મોનસૂન સત્રમાં આક્રમક રણનીતિ સાથે GST બિલ રજૂ કરશે મોદી સરકાર

નવી દિલ્હી: મોદી સરકાર સંસદના મોનસૂન સત્રમાં જીએસટી બિલને રજૂ કરશે. તાજેતરમાં રાજ્યસભાની ચૂંટણીમાં સંખ્યા વધાર્યા બાદ વધતી જતી આશાઓ સાથે કેન્દ્ર સરકારે તેને સંસદમાં લઇને આવશે. એક કેન્દ્રીય મંત્રીએ આ વાતની પુષ્ટિ કરી છે. તેમણે કહ્યું કે આપણે આ વખતે જીએસટી બિલને લઇને આક્રમક વલણ અપનાવીશું.

બિન કોંગ્રેસી સરકારવાળા રાજ્યોના સાંસદોને પણ આ મુદ્દે રાજ્યસભામાં સાથ મળવાની આશા છે. રાજ્યસભામાં ભાજપના નંબર વધી રહ્યાં છે. તો બીજી તરફ જીતીને આવેલા ત્રણ સ્વતંત્ર અને બિન કોંગ્રેસી ઉમેદવાર પણ ભાજપની સાથે ઉભા રહેવાના છે. હરિયાણામાં કોંગ્રેસના 14 વોટ રદ થવાનો લાભ પણ આવા ઉમેદવારોને મળ્યો છે.

કેન્દ્રીય મંત્રીએ કહ્યું કે પોતાની સરકારના દોઢ વર્ષ બાદથી જ વડાપ્રધાન નરેન્દ્ર મોદી આ બિલ માટે સતત કોંગ્રેસની મદદ મેળવવાનો પ્રયત્ન કરતા રહેશે. તેમછતાં સંસદમાં આ બિલ માટે વિપક્ષ અને ખાસકરીને કોંગ્રેસ રોડા નાખે છે. જીએસટી બિલ માટે માટે અમે બધા સંભવ સંસદીય માર્ગ શોધી રહ્યાં છીએ.

તેમણે કહ્યું કે અત્યારે કોંગ્રેસને જવાબ આપવાનો સમય છે. જીએસટીના મામલે અમે કોંગ્રેસને એક્સપોઝ કરીશું. તે કાં તો વ્હિપ કરી બિલ વિરૂદ્ધ વોટ કરવાનું કહેશે અથવા પછી પ્રદર્શન કરી કામ અટકાવવાનો પ્રયત્ન કરશે.

સરકારે સૂત્રો દ્વારા મળતી માહિતી અનુસાર તમિલનાડુના સીએમ જે જયલલિતા સતત જીએસટી બિલ વિરૂદ્ધ રહી, પરંતુ સરકારના પ્રયત્નો બાદ હવે તે આ મામલે સકારાત્મક વલણ કરવાના સંકેત આપ્યા છે.

You might also like