Ahmedabad: નવરંગપુરા, આંબાવાડી, નારણપુરા સહિતના 165થી વધુ એકમો સીલ

અમદાવાદ: મ્યુનિસિપલ કમિશનર વિજય નહેરાએ જાહેરમાં ગંદકી ફેલાવનારા એકમ વિરુદ્ધ ભારે કડકાઇથી કામ લેવાની જે તે ઝોનના હેલ્થ વિભાગને તાકીદ કરી છે, જેને પગલે ગઇ કાલે દક્ષિણ ઝોન, તો આજે દક્ષિણ ઝોન, પૂર્વ ઝોન, મધ્ય ઝોન, પશ્ચિમ ઝોન અને નવા પશ્ચિમ ઝોનમાં તંત્રે સપાટો બોલાવ્યો હતો.

પશ્ચિમ ઝોનમાં તો નવરંગપુરાના મ્યુનિસિપલ માર્કેટ, અંકુર ચાર રસ્તા અને આંબાવાડી સર્કલ ખાતે મધરાતે સત્તાવાળાઓ ત્રાટક્યા હતા. આજે સવારે શહેરભરના ૧૬૫થી વધુ એકમને સીલ મરાયાં હતાં.

જાહેર રસ્તા પર કચરો ફેંકનારા એકમોને સીલ મારવાની મ્યુનિસિપલ કોર્પોરેશનની ઝુંબેશ હેઠળ ગઇ કાલે મધરાતે બાર વાગ્યે પશ્ચિમ ઝોનની હેલ્થ વિભાગની ટીમ નારણપુરા વોર્ડ અને નવરંગપુરા વોર્ડમાં ત્રાટકી હતી. નારણપુરા વોર્ડના અંકુર ચાર રસ્તા પરની એપોલો ફાર્મસી, બિઝી પાન પાર્લર, સત્યમ્ ફૂટવેર, રમી ફૂટલર્સ, નવરંગપુરા વોર્ડમાં આવેલી મ્યુનિસિપલ માર્કેટની હેવમોર આઇસક્રીમ, વાહ ફૂડ તેમજ આંબાવાડી સર્કલની ઓમ બ્રે (ફૂડ), સંઘવી બ્રધર્સ, ફ્રેન્ડ પાન પાર્લરને ગંદકી કરવાના મામલે તાળાં માર્યાં હતાં.

આ એકમો પાસેથી રૂ. ૬૦ હજારનો દંડ વસૂલાયો હતો તેમ પશ્ચિમ ઝોનના હેલ્થ વિભાગના વડા ડો. દક્ષાબહેન મૈત્રક જણાવે છે, જ્યારે ગઇ કાલે બપોરે પશ્ચિમ ઝોનના રાણીપ વોર્ડના અર્બુદા એસ્ટેટના કેબ વૂડ આર્ટ, લક્ષ્મી પ્લાયવૂડ, પાયલ સિલ્વર આર્ટ સહિત ચાર એકમને સીલ કરાયાં હતાં.

જ્યારે દક્ષિણ ઝોનમાં આજે સવારે ગંદકી ફેલાવવાના મામલે મણિનગરમાં પાંચ, બહેરામપુરામાં ચાર, દાણીલીમડામાં આઠ, ઇન્દ્રપુરીમાં અગિયાર, વટવામાં દશ, ઇસનપુરામાં પાંચ, લાંભામાં સાત, ખોખરામાં દશ એકમ સહિત કુલ સાઠ એકમને તંત્રે તાળાં માર્યાં હતાં તેમ આ ઝોનના હેલ્થ વિભાગના વડા ડો. તેજસ શાહ જણાવે છે.

તંત્રે સીલ મારેલાં એકમોમાં ખોખરા સર્કલનું વાડીલાલ પાર્લર, ખોખરા રેલવે ક્રોસિંગ રોડનું નવદુર્ગા ટ્રેડર્સ, ગુજરાત હાઉસિંગ બોર્ડના ટીકટેક પાન પાર્લર, શક્તિ પાન પાર્લર, હાટકેશ્વર મેઇન રોડનું ગુજરાત ફૂટવેર, રોયલ રજવાડી શો રૂમ, આરતી સાડી, ઘૂંઘટ સાડી, પટેલ સિઝનેબલ, મણિનગરમાં ગોરધનવાડી ચાર રસ્તા પરનું સત્કાર પાન પાર્લર, રામબાગનું ગોવિંદ સાઇકલ, મણિનગર બસ સ્ટેન્ડ નજીક દિપલતા જ્વેલર્સ, મણિનગર ચાર રસ્તા પરના હાઇનેટ મોબાઇલ અને જય માડી મોબાઇલ શોપનો સમાવેશ થાય છે.

દરમિયાન હેલ્થ વિભાગના વડા ડો. ભાવિન સોલંકી કહે છે, આ બંને ઝોન ઉપરાંત નવા પશ્ચિમ ઝોનમાં ૬૫ એકમ, મધ્ય ઝોનમાં ૨૨ એકમ અને પૂર્વ ઝોનના એકમ મળીને આજે સવારે ૧૬૫થી વધુ એકમને સીલ મરાયાં હતાં.

divyesh

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

22 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

22 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

22 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

22 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

22 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

23 hours ago