OMG! દહેરાદૂનનું એવું મંદિર જ્યાં મૃત લોકો પણ જીવતા થઈ જાય છે, આ કોઈ ભ્રમ નથી

ભારત વિવિધ સાંસ્કૃતિક ઈતિહાસથી ભરપૂર છે. વિશ્વમાં ભારત એકમાત્ર એવો દેશ છે, જ્યાં અનેક ચમત્કારો સર્જાય છે. ભારતના ઘણા મંદિરો પણ ચમત્કારિક ઈતિહાસ ધરાવે છે. આ બધા મંદિરોમાં થઈ રહેલા ચમત્કારો પાછળનું કારણ હજુ સુધી કોઈ જાણી શક્યું નથી.

આવા ચમત્કારિક મંદિરો સાથે લોકોની શ્રદ્ધા પણ જોડાયેલી હોય છે. આજે આપણે આવા જ એક મંદિરની વાત કરીશું, જ્યાં મૃત માણસો જીવતા થઈ જાય છે. આપણે ઘણીવાર જોયું છે કે, ઘણા માણસો મર્યા પછી અચાનક જીવતા થઈ જાય છે. જો કે આવી ઘટના આ મંદિરમાં અનેક વાર બની છે.

દહેરાદૂનથી 128 કિમી દૂર લાખામંડલ નામના સ્થાન પર એક શિવ મંદિર આવેલું છે, જે ચમત્કારોથી ભરપૂર છે. હિમાલયની ઘાટીઓમાં આવેલ આ શિવ મંદિર સાથે લોકોની આસ્થા જોડાયેલી છે.

એવું કહેવાય છે કે આ મંદિરમાં કોઈ મૃત વ્યક્તિ પણ જીવીત થઈ જાય છે. આ મંદિરમાં બે દ્વારપાળ આવેલા છે, જેમની સામે મૃત વ્યક્તિને સૂવાડવામાં આવે છે. તેના પર પૂજારી પવિત્ર જળ છાંટે છે અને તે વ્યક્તિ થોડી વાર માટે જીવીત થાય છે અને ભગવાનનું નામ જપે છે ત્યારબાદ તેને ગંગાજળ પીવડાવવામાં આવે છે. ગંગાજળ પીધા બાદ તેની આત્મા ફરીથી શરીર છોડી દે છે.

આ મંદિરના ખોદાણ વખતે તેમાંથી કેટલીય સંખ્યામાં શિવલિંગ મળી આવ્યા છે. આ શિવલિંગની ખાસિયત એ છે કે તેના પર જળાભિષેક કરવાથી તેમાં જે તે વ્યક્તિનો ચહેરો પણ દેખાય છે.

આ મંદિર વિશે બીજી પણ એક માન્યતા છે કે આ શિવલિંગની સામે કરવામાં આવેલા દીવાની સામે શિવરાત્રિની રાત્રે સતત જોઈને જાપ કરવામાં આવે તો તેવા દંપતીને ચોક્કસથી પુત્રની પ્રાપ્તિ થાય છે.

You might also like