મિશેલ જોન્સનની ઇન્ટરનેશનલ ક્રિકેટને અલવિદા

સિડની: ઓસ્ટ્રેલિયાના ફાસ્ટ બોલર મિશેલ જોન્સને ઇન્ટરનેશનલ ક્રિકેટના તમામ ફોર્મેટમાંથી નિવૃત્તિ લેવાની જાહેરાત કરી છે. આજે ન્યુઝીલેન્ડ વિરુદ્ધ ચાલી રહેલી બીજી ટેસ્ટમેચ પૂર્ણ થવાની સાથે જ મિશેલ જોન્સન ઇન્ટરનેશનલ ક્રિકેટને અલવિદા કહેશે. મિશેલ જોન્સને આ અંગે જણાવ્યું હતું કે મારું માનવું છે કે ક્રિકેટને અલવિદા કહેવાનો આ યોગ્ય સમય છે. હું નસીબદાર છું કે મને દેશ વતી રમવાની તક મળી અને મારી ક્રિકેટ યાત્રા ઘણી જ સારી અને ઘટના સભર રહી હતી. મિશેલ જોન્સને જણાવ્યું હતું કે તેના માટે પર્થ ગ્રાઉન્ડ વાકાનું ખૂબ જ મહત્વ છે અને તેથી જ તેણે ઇન્ટરનેશનલ ક્રિકેટમાંથી ક્ષેત્ર સંન્યાસ લેવા માટે આ મેચ અને ગ્રાઉન્ડની પસંદગી કરી છે.

મિશેલ જોન્સને વધુમાં જણાવ્યું હતું કે મેં ખૂબ જ સમજી વિચારીને નિર્ણય કર્યો છે. આ મેચ બાદ મને નથી લાગતું કે હું બેગી ગ્રીન (ઓસ્ટ્રેલિયન ટીમની ક્રિકેટ કેપ) પહેરવા માટે એ લેવલની મહેનત કરવા કાબેલ છું. ૩૪ વર્ષીય ફાસ્ટબોલર મિશેલ જોન્સને અત્યાર સુધી ૭૩ ટેસ્ટમેચ રમી છે અને ૩૧૧ વિકેટ લીધી છે. તે ઓસ્ટ્રેલિયાનો ચોથા નંબરનો સૌથી સફળ બોલર છે. ટેસ્ટમાં વિકેટ લેવાની બાબતમાં તેનાથી આગળ માત્ર શેન વોર્ન (૭૦૮), ગ્લેન મેકગ્રાથ (પ૬૩) અને ડેનીસ લીલી (૩પપ) છે. ટેસ્ટ વિકેટ લેવાની બાબતમાં તમામ ટીમના બોલર્સની યાદીમાં મિશેલ જોન્સનનો ક્રમ રપમો છે. મિશેલ જોન્સને ૧પ૩ વનડેમાં ર૩૯ વિકેટ લીધી છે. જ્યારે ટી-ર૦માં ૩૦ મેચ રમીને ૧૩૮ વિકેટ લીધી છે.

મિશેલ જોન્સને ઓકટોબરમાં એક કોલમમાં રિટાયરમેન્ટ લેવાનો સંકેત આપ્યો હતો. તેણે જણાવ્યું હતું કે ઇંગ્લેન્ડમાં ઓસી. ટીમને મળેલી હાર બાદ તેણે નિવૃત્તિ અંગે વિચારવાનું શરૂ કરી દીધું હતું. મિશેલ જોન્સને લખ્યું હતું કે હું જ્યારે પર્થમાં પરત આવ્યો ત્યારે ટીવી પર મેટાડોર કપ જોતો હતો અને મને મેં જોયું કે નવા છોકરાઓ સારું પર્ફોમ કરી રહ્યા છે અને તેથી તેવી અનુભૂતિ થઇ કે હું મારી કરિયરમાં ક્યાં છું.

You might also like