OMG! MITના વિજ્ઞાનીઓએ વિશ્વનો સૌથી નાનો રોબોટ બનાવ્યો

નૈ‌નિતાલ: રોબોટિક્સના ક્ષેત્રમાં જે ગતિએ વિકાસ થઈ રહ્યો છે તેટલી જ ઝડપથી રોબોટ નાનો થઈ રહ્યો છે, જેમાં નેનોટેક્નોલોજીનો ઉપયોગ કરી વિજ્ઞાનીઓએ એવા સૂક્ષ્મ રોબોટની રચના કરી છે કે જેને નરી આંખથી જોઈ શકાતો નથી.

ત્યારે એમઆઈટીના વિજ્ઞાનીઓએ વિશ્વનો સૌથી નાનો રોબોટ બનાવ્યો છે અને એમઆઈટીના વિજ્ઞાનીઓએ દાવો કર્યો છે કે તેમણે અત્યાર સુધીના સૌથી નાના રોબોટની રચના કરી છે. આ રોબોટ બીમારીઓ પર વોચ રાખશે. માનવશરીર તેમજ તેલની પાઈપલાઈનમાં જઈ માહિતી મેળવશે તેવો પણ દાવો કર્યો છે.

આ રોબોટ માણસના એમ સેલ (અંડકોશિકા)ના આકારનો છે, જેમાં દ્વિઆયામી મટીરિયલ્સનો ઉપયોગ કરી તૈયાર કરેલી નાની ઈલેક્ટ્રોનિક સર્કિટ તેમાં લગાવવામાં આ‍વી છે. આ માટે કોલોઈડસ નામના કણોનો ઉપયોગ કરવામાં આવ્યો છે. કોલોઈડસ એવો અધુલનશીલ કણ અથવા અણુ હોય છે, જે પ્રવાહી અથવા હવાની ગેરહાજરીમાં પણ જોવા મળે છે. આ કણોની મદદથી અતિસૂક્ષ્મ અને જટિલ સર્કિટ તૈયાર કરવામાં ‍આવી છે.

આ રોબોટ અંગે વિજ્ઞાનીઓએ દાવો કર્યો છે કે આ સર્કિટ માનવશરીરની અંદર જઈ બીમારીઓ પર ખાસ વોચ રાખી શકે છે. આ ઉપરાંત તે તેલની પાઈપલાઈનમાં જઈને માહિતી મેળવી શકે છે તેમજ નિરીક્ષણ પણ કરી શકે છે.

અમેરિકા ખાતેની મેસેચ્યુસેટ્સ ઈન્સ્ટિટ્યૂટ ઓફ ટેક્નોલોજીના પ્રોફેસર માઈકલ સ્ટ્રાનો જણાવે છે કે અમે એક એવો ઉપાય શોધ્યો છે કે જેનાથી સમગ્ર રીતે તપાસ કરવામાં મદદ મળી શકે. વિજ્ઞાનીઓને કોલોઈડસ કણોની પસંદગી કરવાનો વિચાર ધૂળના કણ પરથી આવ્યો હતો તેનું મુખ્ય કારણ તે ખૂબ હલકો અને સૂક્ષ્મ હોય છે.

You might also like