GSTના મોડલ એક્ટમાં ક્યારે ટેક્સ ક્રેડિટ મળી શકશે નહીં?

અમદાવાદ: જીએસટીના મોડલ એક્ટમાં માલ અને સેવાઓ પ્રાપ્ત કરતા સમયે વેરો ચૂકવાયેલો હોય તો પણ ઇનપુટ ટેક્સ ક્રેડિટ મળવાપાત્ર રહેશે નહીં, જેમાં ખાસ કરીને કર્મચારીના પોતાના ઉપયોગ માટ આપવામાં આવેલી સવલતો જેવી કે કેટરિંગ, આરોગ્ય, કોસ્મેટિક, ક્લબની મેમ્બરશિપ, જીવન વીમો, હેલ્થ વીમો વગેરે સામેલ છે.

એટલું જ નહીં મોટર વિહિકલનો વેપાર કરતી હોય અને માલ કે મુસાફરોની હેરફેર કે પછી વિહિકલ ચલાવવાની સેવાનો ધંધો હોય તો મોટર વિહિકલ ઇનપુટ ટેક્સ ક્રેડિટ મળવાપાત્ર રહેશે નહીં એટલું જ નહીં ઉચ્ચક વેરાનો લાભ લીધેલ વેપારી પાસેથી કરવામાં આવેલી ખરીદી, માલ અને સેવા કે જેનો ખાનગી અને વ્યક્તિગત ઉપયોગ થયેલો હોય, કેપિટલ ગુડ્સના વેપાર ઉપર ઇન્કમટેક્સ કાયદા ઉપર ડેપ્રિસિયેશનનો લાભ લીધેલો હોય ત્યાં ઇનપુટ ટેક્સ ક્રેડિટનો લાભ મળવાપાત્ર રહેશે નહીં. એટલું જ નહીં જે વેપારી માલ કે સેવા પર ચૂકવેલ વેરાની ઇનપુટ ટેક્સ ક્રેડિટ માગવામાં આવતી હોય તો તેઓએ તેનું બિલ હોવું જરૂરી છે. માલ કે સેવા મળેલી હોવા જોઇએ.વેપારીએ સમયસર રિટર્ન ના ભર્યાં હોય તો તેઓને ઇનપુટ ટેક્સ ક્રેડિટ મળશે નહીં.

ટેક્સ નિષ્ણાતોના જણાવ્યા પ્રમાણે કારોબારીએ ટેક્સની ક્રેડિટ લેવા માટે સમયસર રિટર્ન ભરવા પણ ખૂબ જ જરૂરી થઇ પડશે, જેમાં જો કોઇ પણ ખરીદનાર કે વેચનાર બેમાંથી કોઇ એક સમયસર ટેક્સ રિટર્ન નહીં ભરે તો કોસ્ટ વેરિફિકેશનમાં ટેક્સ ક્રેડિટ મેળવવી મુશ્કેલરૂપ સાબિત થઈ શકે છે.

You might also like