પાક.નાં સૌથી અમીર નેતા છે શરીફ : બે અબજની સંપત્તિ

ઇસ્લામાબાદ : પાકિસ્તાનનાં વડાપ્રધાન નવાઝ શરીફ દેશનાં સૌથી ધનવાન નેતા છે. નવાઝ શરીફની પાસે બે અબજ રૂપિયાની અંગત મિલ્કત છે. માત્ર ચાર વર્ષમાં તેની પ્રોપર્ટમાં એક અબજ રૂપિયા જેટલો વધારો થયો છે. ચૂંટણી પંચે 2015ની ચૂંટણી માટે સંપત્તિનો અહેવાલ આપ્યો છે. શરીફે કાયદા અનુસાર પોતાની હાલની સંપત્તિ અંગે ચૂંટણી પંચને માહિતી આપી હતી. સંપત્તિની આ માહિતી પનામા પેપર્સ લીકનાં કારણે ચાલી રહેલા વિવાદો વચ્ચે આવી છે. શરીફ હવે કોમી એસેમ્બલીનાં ખુબ જ જુજ અબજોપતિઓ પૈકી એક છે. અન્ય અબજોપતિ નેતાઓમાં પેટ્રોલિયમ રાજ્યમંત્રી શાહિદ ખાકાન અને ખેબર પખ્તૂનનાં સાંસદ ખયાલ જમા અને સાજિદ હુસૈનનો સમાવેશ થાય છે.

શરીફની વિદેશમાં કોઇ સંપત્તી નથી. 2011માં તેમની સંપત્તિની કિંમત 16.6 કરોડ રૂપિયા હતી અને 2012માં તે વધીને 26.16 કોરડ રૂપિયા થઇ ગઇ જ્યારે 2013 1.82 અબજ રૂપિયાની સંપત્તિ સાથે તેમને અબજોપતિ જાહેર કરવામાં આવ્યા હતા. ચૂંટણી પંચે જણાવ્યું કે શરીફને 2015માં તેનાં પુત્ર હુસૈન નવાઝ પાસેથી 21.15 કરોડ રૂપિયાથી વધારે રકમ મળી હતી. તેની પહેલા તેનાં પુત્રએ 2014 અને 2013માં ક્રમશ 23.9 કરોડ રૂપિયા અને 19.75 કરોડ રૂપિયાની રકમ મોકલી હતી.

શરીફ પાસે ટોયોટા લેન્ડ ક્રુઝર કાર છે જે તેમને ભેટમાં મળેલી છે. બે મર્સિડીઝ ગાડીઓ પણ છે. જે મકાનમાં તેઓ રહે છે તે તેમની માતાનાં નામે છે.તેમનાં ઘણા બધા લોકલ અને વિદેશમાં લોકલ કરેન્સી એકાઉન્ટ છે. શરીફે પહેલીવાર આની જાહેરાત કરી હતી. 20 લાખની કિંમતનાં પશુપંખીઓ પણ છે. પત્ની કુલસુમ નવાઝની પાસે એબટાબાદ, ચંગા, ગલીમાં જમીન અને મકાન છે. જેની કિંમત 8 કરોડ છે. તે ઉપરાંત 100 કરોડ રૂપિયાનો એક બંગ્લો પણ છે. સાથે જ પારિવારિક વેપારમાં તેમની ભાગીદારી પણ છે .

You might also like