MP: ટ્રેકટર-જીપ વચ્ચે ગમખ્વાર અકસ્માતઃ 12નાં મોત, નવને ઈજા

ભોપાલ: મધ્યપ્રદેશના મુરેનામાં આજે સર્જાયેલા અકસ્માતમાં ગેરકાયદે રેતી ભરીને જઈ રહેલા એક ટ્રેકટરના ચાલકે જીપને ટકકર મારતાં ૧૨ લોકોનાં મોત થયાં છે જ્યારે અન્ય નવ વ્યકિતને ઈજા થઈ છે. જેમાંથી પાંચ વ્યકિતની હાલત ગંભીર છે. તેથી મૃત્યુ આંક હજુ વધવાની સંભાવના છે.

આજે સવારે ગેરકાયદે રેતી ભરીને જઈ રહેલા એક ટ્રેકટરના ચાલકે રોડ પરથી પસાર થતી જીપને ટકકર મારતાં ૧૨ વ્યકિતનાં મોત થયાં છે. આ ઘટના મુરેના સ્ટેશન રોડ પોલીસ મથકની હદમાં બની છે. આ અકસ્માત એટલો ભયંકર હતો કે ટ્રેકટરની ટકકર લાગતાં જીપનો ખુરદો બોલી ગયો હતો.

બનાવની જાણ થતાં પોલીસે ઘટના સ્થળે દોડી જઈને જીપમાં ફસાયેલા મૃતદેહોને બહાર કાઢવાની કામગીરી કરી હતી. આજે સવારે પાંચ વાગે રેતીથી ભરેલા ટ્રેક્ટર ટ્રોલીએ જીપને ટક્કર મારી દીધી. આ અકસ્માતમાં ૧૨ લોકોનાં મોત થઇ ગયાં. નવ લોકો ઘાયલ છે.

તેમાં પાંચની હાલત ગંભીર જણાવવામાં આવી રહી છે. જણાવવામાં આવી રહ્યું છે કે મુરેનાથી ચાર કિમી દૂર અમ્બાહ રોડ પર ગંજરામપુરની નજીક આ અકસ્માત થયો હતો. આ ઘટનામાં વાહનોની અથડામણ એટલી ભયંકર હતી કે બંને વાહન ખરાબ રીતે ક્ષતિગ્રસ્ત થઇ ગયાં.

બંને વાહનની વચ્ચે શબ ફસાઈ ગયાં. સ્થળ પર પહોંચેલી પોલીસે સ્થાનિક લોકોની મદદથી તેમને બહાર કાઢ્યાં હતાં. ટ્રેક્ટર ડ્રાઇવર ઘટના બાદ સ્થળ પરથી ભાગી ગયો હતો.

મુરેનાના એસપી અમિતસિંહે આ દુર્ઘટના બદલ દુઃખ વ્યકત કરતાં જણાવ્યું હતું કે જીપમાં બેઠેલા લોકો ગ્વાલિયરથી તેમના સંબંધીની એક યુવતીનું મોત થતાં તેના અંિતમ સંસ્કાર માટે જઈ રહ્યા હતા. અને તેઓ ગ્વાલિયરના બડેરા ગામના રહીશો હતા.

તેઓ મુરેનાના ગુરગાન ગામ જઈ રહ્યા હતા ત્યારે મુરેના નજીક રેતી ભરીને પૂરપાટ આવતાં ટ્રેકટરે જીપને ટકકર મારતાં તેમાં બેઠેલા લોકો ૧૨ લોકોનાં ઘટનાસ્થળે જ મોત થયાં છે. જ્યારે અન્ય નવ લોકોને ઈજા થઈ છે. જેમાંથી બે લોકોની હાલત ગંભીર જણાવાઈ રહી છે.

You might also like