cm-nitish-kumar-convoy-attacked-in-buxar-in-bihar - Sambhaav News
Thu, Jan 18, 2018
mobile apps
Sambhaav Audio News

વિકાસ નથી થયો તેથી ગ્રામજનોમાં રોષ, નીતિશ કુમારના કાફલા પર પથ્થરમારો

nitish

પટણા, શનિવાર
બિહારના બકસર જિલ્લામાં નીકળેલી વિકાસ સમીક્ષા યાત્રા દરમિયાન મુખ્યપ્રધાન નીતીશકુમારના કાફલા પર કેટલાંક અસામાજિક તત્ત્વોએ પથ્થરમારો કરતાં અનેક ગાડીઓના કાચ તૂટી ગયા હતા. જોકે આ દરમિયાન મુખ્યપ્રધાનની ગાડીને સુરક્ષિત રીતે બહાર કાઢી લેવામાં આવતાં તેમનો બચાવ થયો હતો.

બકસર જિલ્લાના નંદન ગામમાં મુખ્યપ્રધાનનો કાફલો વિકાસ સમીક્ષા યાત્રા સાથે પહોંચ્યો હતો ત્યારે ગામના કેટલાંક અસામાજિક તત્ત્વોએ આ કાફલા પર પથ્થરમારો કરતાં કેટલીક ગાડીઓના કાચ તૂટી ગયા હતા. તેમજ કેટલાક સુરક્ષા કર્મચારીને ઈજા થઈ હતી. ગામના જ ચમટોલીના લોકોનું કહેવું હતું કે વિકાસ માત્ર મુખ્યપ્રધાનને જ દેખાડવા પૂરતો જ થયો છે. આ ગામના જ બીજા વિસ્તારમાં કોઈ જ વિકાસ થયો નથી.

તેવા આક્ષેપ સાથે મુખ્યપ્રધાનના કાફલા પર પથ્થરમારો થતાં ભારે નાસભાગ મચી ગઈ હતી. આ ગામ તેમજ આસપાસના ગામના લોકોનો આક્ષેપ હતો કે સાત જેટલા કાર્યક્રમ હેઠળ કોઈ જ કામ થયાં નથી.તેથી ગામ લોકો મુખ્યપ્રધાનને ગામમાં બોલાવવા માગણી કરી રહ્યા હતા. પણ તેઓ ગામમાં ગયા ન હોવાથી રોષે ભરાયેલા કેટલાક લોકોએ કાફલા પર પથ્થરમારો કર્યો હતો. જોકે પથ્થરમારા બાદ નીતીશ કુમારને ગામમાંથી સુરક્ષિત રીતે બહાર કાઢી બે કિલોમીટર દૂર એક ફાર્મમાં લઈ જવાયા હતા.

loading...
loading...

Leave a Reply

Your email address will not be published. Required fields are marked *

loading...
loading...