Categories: Gujarat

નર્મદા ડેમ ૧૦ ફૂટથી ઓવરફ્લો

અમદાવાદ: ગુજરાતની જીવાદોરી સમાન નર્મદા ડેમની સપાટી ગઇ કાલે રાત્રે ૧ર૪.૮૯ મીટર પહોંચતાં ડેમ ૧૦ ફૂટથી ઓવરફલો થયો હતો. આગામી ૧૬ કલાકમાં ડેમની સપાટી ૧ર૬ મીટરની સપાટી પાર કરે તેવી શક્યતા છે. શનિવારે સવારે જ ડેમ ઓવરફલો થવાના કારણે વીકેન્ડની રજામાં ૪૦ હજારથી વધુ સહેલાણીઓએ ડેમનો નજારો માણ્યો હતો.

કેવ‌િડયા કોલોની ખાતે ગઇ કાલથી મોન્સૂન ફેસ્ટિવલ શરૂ કરાયો છે, જે આગામી એક માસ સુધી ઊજવાશે. કેવ‌િડયા કોલોનીમાં સ્ટેચ્યૂ ઓફ યુનિટી જોવા જતા સહેલાણીઓને વધારાનું એક તળાવ જોવાનો લહાવો મળશે. અમદાવાદથી ૧૦૦ કિલોમીટરના અંતરે કેવ‌િડયા કોલોની પહેલાં કપુરાઇ તળાવને ટૂરિસ્ટ સ્પોટ તરીકે ડેવલપ કરાશે.

૬.પ૦ લાખ ચો.ફૂટ ક્ષેત્રફળમાં પથરાયેલા આ તળાવ પાસે રમણીય ગાર્ડન બનાવાશે. ઉપરાંત ફૂડકોર્ટ, બેઠકવ્યવસ્થા, રમત-ગમતનાં સાધનો ડેકોરે‌િટવ લાઇટિંગ, પાર્કિંગ, ફાઉન્ટેન, રાઇડ્ઝ ‌વગેરે સુવિધાઓ ઉપલબ્ધ કરાશે.
આ વર્ષે નર્મદા ડેમ પર ૩૦ દરવાજા લાગી ચૂક્યા છે. આ ૩૦ દરવાજા ખુલ્લા રાખવામાં આવ્યા છે, જેના કારણે એકસાથે ૬૦ ફૂટના ૩૦ ધોધ જોવા મળે છે. ગઇ કાલે અમદાવાદ, વડોદરા, સુરત, મંુંબઇ ઠેકઠેકાણેથી પ્રવાસીઓ ઊમટી પડ્યા હતા. નર્મદા ડેમ હજુ એક અઠવાડિયા કરતાં વધુ સમય માટે ઓવરફલો રહેશે.

ડેમની સપાટીના પાણીની માત્રામાં ત્રણ ગણો વધારો થતાં રિવરબેડ પાવર હાઉસના ૬ નંબરના ટર્બાઇનને પણ ચાલુ કરાતાં કુલ ૬ ટર્બાઇન વીજળી ઉત્પન્ન કરી રહ્યાં છે.  બે કાંઠે વહેતી નર્મદાના કારણે આસપાસનાં ર૩ ગામોને એલર્ટ કરાયાં છે.

Navin Sharma

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

23 hours ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

23 hours ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

23 hours ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

23 hours ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

23 hours ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

23 hours ago