Categories: India

હૈદરાબાદમાં NIAએ ના દરોડામાં ISISના 5 શંકાસ્પદની ધરપકડ, મોલ-મંદિર પર મોટા હુમલાની હતી તૈયારી

હૈદરાબાદઃ હૈદરાબાદમાં બર્બર આતંકી સંગઠન ISISની લિંકને લઇને રાષ્ટ્રીય તપાસ એજન્સીએ બુધવારે સવારે જબરદસ્ત દરોડા પાડ્યા હતા. એજન્સીએ આ દરમિયાન 5 યુવકોની ધરપકડ કરી છે, જ્યારે 6 અન્ય લોકોને કસ્ટડીમાં લઇને પૂછપરછ કરવામાં આવી છે. દરેકની ઉંમર 20 વર્ષની નજીક છે.

ગુપ્તચર એજન્સીના આધાર પર બુધવારે સવારે હૈદરાબાદ શહેરની નજીક 9 જગ્યા પર એનઆઇએએ દરોડા પાડ્યા છે. સ્થાનીક પોલીસની સાથે આ સંયુક્ત અભિયાન હજુ પણ ચાલુ છે.

હૈદરાબાદમાં નેશનલ ઈન્વેસ્ટિગેશન એજન્સી (NIA)એ દરોડા પાડીને કેટલાક શંકાસ્પદ આતંકવાદીઓની અટકાયત કરી છે. જેમના IS સાથે તાર જોડાયેલા છે. મળતી માહિતી પ્રમાણે 11 લોકોની અટકાયત કરવામાં આવી છે. NIAએ લોકલ પોલીસની મદદથી દરોડા પાડ્યા હતા. આ દરોડા દરમિયાન અમુક વિસ્ફોટકો અને હથિયાર પણ પ્રાપ્ત થયા છે.

સૂત્રો તરફથી મળતી માહિતી મુજબ NIA અને લોકલ પોલીસની ટીમે મંગળવારે મોડી રાત્રે દરોડા પાડવાનું શરૂ કર્યું હતું. સ્પેશિયલ ઈનપુટના આધાર પર આ કાર્યવાહી કરવામાં આવી હતી. ટીમે હૈદરાબાદના જૂના શહેરોના અમુક વિસ્તારોમાં દરોડા પાડ્યા હતા અને 11 લોકોની અટકાયત કરી હતી. જોકે જપ્ત કરવામાં આવેલા વિસ્ફોટ અને હથિયારો વિશે હજુ સુધી કોઈ માહિતી આપવામાં આવી નથી.

આઈબી પ્રમાણે હૈદરાબાદના અમુક શંકાસ્પદ સીરિયામાં ISના હેન્ડલર્સના કોન્ટેક્ટમાં છે. જે અંગે NIAએ પણ સમર્થન આપ્યું છે. એનઆઈએ દ્વારા જ્યારે ઈલેક્ટ્રોનિક સર્વિલન્સ વધારાયું ત્યારે તેમના ઓફિસર પણ આશ્ચર્યચકિત થઈ ગયા હતા. આરોપીઓ મોટાભાગનો સમય સીરિયાના હેન્ડલર્સ સાથે કોન્ટેક્ટમાં હતા. ભારતમાં મોટા આતંકી હુમલા માટે હથિયાર અને પૈસા પૂરા પાડવામાં આવતા હતા. તેમની પાસેથી લેપટોપ અને અમુક સ્માર્ટ ફોન હતા તે પણ જપ્ત કરવામાં આવ્યા છે. તેઓ લેપટોપ અને સ્માર્ટ ફોન દ્વારા હેન્ડલર્સના ટચમાં રહેતા હતા.

Navin Sharma

Recent Posts

મ્યાનમારમાં ઉગ્રવાદી કેમ્પ પર ‘સર્જિકલ સ્ટ્રાઈક’ની તૈયારી

નવી દિલ્હીઃ મ્યાનમારમાં ત્રાસવાદીઓની છાવણીઓ પર સર્જિકલ સ્ટ્રાઈક કરવાની તૈયારી ચાલી રહી હોવાનું જાણવા મળે છે. ઈન્ટેલિજન્સ એજન્સી સૂત્રોનાં જણાવ્યાં…

5 hours ago

પ્રથમ ટ્રાયલમાં જ T-18 ટ્રેન ફેલ, કેટલાંય પાર્ટ્સ સળગીને થયાં ખાખ

ચેન્નઈઃ ભારતીય રેલ્વેની મહત્ત્વાકાંક્ષી ઈન્ટરસિટી ટ્રેન પ્રોજેક્ટ ટી-૧૮ ટ્રેન તેની પ્રથમ ટ્રાયલમાં જ ફેલ ગઈ છે. ચેન્નઈનાં જે ઈન્ટીગ્રલ કોચ…

5 hours ago

બે પ્રેગ્નન્સી વચ્ચેનો ગાળો ૧૨થી ૧૮ મહિનાનો હોવો જરૂરી

બાળકને ગર્ભમાં ઉછેરવાનાં કારણે માના શરીરમાં કેટલાક બદલાવ આવે છે. આવા સમયે બે બાળકો વચ્ચેનો ગાળો કેટલો હોવો જોઈએ એ…

6 hours ago

લાકડાનો ધુમાડો પુરુષો અને સ્ત્રીઓ બંને પર કરે છે જુદી-જુદી અસર

લાકડાનાં ધુમાડાથી સ્ત્રીઓ અને પુરુષોનાં શરીરમાં અલગ-અલગ પ્રકારની પ્રતિક્રિયાઓ ઊઠે છે. અભ્યાસર્ક્તાઓએ સ્ત્રી-પુરુષ વોલન્ટિયર્સનાં એક ગ્રૂપને પહેલાં લાકડાનો ધુમાડો ખવડાવ્યો…

6 hours ago

વાઇબ્રન્ટ સમિટ: સ્થાનિક-વિદેશી ઇન્વેસ્ટર્સ વીડિયો કોન્ફરન્સ કરશે

ગુજરાત સરકાર દ્વારા વાઇબ્રન્ટ ગુજરાત ગ્લોબલ સમિટનું આયોજન જાન્યુઆરી માસમાં યોજવામાં આવી રહ્યું છે. આ વર્ષે પહેલી વાર સરકાર વાઇબ્રન્ટ…

6 hours ago

કારમાં આવેલાં અજાણ્યાં શખ્સોએ છરી બતાવી યુવકને લૂંટી લીધો

અમદાવાદઃ શહેરનાં શાહીબાગ વિસ્તારમાં બે દિવસ પહેલાં મોડી રાતે એક વિદ્યાર્થીને છરી બતાવીને ૮પ હજારની લૂંટ ચલાવતા ત્રણ શખ્સો વિરુદ્ધમાં…

7 hours ago