Categories: Dharm

નવરાત્રિમાં શક્તિ ઉપાસના

પરાપૂર્વથી શિવ અને શક્તિની ઉપાસના થતી જોવા મળે છે. શક્તિ ઉપાસકોમાં મા શક્તિ અર્થાત્ આદ્યશક્તિની ઉપાસના વિવિધ સ્વરૂપે થતી જોવા મળે છે. શાસ્ત્રીઓ, પંડિતો, તત્ત્વવેત્તાઓ, ઋષિ મુનિઓ તથા વેદજ્ઞોના મતાનુસાર શક્તિનું પરમ તત્ત્વ આરંભ, મધ્ય તથા નિરુપાધિ છે. શુદ્ધ તથા બાહ્ય પણ તે જ છે. તે એક છે અતે અચલ છે. ચિદાનંદ છે. અદ્ભુત છે. બધાને માટે અત્ર, તત્ર, સર્વત્ર છે. છતાં પણ તે લીલા માટે અનેક સ્વરૂપ વખતો વખત ધારણ કરે છે.
દેવી ભાગવતમાં જણાવ્યું છે કે એક વખત દેવતાઓએ, મા ભગવતીને સવિનય પૂછ્યું કે કાસિ ત્વં મહાદેવી’ હે મહાદેવી આપ કોણ છો ? ત્યારે મા ભગવતીએ ઉત્તર આપ્યો કે હું તથા બ્રહ્મ બંને એક જ છીએ. જે તે છે તેજ હું છું. અમારા બંને વચ્ચે જો કોઇ ફરક માને તો તે અતિ મહામૂર્ખ લેખાશે. આ સૃષ્ટિમાં વિચરનાર દરેક જીવ ભય, ભ્રાંતિ તથા અભાવથી પીડાય છે. પરિણામે તે જીવ સંસારમાં સદૈવ ઉદ્વેગ રહે છે.
શક્તિમત અનુસાર શક્તિ સાંસારિક દુઃખતાં કિચડમાં ફસાયેલ વ્યક્તિને તેમાંથી બહાર નીકળવાની મદદ કરે છે. શક્તિને કારણે જનારને જગતના ત્રિવિધ તાપ, આધિ, વ્યાધિ, ઉપાધિ સાવ નહિંવત પ્રમાણમાં નડે છે. કારણ કે તેના ઉપર શક્તિ તત્ત્વની અપાર કરુણા હોય છે. શક્તિ આદ્ય શક્તિ તરીકે વિખ્યાત હોવા છતાં ભક્તોનાં કલ્યાણ માટે ઇષ્ટ માટે ક્યારેક જુદા જુદા ભક્તોમાં ભાવ પૂરા કરવા ઘણી વખત છિન્નમસ્તા, કદિક મા બગલામુખી સ્વરૂપે, કદિક ભુવનેશ્વરી સ્વરૂપે તે સાધક કે ઉપાસક માટે સ્વરૂપ ધારણ કરે છે. એ જ આદ્યશક્તિ પોતાના ભક્તોના મનોરથ પૂર્ણ કરવા નવરાત્રિના નવ દિવસ તથા નવે નવ દિવસ રાત અનુક્રમે શૈલપુત્રી, બ્રહ્મચારિણી, ચંદ્રઘંટા, કુષ્માંડા, સ્કંદમાતા, કાત્યાયની, કાળરાત્રિ, મહાગૌરી તથા સિદ્ધિદાત્રી બને છે. તે સત્ય છે.
તંત્ર માર્ગ અનુસાર તે સંસારના જીવોને દુર્ગતિમાંથી બહાર કાઢે છે. તેથી તેનું એક નામ તથા તેનાં રૂપ અનેક છે. તેમનાં કોઇ પણ સ્વરૂપની ઉપાસના કરવાથી તે જગતજનની તેના ભક્તને એક હાથે ભોગ તા બીજા હાથે મોક્ષ આપે છે. યંત્ર, તંત્ર તથા મંત્રના ઉપાસકોના મત અનુસાર તથા શક્તિતત્ત્વની સાધનાનું રહસ્યોનું ઉદ્ઘાટન કરનાર ઋષિઓના મતાનુસાર શક્તિની ઉપાસના જો વિદ્યાર્થી કરે તો તેને શ્રેષ્ઠ, વિદ્યા, ધનાર્થી કરે તો તેને મા શક્તિ મોક્ષ આપવા સમર્થ છે. કહેવાનો અર્થ એ અહીં લેવો કે જે તે સાધક કે ઉપાસક જે જે ભાવથી તેની ઉપાસના કરે છે તે તે ભાવ આપવા મા શક્તિ તેવું સ્વરૂપ ધારણ કરે છે. તે સાધકની સર્વ મનોકામના મા ભગવતી કે પીતામ્બરા પૂર્ણ કરવા અવશ્ય પધારે છે. શક્તિ તંત્રો મુજબ મેષ સંક્રાંતિની આસપાસ આસો સુદ એકમથી નોમ સુધી શારદીય નવરાત્રિ હોય છે. તેવી રીતે ચૈત્ર સુદ એકાદશીથી નોમ સુધી વાસંતી નવરાત્રિ હોય છે. આ નવ દિવસમાં જે ભક્ત કે સાધક માને જે ભાવે પોકારે તે ભાવ પૂરો કરવા મા ભગવતી પરામ્બા અવશ્ય આવે છે.
– શાસ્ત્રી હિમાંશુ વ્યાસhttp://sambhaavnews.com/

divyesh

Recent Posts

રાજ્યમાં નાસતા-ફરતા આરોપીઓને ઝડપવા ઝુંબેશ હાથ ધરાશે, CMએ ગૃહવિભાને આપ્યાં આદેશ

અમદાવાદઃ રાજ્યમાં નાસતા-ફરતા આરોપીઓને ઝડપવા માટે એક ઝૂંબેશ હાથ ધરવામાં આવશે. 21 હજાર જેટલાં આરોપીઓને પકડવા માટે ગૃહવિભાગે કવાયત હાથ…

16 hours ago

PNBને ડિંગો બતાવનાર નીરવ મોદી વિદેશી બેંકોને કરોડો ચૂકવવા તૈયાર

નવી દિલ્હીઃ પંજાબ નેશનલ બેન્ક કૌભાંડનાં મુખ્ય આરોપી નીરવ મોદીની હજુ શોધખોળ જારી છે. નીરવ મોદી ભારતીય બેન્કોના કરોડો રૂપિયા…

17 hours ago

ગુજરાત સરકારનો મહત્વનો નિર્ણય, પ્રાથમિક શાળાઓમાં કન્યાઓને અપાશે માસિક ધર્મનું શિક્ષણ

ગાંધીનગરઃ રાજ્ય સરકાર દ્વારા એક મહત્વનો નિર્ણય લેવામાં આવ્યો છે. હવેથી પ્રાથમિક સ્કૂલોમાં માસિક ધર્મ અંગેનું માર્ગદર્શન આપવામાં આવશે. પ્રાથમિક…

17 hours ago

DeepVeer Wedding: દીપિકા-રણવીર કોંકણી રીતિ રિવાજથી બંધાયા લગ્નનાં બંધનમાં

બોલીવૂડની સૌથી સુંદર જોડીઓમાંની એક જોડી એટલે દીપિકા પાદુકોણ અને રણવીર સિંહ. જેઓ હવે પતિ-પત્ની બની ચૂક્યાં છે. ઘણાં લાંબા…

18 hours ago

ઇસરોને અંતરિક્ષમાં મળશે મોટી સફળતા, લોન્ચ કર્યો સંચાર ઉપગ્રહ “GSAT-29”

અંતરિક્ષમાં સતત પોતાની ધાક જમાવી રહેલ ભારતે આજે ફરી વાર એક મોટી સફળતાનો નવો કીર્તિમાન રચ્યો છે. ઇસરોએ બુધવારનાં રોજ…

18 hours ago

RBI લિક્વિડિટી વધારવા ફાળવશે રૂ.૧૫ હજાર કરોડ

મુંબઇઃ રિઝર્વ બેન્ક ઓફ ઇન્ડિયાએ દેશની ઇકોનોમીમાં લિક્વિડિટી વધારવાની સરકારની માગણી સ્વીકારી લીધી છે. આરબીઆઇએ સરકારી સિક્યોરિટીઝની ખરીદી દ્વારા ઇકોનોમિક…

19 hours ago