Categories: Sports

બધા ચોંક્યા, જ્યારે મુનાફ પટેલ ૧૪૨૬ દિવસ બાદ IPLમાં રમ્યો

મુંબઈઃ મુનાફ પટેલ માટે આઇપીએલની દસમી સિઝન સાથે જ સમયનું ચક્ર આખેઆખું ૩૬૦ ડિગ્રી ફરી ગયું છે. તે લાંબા સમયથી આઇપીએલની ચમકથી દૂર રહ્યો હતો અને ઘરેલુ ક્રિકેટ રમી રહ્યો હતો. નવેમ્બર-૨૦૧૬માં વડોદરા તરફથી તેણે ફર્સ્ટ ક્લાસ ક્રિકેટની અંતિમ મેચ રમી હતી. ગત ૧૬ એપ્રિલે મુંબઈ ઇન્ડિયન્સ સામે ગુજરાત લાયન્સની ટીમમાં જ્યારે મુનાફ પટેલના સમાવેશની જાહેરાત થઈ ત્યારે ઘણા લોકો ચોંકી ગયા હતા. ગુજરાતના કેપ્ટન સુરેશ રૈનાએ ટોસ દરમિયાન કહ્યું કે મુનાફ આ મેચમાં રમવાનો છે. મુનાફને ચાર વર્ષ એટલે કે ૧૪૨૬ દિવસ બાદ આઇપીએલમાં રમવાની તક મળી હતી.

મુંબઈ ઇન્ડિયન્સ સામે મેદાનમાં ઊતરતાં પહેલાં મુનાફ પટેલ ૨૧ મે, ૨૦૧૩ના રોજ આઇપીએલની મેચ રમ્યો હતો. એ વર્ષે તે મુંબઈ ઇન્ડિયન્સની ટીમમાં હતો અને ચેન્નઈ સુપર કિંગ્સ સામે મેદાનમાં ઊતર્યો હતો. એ મેચમાં તેનું પ્રદર્શન અપેક્ષા અનુસાર નહોતું રહ્યું. મુનાફની ત્રણ ઓવરમાં ચેન્નઈના બેટ્સમેનોએ ૩૨ રન ઝૂડી કાઢ્યા હતા. મુનાફ એ મેચમાં એક પણ વિકેટ ઝડપી શક્યો નહોતો. આશ્ચર્યનની વાત તો એ છે કે હવે જ્યારે મુનાફની વાપસી થઈ ત્યારે તે સુરેશ રૈનાની કેપ્ટનશિપવાળી ટીમનો સભ્ય છે. ૨૦૧૩માં રૈનાની બેટિંગને કારણે જ મુનાફ ટીમની બહાર થઈ ગયો હતો. આ વખતે આઇપીએલની હરાજીમાં ગુજરાત લાયન્સે મુનાફને ૩૦ લાખ રૂપિયામાં ખરીદ્યો હતો.

divyesh

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

16 hours ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

17 hours ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

17 hours ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

17 hours ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

17 hours ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

17 hours ago