મ્યુનિ. વોર્ડ દીઠ પ્રભારી અધિકારી નિમાયા પણ લોકોના પ્રશ્નો ઉકલાશે ખરા?

અમદાવાદ: દેશના ગોવા કે ઉત્તર પૂર્વ રાજ્ય કરતાં પણ ગુજરાતનું આર્થિક પાટનગર ગણાતા અમદાવાદનું મ્યુનિસિપલ કોર્પોરેશનનું બજેટ વધારે છે. દર વર્ષે મ્યુનિસિપલ કોર્પોરેશનના જંબો બજેટમાં તોતિંગ વધારો થતો જાય છે. જેમાં કરોડો રૂપિયા નવા પ્રોજેકટની ઝાકમઝોર સામાન્ય નાગરિકોને આંજી દે છે.

તે પૈકીના મોટાભાગના પ્રોજેક્ટ છેવટે સરકારી ફાઇલમાં ‘કાગળ’ બનીને રહેવાની સાથે સાથે લોકોનો સામાન્ય સુખાકારીના કામ ટલ્લે ચઢે છે. આ બાબતની ગંભીરતા સમજીને કોર્પોરેશનના ઇતિહાસમાં પ્રથમવાર પ્રજાલક્ષી પ્રશ્નોના નિરાકરણ માટે તાજેતરમાં મ્યુનિસિપલ કમિશનર વિજય નહેરાએ વોર્ડ દીઠ પ્રભારી અધિકારીની નિમણૂક કરી છે.

શહેરને સ્માર્ટ સિટી બનાવવા માટે તંત્ર પ્રયત્નશીલ છે જેમાં ‘કેશલેસ’ વ્યવહારનો પણ સમાવેશ થાય છે. તેમ છતાં નાગરિકોનાં નળ, ગટર, રસ્તા, બંધ, સ્ટ્રીટલાઇટ, રખડતાં ઢોર તેમજ આરોગ્ય સેવાને લઇને છાશવારે ફરિયાદો ઊઠતી રહેતી હોઇ આ મામલે શાસકો તેમજ વહીવટી તંત્ર બેદરકારી દાખવતું હોવાની લાગણી પણ સામાન્ય જનમાનસમાં ફેલાઇ છે.

શાસક ભાજપના સભ્યો પણ મ્યુનિસિપલ કોર્પોરેશનમાં સર્વોચ્ચ લેખાતી સ્ટેન્ડિંગ કમિટી સહિતની રોડ બિલ્ડિંગ, વોટર સપ્લાય, હેલ્થ અને રેવન્યુ કમિટી જેવી વિભિન્ન કમિટીઓ તંત્ર વિરુદ્ધ અવારનવાર બળાપો ઠાલવતા હોય છે. તંત્રની સીસીઆરએસ સિસ્ટમ હેઠળના ફરિયાદ નંબર ૧પપ૩૦૩માં પણ ધુપ્પલ ચાલે છે.

જે તે ફરિયાદ નાગરિકની ફરિયાદનો સંતોષકારક નિકાલ લાવવાને બદલે સંબંધિત વિભાગ અનેક કિસ્સામાં દંડાઇ કરીને ફરિયાદનો વીંટલો વાળી દે છે.

જેના કારણે મ્યુનિસિપલ કોર્પોરેશનના ઇતિહાસમાં પ્રથમવાર મ્યુનિસિપલ કમિશનર વિજય નહેરા દ્વારા ૪૮ વોર્ડના પ્રભારી અધિકારી નિમણૂક કરાઇ છે. રાજ્ય સરકારના મોડલ પદ આ અધિકારીઓની નિમણૂક કરાઇ છે. આ પ્રભારી અધિકારીઓએ પોતપોતાને ફાળવેલા વોર્ડનું પ્રશ્નોને લગતી માહિતી સીધેસીધે જે તે ઝોનના ડેપ્યુટી કમિશનર અને કમિશનરને આપશે.

જાણકાર સૂત્રો કહે છે નાગરિકોને પીવાં પડતાં દૂષિત પાણી જેવી સમસ્યામાં જે તે વોર્ડના હેલ્થ અને ઇજનેર વિભાગના અધિકારીઓ વચ્ચેના સંકલનનો અભાવ જોવા મળ્યો છે. કેમ કે આ બન્ને વિભાગ પ્રશ્નના મૂળ સુધી પહોંચવાનો પ્રયાસ કરવાને બદલે એકબીજા પર દોષારોપણ કરતા આવ્યા છે.

પરંતુ હવે વોર્ડ દીઠ પ્રભારી અધિકારીની નિમણૂક કરાતાં આ પ્રકારે સમસ્યાથી છટકવાની વૃત્તિ અટકશે અને પાણીજન્ય રોગચાળાના પ્રકોપથી પણ લોકોને રાહત મળશે. અગાઉ આસ્ટિન્ટટ કમિશનર પાસે રિવરફ્રન્ટ, ઇ ગર્વનન્સ જેવા અન્ય વિભાગનો પણ હવાલો હતો.

પરંતુ કમિશનર વિજય નહેરાએ ઝોન કક્ષાના પ્રજાલક્ષી પ્રશ્નોના ઝડપી નિરાકરણ માટે તમામ આસિસ્ટન્ટ કમિશનરના જે તે વિભાગના હવાલા પરત ખેંચીને ફક્ત ઝોન પૂરતા મર્યાદિત કરાયા છે.

હવે પ્રત્યેક વોર્ડ માટે ઊચ્ચ અધિકારીની પ્રભારી તરીકે ‌કરાયેલી નિમણૂક કમિશનર નહેરાની સામાન્ય સુખાકારીનાં કામોના ઝડપી ઉકેલ લાવવા માટેની કટિબદ્ધતા દાખવે છે તેમ પણ જાણકાર સૂત્રો કહે છે.

divyesh

Recent Posts

એશિયા કપઃ પાકિસ્તાન સામે ભારતનો ભવ્ય વિજય, 8 વિકેટે આપ્યો પરાજય

દુબઇઃ એશિયા કપમાં આજે ટીમ ઇન્ડીયા અને પાકિસ્તાન વચ્ચે પાંચમી એવી ભવ્ય મેચનો દુબઇમાં મુકાબલો થયો. જેમાં પાકિસ્તાનની ટીમે 43…

3 hours ago

જિજ્ઞેશ મેવાણીનો બેવડો ચહેરો, કહ્યું,”ધારાસભ્યોની સાથે મારો પણ પગાર વધ્યો, સારી વાત છે”

અમદાવાદઃ ધારાસભ્યોનાં પગાર વધારા મામલે કોંગ્રેસનાં ધારાસભ્ય જીજ્ઞેશ મેવાણીએ વિશેષ પ્રતિક્રિયા આપી છે. જીજ્ઞેશ મેવાણીએ સોશિયલ મીડિયા પર પોસ્ટ કરીને…

4 hours ago

વિધાનસભા ગૃહમાં હોબાળો, નીતિન પટેલે કહ્યું,”કોંગ્રેસની અવિશ્વાસની દરખાસ્ત નિયમ વિરૂદ્ધ”

ગાંધીનગરઃ વિધાનસભા ગૃહમાં કોંગ્રેસનાં સભ્યોએ આજે ફરી વાર હોબાળો કર્યો હતો. ભાજપ વિરોધી સૂત્રોચ્ચાર કરીને હોબાળો કર્યો હતો. કોંગ્રેસનાં ધારાસભ્યો…

5 hours ago

સુરતઃ 3 વર્ષની માસૂમ બાળકીનું બિસ્કિટ અપાવવા બહાને કરાયું અપહરણ

સુરતઃ આપણી નજર સમક્ષ અવારનવાર નાની બાળકીઓ પર દુષ્કર્મ અને અપહરણ થયા હોવાનાં કિસ્સાઓ સામે આવતા હોય છે. ત્યારે આવો…

6 hours ago

નવાઝ પુત્રી-જમાઇ સહિત થશે જેલમુક્ત, ઇસ્લામાબાદ HCનો સજા પર પ્રતિબંધ

ઇસ્લામાબાદ હાઇકોર્ટે પાકિસ્તાનનાં પૂર્વ પ્રધાનમંત્રી નવાઝ શરીફની સજા પર પ્રતિબંધ લગાવી દીધો છે.નવાઝની દીકરી મરિયમ નવાઝ અને જમાઇ મોહમ્મદ સફદરની…

7 hours ago

રાજકોટઃ વાસફોડ સમાજે ઉચ્ચારી આત્મવિલોપનની ચીમકી, તંત્ર એલર્ટ

રાજકોટઃ શહેરમાં સરકાર દ્વારા ફાળવવામાં આવેલા પ્લોટની અધિકારીઓ દ્વારા માપણી ન કરવામાં આવતા વાસફોડ સમાજે આત્મવિલોપનની ચીમકી ઉચ્ચારી હતી. જો…

8 hours ago