Movie Review : ‘મોહેંજો દરો’

અાશુતોષ ગોવા‌િરકર પ્રોડક્શન, યુટીવી મોશન પિક્ચરના બેનર હેઠળ બનેલી ફિલ્મ ‘મોહેંજો દરો’ના નિર્માતા સુનીતા ગોવા‌િરકર અને સિદ્ધાર્થ રોય કપૂર છે. ફિલ્મનું સંગીત અે. અાર. રહેમાને અાપ્યું છે તો અાશુતોષ ગોવા‌િરકરે ફિલ્મનું ડિરેક્શન સંભાળ્યું છે. ફિલ્મમાં ઋત્વિક રોશન, પૂજા હેગડે, અરુણોદયસિંહ, નીતિશ ભારદ્વાજ અને શરદ કેલકર જેવા સ્ટાર છે.

ફિલ્મની કહાણી લગભગ ૨૦૧૬ ઇસવીસન પૂર્વે સિંધુ ઘાટી સભ્યતાના સમયની છે. અામરીના એક ખેડૂત સરમન (ઋત્વિક રોશન) સિંધના સૌથી મોટા શહેર મોહેંજો દરોમાં અાવે છે. એક અકસ્માતમાં ચાની (પૂજા હેગડે) નામની એક સુંદર છોકરીને બચાવે છે. ચાની ‘સિંધુ’માની સેવામાં છે. સિંધુ મા નદીઅોનાં દેવી છે, જે કૃપા અને અાશીર્વાદનું પ્રતીક હોવાની સાથે સંસ્કૃતિનું કેન્દ્ર છે. મહન (કબીર બેદી) અને તેનો પુત્ર મુંજા (અરુણોદયસિંહ) મોહેંજો દરો પર પોતાનો અધિકાર અને શાસન શરૂ કરવાના છે. ચાનીને જીતવા માટે સરમને મહનને હરાવવો પડશે અને પોતાના શહેરને બચાવવા માટે લોકોને જાગ્રત કરવા પડશે. ૧૦૦ કરોડના બજેટ સાથે અા ફિલ્મ બનાવવાની જાહેરાત કરાઈ હતી, પરંતુ તે બની ત્યારે ૧૪૦ કરોડ સુધી પહોંચી ચૂકી છે. કોઈ સાયન્સ ફિક્સન ફિલ્મ માટે અાટલું બજેટ ખર્ચાય તે તો સમજ્યા, પરંતુ જે ઇતિહાસની નોંધ પણ લેવાતી નથી તેવા વિષયની ફિલ્મ પાછળ અાટલું બધું બજેટ એક રિશ્ક ગણી શકાય. •

You might also like