CBSEનાં રિઝલ્ટ માટે બોર્ડની વેબસાઈટ ઉપરાંત વધુ એક અોપ્શન

અમદાવાદ: સીબીએસઇ રિઝલ્ટ જાહેર થાય ત્યારે વિદ્યાર્થીઓને સામાન્ય રીતે વેબસાઇટ હેંગ થઇ જવાની સાથે સર્વર ડાઉન થતું હોવાની મુશ્કેલીઓનો સામનો કરવો પડે છે, જેના કારણે વિદ્યાર્થીઓને તેમનું રિઝલ્ટ જોવા માટે કલાકો સુધી રાહ જોવી પડે છે.

આ વર્ષથી ધો.૧૦ અને ૧રના વિદ્યાર્થીઓને પરિણામ બાબતે કોઇ સમસ્યાનો સામનો ન કરવો પડે તે માટે સીબીએસઇ બોર્ડ દ્વારા મહત્ત્વનું પગલું લેવામાં આવ્યું છે. આ વર્ષથી સીબીએસઇ દ્વારા રિઝલ્ટ મામલે ગૂગલ સાથે ટાઇઅપ કરાયું છે, જેના માટે વિદ્યાર્થીઓને જ્યારે પરિણામ જાહેર થશે ત્યારે પરિણામ જોવા માટે બે વિકલ્પ મળશે.

એક વિકલ્પ સીબીએસઇ વેબસાઇટનો હશે અને બીજો વિકલ્પ ગૂગલના રિઝલ્ટ ઓપ્શન પર ‌િક્લક કરીને પરિણામ જાણવાનો હશે. આ સુવિધા હેઠળ વિદ્યાર્થીએ ગૂગલ પર ક્લિક કરીને પોતાનાં રોલ નંબર-જન્મતારીખ એન્ટર કરવાનાં રહેશે. ત્યારબાદ તેને પરિણામ સંબંધિત તમામ માહિતી મળી જશે. આધારભૂત સૂત્રોના જણાવ્યા મુજબ આ પરિણામ ર૩ અથવા ર૮ મેના રોજ જાહેર કરાશે.

સીબીએસઇ ધો.૧રની પરીક્ષા પ માર્ચે યોજાઇ હતી. વિદ્યાર્થીઓ માટે પરિણામ જાણવા માટે બોર્ડ હેલ્પલાઇન પણ જાહેર કરશે, જેમાં વિદ્યાર્થી પોતાનો પરીક્ષા નંબર જણાવીને પરિણામ જાણી શકશે. તેના માટે વિદ્યાર્થીઓએ પ્રતિમિનિટનાે ૩૦ પૈસા ચૂકવવાે પડશે. ‌િડજિટલ લોકર મારફતે પણ સીબીએસઇ વિદ્યાર્થી રજિસ્ટર્ડ મોબાઇલ પર એકાઉન્ટ ડિટેઇલ મેળવી બોર્ડની માર્કશીટ પોતાના લોકરમાંથી મેળવી શકશે. અત્રે ઉલ્લેખનીય છે કે ધો.૧૦ અને ૧રની પરીક્ષામાં પેપર લીક થવાની ઘટના બની હતી, જેના કારણે ગત વર્ષની તુલનાએ આ વર્ષે પરિણામ મોડું જાહેર થવાની શક્યતા છે.

You might also like