Stock Market: નિફ્ટી ઓલટાઈમ હાઈઃ 11,500ની સપાટી વટાવી

અમદાવાદ: આજે શેરબજારની ધમાકેદાર શરૂઆત થઇ હતી. નિફ્ટી પ્રથમ વખત ૧૧,૫૦૦ની સપાટી પાર કરવામાં સફળ રહી છે, જ્યારે સેન્સેક્સમાં ૨૦૦ પોઇન્ટથી વધુ મજબૂતાઇ જોવા મળી છે. સેન્સેક્સ અને નિફ્ટી ૦.૫ ટકા સુધીના ઉછાળા સાથે ટ્રેડ કરી રહ્યા છે.

બીએસઇનો ૩૦ શેરવાળો મુખ્ય ઇન્ડેક્સ સેન્સેક્સ ૨૬૫ પોઇન્ટના ઉછાળા સાથે આ લખાઇ રહ્યું છે ત્યારે ટ્રેડ કરી રહ્યો છે. એ જ રીતે નિફ્ટી ૬૭.૫૦ પોઇન્ટના ઉછાળા સાથે ૧૧,૫૩૮ની સપાટી પર ટ્રેડ કરી રહી છે.

શેરબજારમાં આજે ટ્રેડિંગ દરમિયાન એલએન્ડટી, કોલ ઇન્ડિયા. યસ બેન્ક, ઓએનજીસી, એચપીસીએલ અને ટાટા સ્ટીલ જેવા દિગ્ગજ શેરમાં ૩.૮ ટકાથી ૧.૪ ટકા સુધીનો ઉછાળો જોવા મળ્યો છે, જ્યારે ઇન્ફોસિસ, ટાઇટન, ટેક મહિન્દ્રા, ભારતી એરટેલ, આઇઓસી, આઇટીસી અને આઇસીઆઇસીઆઇ બેન્કમાં ૨.૭-૦.૨ ટકા સુધીનો ઘટાડો નોંધાયો છે.

મેટલ, ફાર્મા, પીએસયુ બેન્ક, રિયલ્ટી, કેપિટલ ગુડ્સ, પાવર, ઓઇલ એન્ડ ગેસ શેરમાં ભારે લેવાલી જોવા મળી છે.
બેન્ક નિફ્ટી ૦.૫ ટકાથી વધુ ઊછળીને ૨૮,૨૮૯ના સ્તરે ટ્રેડ કરી રહી છે.

આઇટી શેરમાં જોકે દબાણ નજરે પડી રહ્યું છે. મિડકેપ શેરમાં ગ્લેન માર્ક, એલએન્ડટી ફાઇનાન્સ, ડેવિસ લેબ, વર્હ્લપુલ અને એપોલો હોસ્પિટલ ૩.૬-૨.૧ ટકા સુધી ઊછળ્યા છે. મિડકેપ શેરમાં ફેડરલ બેન્ક, ઇમામી, મેરિકો, બેરક્રોપ અને ક્રિસિલ ૩.૫-૦.૪ ટકા સુધી ગગડ્યા છે.

You might also like