કેન્દ્રએ SCને કહ્યું,”નહીં થાય સોશિયલ મીડિયાનું મોનિટરીંગ”

ન્યૂ દિલ્હીઃ કેન્દ્ર સરકારે ચાંપતી નજર રાખવા માટે સોશિયલ મીડિયા હબ બનાવવાનાં નિર્ણયથી પીછેહટ કરી છે. સુપ્રિમ કોર્ટની સખ્તી બાદ સરકારે પોતાનાં હાથ પરત ખેંચવાનો નિર્ણય કર્યો છે. 13 જુલાઇનાં રોજ થયેલી છેલ્લી સુનાવણીમાં સુપ્રિમ કોર્ટે કહ્યું હતું કે, આ “નજર રહસ્ય” રહેવા દેવા લાયક હશે.

પ્રસ્તાવિત સોશિયલ મીડિયા હબને લઇને આરોપ લગાવવામાં આવ્યાં હતાં કે આ નાગરિકોની ઓનલાઇન ગતિવિધિઓ પર આ રીતે નજર રાખવી એ એક હથિયાર બની શકે છે.

કેન્દ્રએ શુક્રવારનાં રોજ સુપ્રિમ કોર્ટે સૂચિત કર્યું હતું કે સોશિયલ મીડિયા હબ બનાવવાનાં પ્રસ્તાવવાળી સૂચનાને પરત લઇ લેવામાં આવી છે અને સરકાર પોતાની સોશિયલ મીડિયા નીતિની ગહન સમીક્ષા કરશે.

ચીફ જસ્ટિસ દીપક મિશ્રા, જસ્ટિસ એ એમ ખાનવિલકર અને જસ્ટિસ ધનંજય વાઇ ચન્દ્રચૂડની ત્રણ સભ્યોવાળી પીઠે કેન્દ્ર તરફથી એટર્ની જનરલ કે કે વેણુગોપાલની આ દલિલ વિચાર કર્યો કે સૂચનાને પરત લેવામાં આવી રહી છે. પીઠે ત્યાર બાદ આ પ્રસ્તાવિત સોશિયલ મીડિયા હબને ચુનોતી દેવાવાળી અરજીનું નિસ્તારણ કરી નાખ્યું. વેણુગોપાલે પીઠને જણાવ્યું કે, સરકાર પોતાની સોશિયલ મીડિયા નીતિની સંપૂર્ણ રીતે સમીક્ષા કરશે.

પીઠ તૃણમૂલ કોંગ્રેસની વિધાયક મહુઆ મોઇત્રાની અરજી પર સુનાવણી કરી રહી હતી કે જેમાં આરોપ લગાવવામાં આવ્યો છે કે કેન્દ્રની સોશિયલ મીડિયા હબ નીતિનાં નાગરિકોની સોશિયલ મીડિયા ગતિવિધિઓ પર ચાંપતી નજર રાખવાનાં હથિયારનાં રૂપમાં ઉપયોગ કરવામાં આવશે.

તમને જણાવી દઇએ કે સુપ્રિમ કોર્ટે 13 જુલાઇનાં રોજ સરકાર પાસેથી જાણવાની કોશિશ કરી હતી કે શું મીડિયા હબ બનાવવાનો તેઓનો આ નિર્ણય નાગરિકોનાં Whatsappનાં મેસેજ પર નજર રાખવા માટે છે? આ સાથે જ કોર્ટે કહ્યું હતું કે આ “નજર એક રહસ્ય” બનાવવા જેવી થઇ જશે.

તૃણમુલ કોંગ્રેસની વિધાયકે એવો સવાલ કર્યો હતો કે શું સરકાર Whatsapp અથવા સોશિયલ મીડિયાનાં અન્ય મંચ પર નાગરિકોનાં મેસેજ પર નજર રાખવા ઇચ્છે છે. આનાંથી દરેક વ્યક્તિની અંગત જાણકારી પણ સરકાર શોધી શકશે. આમાં જિલ્લા સ્તર સુધી સરકાર ડેટાને શોધી શકશે.

You might also like