Categories: Gujarat

નીટના પ્રશ્ને વાલી મંડળના સભ્યો ભૂખ હડતાળ પર ઊતરશે

અમદાવાદઃ નેશનલ એલિજિબિલિટી કમ એન્ટરન્સ (નીટ)ની લેવાયેલી પરીક્ષામાં ગુજરાતી માધ્યમના વિદ્યાર્થીઓને અન્યાય થયો હોવાના મુદ્દા ઉપરાંત નીટના પ્રશ્નોને લઇને વાલી મંડળ આજે ભૂખ હડતાળ પર ઉતરશે. રૂપાલી સિનેમા સામે સરદાર બાગ પાસે યોજાયેલા ધરણાંમાં ‘પાસ’ પણ જોડાશે અને સાથે ગુજરાત પ્રદેશ કોંગ્રેસ સમિતિએ પણ ખુલ્લો ટેકો જાહેર કરતાં સમગ્ર બાબતને રાજકીય રંગ મળશે. વાલીઓની માગ છે કે સરકાર ર૦૧૭માં નીટની લેવાયેલી ગુજરાતી માધ્યમની પરીક્ષામાં વિદ્યાર્થીઓને થયેલા અન્યાયના મુદ્દે અલગથી મેરિટ લિસ્ટ બહાર પાડે.

ગુજરાત સ્ટેટ પેરન્ટન્સ એન્ડ સ્ટુડન્ટ એસોસિએશન (વાલી મંડળ)ના પ્રમુખ કનુભાઇ પટેલ આક્ષેપ કરતાં કહ્યું હતું કે તાજેતરમાં લેવાયેલી નીટ ર૦૧૭ની પરીક્ષામાં ઇરાદાપૂર્વક ગુજરાતી માધ્યમનું પેપર અઘરું કાઢવામાં આવ્યું હતું. જેના કારણે ગુજરાતી માધ્યમના વિદ્યાર્થીઓનું ડોક્ટર બનવાનું સ્વપ્ન રોળાયું છે. એક વિદ્યાર્થિની તૃપ્તિએ મુદ્દે જીવ પણ ખોયો છે. વિદ્યાર્થીઓને ન્યાય મળે તે મુદ્દે આજે વિદ્યાર્થીઓ, વાલીઓ ડોક્ટર્સ મોટી સંખ્યામાં ભૂખ હડતાળ પર ઊતર્યા છે. આવતી કાલે વાલી મંડળના પાંચ સભ્યો આ રજુઆતને લઇને વડા પ્રધાનને મળવા દિલ્હી જશે.

વાલી મંડળના પ્રમુખ કનુભાઇ પટેલના વધુમાં જણાવ્યા મુજબ આજે બપોરે પાસના હાર્દિક પટેલ તેમની સાથે ધરણાંમાં જોડાશે. ઉપરાંત ભાજપ યુવા મોરચાના ઋત્વિજ પટેલના પિતા મનુભાઇ પટેલ કે જેઓ નેશનલ મેડિકલ કાઉન્સિલના રાષ્ટ્રીય અધ્યક્ષ છે તેઓ અને અન્ય ડોક્ટર મોટી સંખ્યામાં ધરણાં કાર્યક્રમમાં જોડાશે. ગુજરાત પ્રદેશ કોંગ્રેસે પણ આ બાબતે ખુલ્લો ટેકો આપતાં હવે ગુજરાતીમાં લેવાયેલી નીટના મુદ્દે થયેલા અન્યાયના મુદ્દાને રાજકીય રંગ મળશે.

divyesh

Recent Posts

ગણેશ વિસર્જન યાત્રાનાં નામે સુરતમાં PAAS અને SPGનું શક્તિપ્રદર્શન

સુરતઃ ગણેશ વિસર્જનની આડમાં SPG અને PAASએ સુરતમાં શક્તિ પ્રદર્શન કર્યું છે. અલ્પેશ કથીરિયાની જેલ મુક્તિની મુખ્ય માંગ સાથે હજારો…

1 hour ago

વિઘ્નહર્તાની અશ્રુભીની વિદાય, વિસર્જનને લઇ બનાવાયાં ભવ્ય કૃત્રિમ તળાવો

વડોદરાઃ આજે ઠેર-ઠેર ભગવાન ગણેશજીનું વિસર્જન થશે અને બાપ્પાને આવતા વર્ષે જલ્દી આવવા માટેની ભક્તો દ્વારા વિનંતી પણ કરાશે. ત્યારે…

2 hours ago

વિશ્વની સૌથી મોટી હેલ્થ સ્કીમ લોન્ચ, મોદીએ કહ્યું,”હવે ગરીબ પણ કરાવી શકશે મોંઘી સારવાર”

ઝારખંડઃ પ્રધાનમંત્રી નરેન્દ્ર મોદીએ ઝારખંડની રાજધાની રાંચીથી કેન્દ્ર સરકારની મહત્વાકાંક્ષી આયુષ્યમાન ભારત-રાષ્ટ્રીય સ્વાસ્થ્ય સુરક્ષા મિશનનું શુભારંભ કરાવાયું. આ યોજના અંતર્ગત…

3 hours ago

દેશનાં 8 રાજ્યોમાં ભારેથી અતિ ભારે વરસાદની આગાહીઃ હવામાન વિભાગ

અમદાવાદઃ હવામાન વિભાગે દેશનાં 8 રાજ્યમાં વાવાઝોડા સાથે ભારે વરસાદની આગાહી કરી છે. જેનાં પગલે ગઈ કાલથી અમદાવાદ સહિત અનેક…

3 hours ago

આયુષ્યમાન ભારતઃ જાણો PM મોદીની આ યોજનાનો લાભ આપને મળશે કે નહીં?

મોદી સરકારની મહત્વાકાંક્ષી આયુષ્માન ભારત યોજના એટલે કે જન આરોગ્ય યોજનાનો આજે ભવ્ય શુભારંભ થવા જઇ રહેલ છે. ત્યારે આ…

4 hours ago

ઘેર બેઠા બનાવો ટેસ્ટી અને પૌષ્ટિક આઇટમ ફ્રૂટ લસ્સી

સૌ પ્રથમ તમારે ફ્રુટ લસ્સી બનાવવા માટે આપે ઢગલાબંધ સિઝનેબલ ફળોનો ઉપયોગ કરવો પડશે. તમને આજે અમે ફ્રૂટ લસ્સી કઈ…

20 hours ago