પત્નીના જનાજામાં સામેલ થવા નવાઝ શરીફને 12 કલાકની પેરોલ મળી

લાહોર: પાકિસ્તાનના પૂર્વ વડા પ્રધાન અને ભ્રષ્ટાચારના આરોપમાં સજા કાપી રહેલ નવાઝ શરીફ, તેમનાં પુત્રી મરિયમ નવાઝ અને તેમના જમાઇ કેપ્ટન (નિવૃત્ત) મોહંમદ સફદરને શરીફનાં પત્ની કુલસુમ નવાઝના લાહોર ખાતે અંતિમ સંસ્કારમાં ભાગ લેવા માટે ૧ર કલાકના પેરોલ મંજૂર કરવામાં આવ્યા છે અને ૧ર કલાક માટે તેમને જેલમાંથી છોડવામાં આવ્યા છે. દિવંગત બેગમ કુલસુમના શુક્રવારે સુપુર્દ-એ-ખાક કરવામાં આવશે.

નવાઝ શરીફનાં પત્ની કુલસુમ નવાઝનું લંડન ખાતે અવસાન થયું હતું. તેમનો લંડનની હો‌સ્પિટલમાં કેન્સરની બીમારીનો ઇલાજ ચાલી રહ્યો હતો. તેમના મૃતદેહને આજે લાહોર લાવવામાં આવ્યો હતો અને લાહોર ખાતે તેમના અં‌િતમ સંસ્કાર કરવામાં આવશે.

જેલમાંથી ૧ર કલાકની મુક્તિ મળ્યા બાદ નવાઝ શરીફ પોતાનાં પુત્રી મરિયમ અને જમાઇ સાથે રાવલપિંડીના નુરખાન એરબેઝથી લાહોર પહોંચી ગયા છે. શરીફનાં પત્નીના અંતિમ સંસ્કારની વિધિ શરીફ ફેમિલીના લાહોર સ્થિત આવાસમાં કરવામાં આવશે.

પાકિસ્તાન મુસ્લિમ લીગ (નવાઝ)ના પ્રવકતા મરિયમ ઔરંગઝેબે જણાવ્યું હતું કે નવાઝના ભાઇ શાહબાજ શરીફે પંજાબ સરકાર સમક્ષ અરજી દાખલ કરીને તેમને પાંચ દિવસના પેરોલ આપવાની માગણી કરી હતી. પરંતુ પંજાબ સરકારે શાહબાજની આ માગણીને માન્ય નહીં રાખીને માત્ર ૧ર કલાકના પેરોલ પર જ મુકત કર્યા છે.

તેમણે જણાવ્યું હતું કે અમને આશા છે કે પેરોલની આ મુદતને લંબાવવામાં આવશે. લાહોરમાં બેગમના સુપુર્દ-એ-ખાક બાદ લંડનમાં તેમની સ્મૃતિમાં શોકસભાનું આયોજન કરવામાં આવશે.

લાહોરમાં પાકિસ્તાનના પૂર્વ મહિલા તરીકે તેમના યોગ્ય સન્માન સાથે અંતિમ સંસ્કાર કરવામાં આવશે. કુલસુમ નવાઝનો ઇલાજ લંડનની હાર્વેસ્ટ સ્ટ્રીટ ક્લિનિકમાં જૂન-ર૦૧૭થી ચાલી રહ્યો હતો. સોમવારથી તેઓ લાઇફ સપોર્ટ સિસ્ટમ પર હતા.

divyesh

Recent Posts

ચીકૂ બરફી… આ રીતે બનાવો ઘરે.. બાળકોને પડશે પસંદ

કેટલા લોકો માટે - 5 સામગ્રી : ચીકૂ-5 થી 6, ઘી-2 ટેબલ સ્પૂન, દૂધ- 2 કપ, ખાંડ-4થી 5 ટી સ્પૂન,…

7 mins ago

TVS Star City+ હવે નવા લૂકમાં, જાણો શું છે કિંમત..

આગામી તહેવારને ધ્યાનમાં લઇને TVS કંપની પોતાના પોપ્યૂલર 110cc કમ્પ્યૂટર બાઇક TVS Star City+ ના નવા ડૂઅલ-ટોન વેરિએન્ટને લોન્ચ કરી…

20 mins ago

ભોપાલમાં ભાજપ કાર્યકર્તાઓનો ‘મહાકુંભ’, PM મોદી-અમિત શાહ એક મંચ પર મળશે જોવા

વડાપ્રધાન નરેન્દ્ર મોદી અહી ભાજપના લાખો કાર્યકર્તાઓને સંબોધિત કરી મધ્યપ્રદેશમાં ચૂંટણી અભિયાનનો પ્રારંભ કરશે. પાર્ટીના રાષ્ટ્રીય અધ્યક્ષ અમિત શાહ પણ…

1 hour ago

ટ્રમ્પે સુષ્માને કહ્યું, I Love India, મારા મિત્ર PM મોદીને મારી સલામ કહેજો…

વિદેશ પ્રધાન સુષમા સ્વરાજ અને અમેરિકાના રાષ્ટ્રપતિ ડોનાલ્ડ ટ્રમ્પે સોમવારે સંયુક્ત રાષ્ટ્રના એક ઉચ્ચ સ્તરીય કાર્યક્રમ દરમિયા એકબીજાને ખબર અંતર…

1 hour ago

સુરતઃ ગણેશ વિસર્જન દરમ્યાન ચાલુ બોટે મૂર્તિએ ખાધી પલ્ટી, બોટસવારો કુદ્યાં નદીમાં

સુરતઃ શહેરમાં ગણેશ વિસર્જન દરમ્યાન બોટમાં રાખેલી ગણપતિની એક વિશાળ મૂર્તિ અચાનક ઢળી પડી હતી. મગદલ્લા ઓવારા પર વિસર્જન દરમ્યાન…

10 hours ago

IT રિટર્ન ભરવાની તારીખમાં કરાયો વધારો, 15 ઓક્ટોમ્બર સુધી ભરી શકાશે

સરકારે સોમવારનાં રોજ નાણાંકીય વર્ષ 2017-18ને માટે આયકર રિટર્ન અને ઓડિટ રિપોર્ટ દાખલ કરવાની તારીખ 15 દિવસ વધારીને 15 ઓક્ટોમ્બર…

10 hours ago