જવાબ સ્કૂલ તરફથી અપાતો નથી. આ સ્કૂલ બાળકોના ભવિષ્ય સાથે ચેડાં કરી રહી છે.
– મોન્ટી દેસાઇ, ઘાટલોડિયા

http://sambhaavnews.com/

divyesh

Recent Posts

સુરતઃ ગણેશ વિસર્જન દરમ્યાન ચાલુ બોટે મૂર્તિએ ખાધી પલ્ટી, બોટસવારો કુદ્યાં નદીમાં

સુરતઃ શહેરમાં ગણેશ વિસર્જન દરમ્યાન બોટમાં રાખેલી ગણપતિની એક વિશાળ મૂર્તિ અચાનક ઢળી પડી હતી. મગદલ્લા ઓવારા પર વિસર્જન દરમ્યાન…

8 hours ago

IT રિટર્ન ભરવાની તારીખમાં કરાયો વધારો, 15 ઓક્ટોમ્બર સુધી ભરી શકાશે

સરકારે સોમવારનાં રોજ નાણાંકીય વર્ષ 2017-18ને માટે આયકર રિટર્ન અને ઓડિટ રિપોર્ટ દાખલ કરવાની તારીખ 15 દિવસ વધારીને 15 ઓક્ટોમ્બર…

8 hours ago

ખેડૂતો આનંદો…, ગુજરાતની જીવાદોરી સમાન નર્મદા ડેમની પાણીની સપાટીમાં વધારો

નર્મદા: મધ્યપ્રદેશનાં ઉપરવાસમાંથી પાણીની આવક વધતા સરદાર સરોવર નર્મદા ડેમની સપાટીમાં એકાએક વધારો થયો છે. ઉપરવાસમાંથી 33249 ક્યુસેક પાણીની આવક…

9 hours ago

ઇન્દ્રનીલ રાજ્યગુરૂનું નિવેદન,”મને ભાજપમાં જોડાવાની મળી છે ઓફર”, પક્ષે વાતને નકારી

રાજકોટઃ કોંગ્રેસ નેતા ઈન્દ્રનિલ રાજ્યગુરુનું ખૂબ મોટું નિવેદન સામે આવ્યું છે. ઈન્દ્રનિલ રાજ્યગુરુને ભાજપ તરફથી ઓફર મળી હોવાનું જણાવ્યું હતું.…

11 hours ago

ભાજપમાં જોડાવા મામલે અલ્પેશ ઠાકોરનો ખુલાસો,”હું કોંગ્રેસ સાથે જોડાયેલો છું અને રહીશ”

અલ્પેશ ઠાકોરનાં ભાજપમાં જોડાવા મામલે ખુલાસા કરવા મામલે કોંગ્રેસ નેતાઓએ સંયુક્ત પ્રેસ યોજી. અમિત ચાવડા, પરેશ ધાનાણી અને અલ્પેશ ઠાકોરે…

13 hours ago

હાર્દિક ફરી આંદોલનનાં મૂડમાં, ગાંધી જયંતિથી સમગ્ર ગુજરાતમાં કરશે પ્રતિક ઉપવાસ

અમદાવાદઃ પાટીદાર અનામત આંદોલન સમિતિ દ્વારા છેલ્લાં કેટલાંય સમયથી અનામતની માંગને લઈને આંદોલન કરવામાં આવી રહ્યું છે. ત્યારે હજી પણ…

13 hours ago